Er Veðurstofan nauðsynleg?

  Ég hlusta daglega vel og rækilega á Útvarp Sögu.  Fyrir bragðið verð ég fróðari um sitthvað á hverjum einasta degi.  Í gærdag krossbrá mér illilega.  Á Útvarpi Sögu kom fram að starfsmenn Veðurstofu Íslands séu fleiri en tuttugu og fimm og fleiri en fimmtíu og fleiri en hundrað og fleiri en hundrað og fimmtíu.  Starfsmenn Veðurstofunnar eru 152!  Segi og skrifa:  Eitt hundrað fimmtíu og tveir!

  Þeir eru fleiri en meðalstórt þorp;  til að mynda allir íbúar Laugavatns til samans.  Hvað kostar rekstur Veðurstofunnar á ári?  Þarna er allt vaðandi í stjórum (gæðastjóri, hópstjórar, fagstjórar, mannauðsstjóri, vaktstjórar, aðalbókari, bókasafnsfræðingur, framkvæmdastjórar, forstjóri, rannsóknastjóri, verkefnastjóri, náttúruvárstjóri...).  Allir sennilega með sér skrifstofu með tilheyrandi búnaði.  Áreiðanlega hið vænsta fólk, samviskusamt og fullt áhuga. 

  Nú nota flestir Íslendingar norsku veðurstofuna yr.no.  Er þörf á Veðurstofu Íslands?  Ef svo er þá þörf fyrir að íslenska ríkið reki veðurstofu?  Er ekki hægt að einkavinavæða Veðurstofuna?  

  Hvað kostar þátttakan í Nató?  Er ekki hægt að einkavinavæða hana í leiðinni? 

 

Blint verður í fyrramálið

Athugasemdir

[Hilmar Hafsteinsson (IP-tala skráð) 13.11.2013 kl. 13:10]

Góð og þörf athugasemd. Veðurstofa Íslands er ofvaxið bákn. Nær væri fyrir stjórnvöld að úthýsa veðurspám fyrir Ísland, t.d. til Noregs, fyrir brot af því fjármagni sem fer í rekstur þessarar eineltisstofnunnar.

[Kristján B Kristinsson (IP-tala skráð) 13.11.2013 kl. 13:52]

Gleymum ekki einkareknu veðurstofunni, Belgingi. 

[Kristján B Kristinsson (IP-tala skráð) 13.11.2013 kl. 13:54]

Skyldi sambærilegur ofvöxtur í mannahaldi veðurstofunnar vera algengur í öðrum ríkisstofnunum?

[Stefán (IP-tala skráð) 13.11.2013 kl. 14:31]

Ég býst við því að þarna séu taldir upp allir veðurathugunarmenn í hlutastörfum á landinu, en er þó ekki viss ?  Trúi því bara ekki að allur þessi fjöldi sé í fullum störfum.  Versta lægðir sem em hér geysa um þessar mundir eru þegar vissir framsóknarmenn blása, t.d. er Vigdís Hauksdóttir stundum eins og fellibilur og Gunnar Bragi utanríkisráðherra blæs á við verstu norðanstorma, einna mestur er blásturinn á Þorstein Pálsson þessa stundina. Fyrir kosningar blés svo Sigmundur Davíð innihaldslausum loforðum í allar áttir.     

[Ágúst H Bjarnason, 13.11.2013 kl. 16:45]

Fjallar ekki Veðurstofan um ýmislegt annað en veður, svo sem jarðskjálftamælingar, vöktun á eldfjöllum, snjóflóðavarnir, vatnamælingar, hafísmælingar... ?

Reyndar ýmislegt annað sem lesa má hér:  http://www.vedur.is/um-vi/starfsaherslur/vidfangsefni/

Sem sagt, miklu meira en bara veður...

[Jens Guð, 13.11.2013 kl. 20:25]

  Hilmar,  nákvæmlega!

[Jens Guð, 13.11.2013 kl. 20:26]

  Kristján B. (#2),  takk fyrir áminninguna um Belging.  Það er lika veðurspárklúbbur á Dalvík sem spáir ókeypis. 

[Jens Guð, 13.11.2013 kl. 20:35]

  Kristján B. (#3),  það er alveg klárt mál.  Einu sinni var Seðlabankinn bara skúffa í Landsbankanum.  Núna er Seðlabankinn risabákn á mörgum hæðum.  Einu sinni var Umferðarráð einn maður með síma.  Hann hringdi daglega í útvarpið og varaði við hálku og minnti ökumenn á stefnuljósið.  Núna heitir stofnunin Samgöngustofa og starfsmenn eru á við heilan kaupstað úti á landi. 

[Jens Guð, 13.11.2013 kl. 20:38]

  Stefán,  ég hef sterkan grun um að allir 152 starfsmennirnir séu í fullu starfi.  Og á bullandi aukavöktum að auki. 

[Ómar Ragnarsson, 13.11.2013 kl. 20:47]

Sumir af þessum starfsmönnum hafa vinnu vegna jarðskjálfta og annarra fyrirbæra en beinlínis veðursins.

Hvað snerti betri erlendar veðurstofur má geta þess, að tvö af helstu óhöppum og slysförum í jöklaferðum á síðustu árum urðu vegna þess að menn leituðu uppi erlendar veðurstofur sem spáðu betra veðri en sú íslenska.

[Jens Guð, 13.11.2013 kl. 20:55]

  Ágúst,  jú, jú.  Þessir 152 starfsmenn Veðurstofunnar eru ekki allir að fylgjast með veðrinu út um gluggann.  Sumir fara offari í snjóflóðavörnum,  samanber baráttu Ásthildar Cesil á Ísafirði:  http://asthildurcesil.blog.is/blog/asthildurcesil/entry/1325699/

  Aðrir mæla vatn og mæla hafís.  Einn er meira að segja sérfræðingur í að lesa á hitamæli.  Einkaaðilar geta alveg séð um að lesa á mæla.  Sjáandinn, spámiðillinn og sölumaður skjálftaheldra einingarhúsa,  Lára,  spáir reglulega fyrir stórum jarðskjálftum.  Alveg ókeypis.  

  Það sem ég er að benda á er að Veðurstofa Íslands er rándýrt bákn sem engin ástæða er til að ríkið reki.  Ég er ekkert að hvetja til þess að hún verði lögð niður.  Þess í stað mæli ég með því að hún verði einkavinavædd.  Það er nauðsynlegt að skera utan af bákninu.  Stöðug fjölgun á aðstoðarmönnum ráðherra Framsóknarflokksins er þegar búinn að þenja þann kostnað út um 40 milljónir.  Opnun nýs sendiráðs Íslands á Grænlandi kostar aðrar tugi milljóna.  Einnig fjölgun ráðherra um 1 og Framsóknarmenn eru hvergi hættir að fjölga ráðherrum.   Þannig má áfram telja.

  Það verða allir að leggjast á eitt með að benda á leiðir til niðurskurðar og hagræðingar á móti hækkandi útgjöldum.  Veðurstofuna má selja.  Norska veðurstofan sem flestir styðjast við í dag, yr.no, er einkafyrirtæki.  

[Jens Guð, 13.11.2013 kl. 21:04]

  Ómar,  það er spurning hvort að einkaaðilar geti ekki séð um jarðskjálftaspár og veðurspá.  Ég hef fyrst og fremst áhyggjur af þeim gríðarlega kostnaði sem ríkissjóður situr uppi með vegna reksturs Veðurstofu Íslands.    

[IngveldurKristjánsdóttir (IP-tala skráð) 13.11.2013 kl. 22:44]

Ég verð að koma því að ég sá bók í vinnunni um daginn sem var að minnsta kosti 300 blaðsíður og hét því skemmtilega nafni Saga Veðurstofu Íslands. Þar hlýtur að vera útlistað nákvæmlega hvernig þessi miklu starfsmannafjöldi er tilkominn :)

[Jens Guð, 13.11.2013 kl. 23:15]

  Ingveldur,  þessi bók verður á náttborði margra yfir jólin. 

[Axel Jóhann Hallgrímsson, 16.11.2013 kl. 00:15]

Ef þjónusta Veðurstofunnar verður einkavædd, kostar hún þá ekkert? Þekkir þú einhverja Jens, sem vilja fjármagna þessa þjónustu án þess að taka til sín ríflegan arð af þeirri fjárfestingu, eins og í öðrum einkarekstri? Sá þáttur vill víst æði oft gleymast í einkavæðingaráróðrinum öllum, viljandi tel ég, til að dæmið líti betur út.

[Jens Guð, 16.11.2013 kl. 15:46]

  Axel Jóhann,  ef Veðurstofan verður einkavinavædd þá losnar ríkissjóður við árlegan kostnaðarlið upp á sennilega vel á annan milljarð kr.  Það er ekkert nema í góðu lagi að einkarekstur skili arði.  Vinsælasta veðurstofan, yr.no, er einkafyrirtæki.  Líka íslenska veðurstofan belgingur.is. 

[Elsabet Sigurðardóttir, 17.11.2013 kl. 14:48]

Langar mig að nefna m.a. þegar rafmagnið fór af LSH og vararafstöð spítalans virkaði ekki 16. febrúar 1981 einnig rifnaði þakið af viti menn óveður skall á Ísland

[Jens Guð, 17.11.2013 kl. 20:12]

  Elsabet,  takk fyrir ábendinguna.

[Elsabet Sigurðardóttir, 17.11.2013 kl. 21:25]

óveður skall á og veðurstofa ísl. sá það ekki fyrir 16.02.1981 létust aðrir einstaklingar á LSH vegna þessa! þöggun kerfisins þegar alvarlegt gerist sem rekja má til yfirvalda en þeir telja sig ómissandi eins og aðrar ríkisstofnanir sem sjá um öryggismál landans eigin-hagsmunastofnanir eins og hefur sýnt sig í stjórnunarstöðum alls hins opinberra

[Sigurður Þór Guðjónsson, 19.11.2013 kl. 16:52]

Þetta er nú meiri þvælan. Og ekki eru flestar athugasemdirnar skárri.

[Jens Guð, 19.11.2013 kl. 22:02]

  Elsabet,  það er margt til í þessu hjá þér. 

[Jens Guð, 19.11.2013 kl. 22:05]

  Sigurður Þór,  ég túlka þetta komment þitt sem stuðning við að Veðurstofan kosti ríkissjóð áfram mörg hundruð milljónir króna árlega.  Hátt í eða um yfir milljarð á ári.