Fegurstu fossar í heimi

  Netsíðan mobilelikez.com hefur tekið saman og birt myndir og lista yfir fegurstu fossa heims.  Það er gaman að sjá myndir af þessum fallegu fossum.  Listinn er jafnframt áhugaverður.  Ekki síst fyrir okkur sem búum á þessu landi tilkomumikilla fossa, elds og ísa.  Fegursti foss heims að mati mobilelikez.com er Suðurlandsfoss á Nýja-Sjálandi.  

  Hann virðist ekki vera neitt merkilegur þessi Suðurlandsfoss.  Það vantar nefnilega eitthvað á myndina sem sýnir stærð fossins.  Hann er næstum hálfur kílómetri að lengd og fellur í þrennu lagi.  Efsti hlutinn er 229 m,  miðbunan er 248 m og neðsta gusan er 103 m.  

  Fossinn er sagður fegurstur séður úr lofti.  Einkum séður úr þyrlu í frosti.

  Næst fegursti fossinn er Dettifoss í Jökulsárgljúfri á Íslandi.  Til samanburðar við þann ný-sjálenska er Dettifoss ekki nema 45 m hár (innan við 1/10).  

 

  Á móti vegur að Dettifoss er 100 m breiður og straumharður. 

  Ljósmyndin sem mobilelikez.com birtir og ég endurbirti hér er ekki af Dettifossi heldur Goðafossi.

  Númer 3 er Gullfoss í Haukadal á Íslandi.  

 Fegurð Gullfoss er sögð liggja í því hvernig vatnið ferðast niður fossinn í þremur þrepum.

  Númer 4 er foss sem kallast Kaieteur og er í Guyana.  

 

  Hæð hans er 229 m.

  Númer 5 er Yosemite í Kaliforníu.  Könunum hefur ekki tekist að finna út hæð hans í metrum talið.  Þeir átta sig ekki á því hvernig metrakerfið virkar.  Þess í stað hafa þeir mælt hæðina í fetum.  Hún er 2425 fet.   Þau geta samsvarað 739 m. 

Athugasemdir

[Tobbi (IP-tala skráð) 22.11.2013 kl. 17:07]

Eitthvað er nú orðum aukið með hæð þessa Dettifoss á Íslandi!  Þegar ég legg reglustikuna á skjáinn fæ ég ekki nema ca. 12 m í stað 45.  Og svo virðist hann líka hafa færst úr stað?  Getur verið að hann sé kominn vestur að Ljósavatnsskarði?  Og í Skjálfandafljóti? Og heiti alls ekki Dettifoss?

[Einar (IP-tala skráð) 22.11.2013 kl. 19:32]

Það skiptir engu máli þótt menn ruglist á Goðafossi og Dettifossi. Aðalatriðið er að hann er fyrir norðan. Annars finnst mér Dynjandi fegursti foss á Íslandi.

[Ómar Ragnarsson, 22.11.2013 kl. 23:39]

Magnaðasti stórfoss á Íslandi er að mínum dómi Dynkur í Efri-Þjórsá, þ. e. þegar hann fær að nýta afl sitt, en búið er að taka af honum 40% með Kvíslaveitu án þess að það væri nokkurn tíma sagt frá því fyrirfram.

Einstæðasti foss á Íslandi og jafnvel í heiminum ber nafnið Hraunfossar í Borgarfirði.  

[Jens Guð, 23.11.2013 kl. 22:45]

  Tobbi,  bestu þakkir fyrir ábendinguna. 

[Jens Guð, 23.11.2013 kl. 22:45]

  Einar,  íslenskir fossar eru fallegir. 

[Jens Guð, 23.11.2013 kl. 22:46]

  Ómar,  takk fyrir fróðleiksmolana.