Bókin um færeysku álfadísina Eivöru

  Í gær kom í verslanir bókin "Gata,  Austurey,  Færeyjar,  Eivör og færeysk tónlist".  Bókin er bæði gefin út í mjúkri kápu og harðspjaldakápu.  Harðspjaldakápan er töluvert dýrari (um 5 þúsund kall en mjúka kápan um 3 þúsund kall). 

  Nafn bókarinnar segir töluvert mikið um innihaldið.  Í gær atti bókin kappi við tvær öflugar bækur í útvarpsþættinum frábæra Virkir morgnar.  Eins og allir vita (nema Eiður Guðnason) þá er þátturinn Virkir morgnar skemmtilegasti morgunþáttur í íslensku útvarpi.  Þó er samkeppnin hörð á þeim vettvangi.  Andri Freyr og Gunna Dís fara á kostum í þættinum.  Þau eru svooooo afgerandi skemmtileg að það hálfa væri hellingur.  

  Bókin með langa titlinum,  "Gata, Austurey, Færeyjar, Eivör og færeysk tónlist",  rúllaði upp samkeppninni.  Engu að síður voru hinar bækurnar meiriháttar flottar:  Annars vegar "Brosbörn" og hinsvegar "Strákar".  Bókin "Brosbörn" er mega vel heppnuð og ævintýraleg barnabók. Gargandi snilld út í eitt.  Bókin "Strákar" er virkilega snjöll fyrir unglingsstráka.  Fjölbreytt, skemmtileg og unglingsstrákum nauðsynlegt hjálpartæki.   Það var mér mikill heiður að kynna bókina um Eivöru um leið og þessar glæsilegu og eigulegu bækur,  "Brosbörn" og "Strákar".   

 

Athugasemdir

[Sigurður I B Guðmundsson, 7.12.2013 kl. 11:09]

Ég hlustaði á þáttinn og að sjálfsögðu kom"Guðinn" sterkur út!! En mín spurning er: Kom þessi bók ekki líka út í Færeyjum og Danmörku???

[Sigurður Þórðarson, 7.12.2013 kl. 18:50]

Missti af þættinum en ég ætla ekki að missa af bókinni.

[Jens Guð, 9.12.2013 kl. 01:50]

  Sigurður I.B.,  mér skilst að bókin verði seld í Færeyjum.  Það er einhver áhugi fyrir henni þar.  En hún verður ekki þýdd yfir á færeysku.  Flestir Færeyingar komnir af barnsaldri geta stautað sig í gegnum íslenskan texta.  Blaðamaðurinn sem skrifaði eftirfarandi frétt hafði til að mynda ekki samband við mig heldur erum við Fésbókarvinir.  Hann skrifar fréttina út frá því sem hann les á Fésbókarsíðu minni. 

 http://jensgud.blog.is/blog/jensgud/entry/1335710/

[Jens Guð, 9.12.2013 kl. 01:51]

  Sigurður Þórðar,  er þetta ekki aðal jólagjöfin í ár?

[Steinunn Eir Ármannsdóttir (IP-tala skráð) 13.12.2013 kl. 12:45]

Sæll Jens

Fæst bókin í öllum helstu verslunum? Finn hana ekki á bókalistum á netinu - leitaði hjá Bónus, Hagkaup og Nettó. Endilega segðu mér hvar hún fæst svo ég geti tryggt mér eintak :)

[Jens Guð, 13.12.2013 kl. 13:39]

  Steinunn,  bókin fæst í nánast öllum verslunum sem selja bækur á annað borð.  Þar á meðal Bónus og Hagkaup. 

[Steinunn Eir Ármannsdóttir (IP-tala skráð) 13.12.2013 kl. 14:45]

Takk takk, hlakka til að lesa hana.