Einföld leið til að tvöfalda framleiðsluna

  Það er verulega undarlegt hvað mörgum gengur illa að hámarka framleiðslu í fyrirtækjum sínum.  Það er eins og framleiðendur á öllum sviðum vilji að reksturinn lulli í hægagangi á hálfum afköstum.  Dæmi:  Það er auðvelt að tvöfalda mjólkurframleiðsluna.  Líka eggjaframleiðsluna.  Það eina sem þarf að gera er að spila músík fyrir dýrin.  

  Þessar skepnur hafa einfaldan músíksmekk.  Þær kunna best við einfaldar laglínur og straumlínulagaðan flutning.  Flóknir taktar,  taktskiptingar,  ágeng sóló eða hamagangur og læti veita dýrunum ekki ánægju.  Kýr kunna vel við ljúft harmónikkuspil og léttklassík.  Hænur kunna best við létta söngleikjamúsík og léttklassík.

  Þessi músík veitir skepnunum vellíðan.  Þær slaka á,  kumra og mala inni í sér og fyllast hamingju.  Það leiðir til aukinnar mjólkurframleiðslu og örara eggjavarpi.

  Í einhverjum tilfellum er hægt að tvöfalda mjólkurframleiðsluna með þessari aðferð.  Hænurnar tvöfalda varpið með það sama. 

  Hér er sönglag sem Paul Simon orti um morgunverð.  Hann samanstóð af spældu eggi og kjúklingi.

   

  

Lág laun ástæðan fyrir litlum hagvexti

Athugasemdir

[Erla Magna Alexandersdóttir, 27.1.2014 kl. 20:21]

ja- en kæri vinur- stjórnvöld á Islandi vilja ekki flytja vörur út- þeif vilja INNFLUTNING !!!

[Jens Guð, 27.1.2014 kl. 22:43]

  Erla Magna,  það má vera að þetta sé rétt hjá þér.  Samt selja Íslendingar töluvert að sjávarafurðum til útlanda,  lambakjöti til Bandaríkjanna og Færeyja,  hrossakjöti til Japans og hrútaskaufum til Kína.   

[Stefán (IP-tala skráð) 28.1.2014 kl. 08:16]

Mozart inn í öll fjós og sjá, mjólkurfrmleiðslan mun stóraukast svo við þurfum ekki lengur írkst smjör. Held jafnvel að Mozart gæti líka virkað vel á smekkmanninn Guðna Ágústsson. Hins vegar myndi ég frekar mæla með hænuhausa-músík fyrir Vigdísi Hauks, gagg, gagg, gagg.

[Ásthildur Cesil Þórðardóttir, 28.1.2014 kl. 10:59]

Þetta er viðurkennd staðreynd, og einkennilegt að bændur skuli ekki notfæra sér það í meira mæli. 

[Pálmi Guðmundsson (IP-tala skráð) 28.1.2014 kl. 17:15]

Það þarf þá að fara að greiða STEF gjöld .

[Jens Guð, 28.1.2014 kl. 20:32]

  Stefán,  góður!

[Jens Guð, 28.1.2014 kl. 20:33]

  Ásthildur Cesil,  já,  ég undrast hvað bændur eru almennt sinnulausir um þetta.

[Jens Guð, 28.1.2014 kl. 20:34]

  Pálmi,  höfundarréttur klassískrar tónlistar er fyrndur.  Það þarf ekki að borga STEF-gjöld fyrir að spila hana.