Sýslumaður flytur lík á herðum sér

  Á vegi mínum í dag varð eintak af Morgunblaðinu frá því fyrr í vikunni.  Frétt vakti athygli mína.  Ég mátti ekki vera að því að lesa fréttina.  En sá að hún snérist um leyfi sýslumannsins á Siglufirði til að flytja lík á herðum sér.  Af því að ég gaf mér ekki tíma til að lesa fréttina þá veit ég ekki hvort að hann fékk leyfi til að flytja lík á herðunum.  Fyrirsögnin var:  "Leyfi til líkflutnings á herðum sýslumanns á Siglufirði". 

  Ég vona að hann hafi fengið þetta leyfi fyrst að það er honum kappsmál.  

-----------------------------------

  Svo gott sem allt fólk talar í nútíð er það mælir.  Nema nánast bara ein manneskja.  Hún segist tala í fortíð.  Það er aðdáunarverð kúnst sem fæstir leika eftir (nema örfáir eftir að hafa snætt görótta sveppi).  Orðrétt hélt hún þessu fram sem skrifað er við myndina.   

  Þar fyrir utan:  Flestum nægir að líta til baka án þess að vera að líta til baka.  

  Þessi spakmælta kona er sú hin sama og snéri nafnorðinu auðlind lipurlega upp í hæsta stigs lýsingarorð.  Sagði Ísland vera auðlindasta land í heimi.

  Þar áður hélt hún því fram að Róm hafi ekki verið byggð á einni nóttu.   Sem er áreiðanlega rétt.  Það er óhagkvæmt að byggja borg í myrkri nætur.  

  Fyrir daga rafmagns hefði verið hagkvæmara að byggja Róm að degi til.    

   

Athugasemdir

[Stefán (IP-tala skráð) 20.2.2014 kl. 08:28]

Líkflutningar og Vigdís Hauks í einum pakka, ha, ha, ha. Sú myndi nú aldeilis segja eitthvað öfugsnúið ef hún færi með líkræðu blessunin, þessa helsta talskona ríkisstjórnar sem því og miður er stjórnað af Framsóknarflokknum frá A - Ö og þar af leiðandi verða landsmenn að búa um sinn við skagfirskt kaufpfélags-efnahagssvæði. Já, mikill er máttur Þórólfs og kaupfélags Skagfirðinga að gera út utanríkisstefnu Íslands, sægreifafiskveiðistefnuna og ekki hvað síst haftastefnu á innflutningi á landbúnaðarvörum allt í senn. Það kostar íslendinga jú ekki nema 12 milljarða á ári að niðurgreiða íslenskan landbúnað.

[Ásthildur Cesil Þórðardóttir, 20.2.2014 kl. 12:46]

Hahahaha gaman að þessu, já við skulum vona að blessaður sýslumaðurinn hafi fengið leyfi til að bera lík á herðum sér.

Ég held að Vigdís sameini bæði fortíð, nútíð og framtíð.

[Jens Guð, 20.2.2014 kl. 21:15]

  Stefán,  mér skilst að stór hluti af niðurgreiðslum á landbúnaðarvörum renni beint í vasa einhverra milliliða.  Kannski KS?

[Jens Guð, 20.2.2014 kl. 21:16]

  Ásthildur Cesil,  ég held að það sé rétt hjá þér að Vigdís sameini allar tíðir.

[Ásthildur Cesil Þórðardóttir, 20.2.2014 kl. 22:00]

Eða sláturleyfishafa, sem hafa rétt eins og l.í.ú fengið úthlutað landsins gæðum af stjórnvöldum. Þeir fá meira en bændurnir Bara við að afhenda kjötið, þegar bændur þurfa að ala upp búfénað, sjá um hann í um það bil ár og fá minna en þessir arðræningjar.

[Jens Guð, 21.2.2014 kl. 00:11]

  Ásthildur Cesil,  svoooo rétt hjá þér. 

[Ásthildur Cesil Þórðardóttir, 21.2.2014 kl. 00:42]

Jamm minn kæri.