Rússar þenja brjóst og sperra stél

  Það er eins og Rússar verði sperrtari með hverjum deginum sem líður.  Pútín og hans lið kemst upp með allt.  Sama hvort er að bjarga sýrlenskum stjórnvöldum undan innrásarhótunum Obama eða bjarga Snowden undan Obama.  Eða dæma gagnrýnendur Pútíns í þrælkunarbúðir.  Eða halda Olympíu-leika og láta rússneska herinn umkringja úkraínskar herstöðvar og afvopna þær.  

  Rembingurinn í Rússum og og sjálfsupphafning þeirra er farin að taka á sig ýmsar myndir.  Þar á meðal eru þeir farnir framleiða fólksbíla í rembingslegri yfirstærð. 

   Til að taka af allan vafa þá hefur ekkert verið átt við þessar ljósmyndir.  Bíllinn er þetta stór. 

 

 

 

 

 

 

 

 

 

  Hinsvegar birtist sperringur Rússa líka í samsettum brúðkaupsmyndum.  Hér þykist brúðguminn jafnhatta fólksbíl með brúðurina innanborðs:

 

  Líka frekar undarlega samsett mynd af brúðhjónum sem eru sett inn sem dekk undir bíl: 

 

 

 

 

 

 

 

 

  Sumir Rússar monta sig af dráttarvélinni sinni.  Í rússneskum sveitum er dráttarvélin stöðutákn.  Metingurinn gengur út á að hafa stór dekk undir vélinni og góðan heyvagn aftan í henni.  Takið eftir að við hlið annars framhjólsins er öðru og stærra dekki stillt upp til að dráttarvélin sýnist vera vörpulegri.  Jafnframt er myndin tekin frá sjónarhóli þar sem þak á nálægu húsi virðist vera þak á heyvagninum og húsi traktorsins.    

„Þetta er stríðsyfirlýsing“

Athugasemdir

[Ármann Birgisson (IP-tala skráð) 2.3.2014 kl. 23:16]

Mig grunar að þú vitir ekki alla málavöxtu Jens. Er þetta ekki of mikil einföldun á málum tengdum Rússum?

[Jens Guð, 3.3.2014 kl. 00:23]

  Ármann,  það er alveg rétt hjá þér:  Ég veit ekkert um þetta.  Nema um bílana þeirra.  Ég fylgist með því dæmi.  

[Stefán (IP-tala skráð) 3.3.2014 kl. 08:19]

,, Það er eins og Framsóknarmenn verði sperrtari með hverjum deginum sem líður ". ,, Sigmundur Davíð ( Þórólfur Kaupfélagsstjóri ) og hans lið kemst upp með allt ".  ,, Rembingurinn í Framsóknarmönnum og sjálfsupphafning þeirra er farin að taka á sig ýmsar myndir ".  Leitum ekki langt yfir skammt.

[Ómar Ragnarsson, 3.3.2014 kl. 13:29]

Hélt einhver að Rússland gæti tekið upp kapítalisma án þess að bílarnir þeirra yrðu öðruvísi en í öðrum löndum?

Það eru framleiddir miklu fleiri Buick-bílar í Kína en í Ameríku og er þar þó á pappírnum kommúnistastjórn.  

[Þjóðólfur í Frekjukarði (IP-tala skráð) 3.3.2014 kl. 15:58]

Afsakið, ég spyr bara

 - Jens:

Er þetta alvara,

eða er þetta glens? 

[Jens Guð, 3.3.2014 kl. 19:27]

  Stefán,  og núna vill Þórólfur ekki að gamli pylsusalinn í Árbæ á Sauðárkróki fari í útvarpsviðtal nema í beinni útsendingu.

[Jens Guð, 3.3.2014 kl. 19:27]

  Ómar,  takk fyrir fróðleiksmolann.

[Jens Guð, 3.3.2014 kl. 19:28]

  Þjóðólfur,  þetta er alvara.