Hlálegur misskilningur

  Einu sinni sem oftar var ég með skrautskriftarnámskeið á Selfossi.  Ferðin frá Reykjavík austur yfir Hellisheiði var óþægilega þung vegna hríðarbyls.  Ég velti fyrir mér að fá mér hótelgistingu á Selfossi fremur en brjótast aftur til baka yfir heiðina um miðnætti.  Ég deildi vangaveltunum með nemendunum.  Af því spratt fjörleg umræða.  Þar á meðal var sögð saga sem margir heimamenn könnuðust við.  Höfðu heyrt (en kannski svokölluð flökkusaga).  Hún var eitthvað á þessa leið:

  Vegna þæfingsfærðar og ofankomu myndaðist umferðarhnútur á Hellisheiði.  Sýslumaðurinn á Selfossi kom þar að.  Hann var í gullbrydduðum herskrúða,  með gullhnöppum og kaskeiti.  Sem æðsti yfirmaður lögreglunnar í héraðinu tók hann umferðarstjórn þegar í stað í sínar hendur.  Hann óð út á veg og hófst handa við að leysa umferðarhnútinn.  Þá kom þar brunandi eldri ökumaður.  Hann hringdi umsvifalaust í lögregluna og tilkynnti að maður í lúðrasveitabúningi væri að atast í umferðinni uppi á Hellisheiði.  Allt væri komið í rugl og umferðarhnút.      

„Alltaf sama ruglið í löggunum“

Athugasemdir

[Sigurður I B Guðmundsson, 8.3.2014 kl. 22:01]

Aldrei má maður aldrei neitt!!! Eða þannig!!!!

[Elín Esther (IP-tala skráð) 9.3.2014 kl. 00:03]

Enda er sýslumaðurinn á Selfossi aldrei kallaður annað en "lúðrasveitakallinn".

[Sigfús Sigurþórsson., 9.3.2014 kl. 06:35]

Já,, maður í lúðrasveitabúningi væri að atast í umferðinni hahahaha.

Þetta mynband er greinilega í usa :)

[Grrr (IP-tala skráð) 9.3.2014 kl. 10:46]

Þetta eru ansi sorglega fyndin lög:

http://www.reglugerd.is/interpro/dkm/WebGuard.nsf/key2/480-2008

En hann virðist fara eftir þeim - annað en aðrir sýslumenn.

[Grrr (IP-tala skráð) 9.3.2014 kl. 10:51]

Eftir að hafa skoðað lögin betur, þá er sýslumaðurinn að brjóta lög oft.

"Skikkja skal vera úr lipru ullarefni, dökkblá að lit, nokkuð víð og skal ná niður fyrir hné."

Hann á að bera skikkju við þessi tilefni:

"Hann skal nota við eftirfarandi athafnir:

Við hátíðleg tækifæri og meiri háttar viðburði í héraði, sem embættismaður eða fulltrúi hans, sbr. 2. gr., er viðstaddur stöðu sinnar vegna.

Við hjónavígslur.

Við framkvæmd aðfarargerða utan skrifstofu sýslumanns.

Við framkvæmd bráðabirgðagerða utan skrifstofu sýslumanns.

Við öflun sönnunargagna vegna ætlaðra brota á hugverkaréttindum.

Við nauðungarsölur.

Við önnur verkefni utan starfsstöðvar þar sem embættismaður eða fulltrúi hans, sbr. 2. gr., kemur fram stöðu sinnar vegna."

Eftir að hafa gúglað hann, þá er hann oft í búningi en ekki með skikkjuna.

[Jens Guð, 9.3.2014 kl. 11:49]

  Sigurður I.B.,  það er vandlifað í henni veröld.

[Jens Guð, 9.3.2014 kl. 11:50]

  Elín,  takk fyrir fróðleiksmolann.

[Jens Guð, 9.3.2014 kl. 11:52]

  Sigfús,  mig minnir að myndbandið sé frá Colorado.

[Jens Guð, 9.3.2014 kl. 11:58]

  Grrr,  takk fyrir ábendinguna.  Þetta er svakalegt reglugerðarfargan sem sýsluönnum er gert að fara eftir - og það út af klæðnaði!  Brellu-Björn hefur ískrað af gleði þegar hann fékk að setja þennan lagabálk.

[Sigurður (IP-tala skráð) 9.3.2014 kl. 12:06]

Þetta símtal átti sér aldrei stað. Hér er um að ræða þýddan og staðfærðan texta, áratugagamlan.

[Grrr (IP-tala skráð) 9.3.2014 kl. 12:09]

http://1.bp.blogspot.com/-Kv5HctWy-tc/UkWsmVxqaeI/AAAAAAAACEc/mlNEY0oZGQw/s1600/Sy%CC%81sluma%C3%B0ur-1.jpg

Íslenski batman. Þarna vantar samt skikkjuna.

[Jens Guð, 9.3.2014 kl. 14:42]

  Sigurður,  takk fyrir upplýsingarnar.  Sagan er jafn góð fyrir því.

[Jens Guð, 9.3.2014 kl. 14:42]

   Grrr (#11),  assgoti er hann reffilegur í skrúðanum - þó að skikkjuna vanti.

[Ásthildur Cesil Þórðardóttir, 9.3.2014 kl. 16:39]

Aldrei að skemma góðar sögur. Þegar hann var sýslumaður hér þá tók hann sé stæði við stjórnsýsluhúsið, allir sem unnu í húsinu vissu af þessu og lögðu ekki í stæðið. Ferðalandur þurfti að leggja bíl sínum og eina stæðið sem hann sá laust var stæði sýslumannsins. Þegar sýslumaðurinn kom svo í vinnuna, sá hann hvers kyns var, hann lagði því bílnum sínum beint fyrir framan bíl ferðalangsins, þegar sá kom svo til baka og sá hvað hafði gerst fór hann beint upp á lögreglustöð sem er í sama húsi og kærði þennan dóna sem braut svona umferðarreglurnar.

Það var sagt að lögreglumennirnir hefðu verið ansi kindarlegir á svipinn, þeir vissu alveg hvað hafði gerst.

Og Elín hann er líka stundum kallaður þvagleggur, af gefnu tilefni.

[Jens Guð, 9.3.2014 kl. 23:56]

  Ásthildur Cesil,  takk fyrir skemmtilega sögu. 

[Ásthildur Cesil Þórðardóttir, 10.3.2014 kl. 01:07]

Þetta er ekki saga, heldur raunveruleiki frá A til Ö.

[Jens Guð, 10.3.2014 kl. 01:30]

  Ásthildur Cesil,  ég rengi ekkert söguna.  Þvert á móti þykir mér hún vera skemmtileg vegna þess að ég meðtek hana sem sanna sögu.   

[Ásthildur Cesil Þórðardóttir, 10.3.2014 kl. 11:33]

Jamm, nákvæmlega.