Sakar íslenskan ráðherra um að vera ótíndan lygamörð og...

22.3.2014 | 21:42

Sakar íslenskan ráðherra um að vera ótíndan lygamörð og bullukoll

Sjaldan launar kálfur ofeldið. Íslendingar hafa aldrei mátt vita af einhverju sem betur má fara í Noregi öðru vísi en hlaupa undir bagga og kippa málum í lag. Gott dæmi um það er að á síðustu sex árum hefur verið tilfinnanlegur skortur í Noregi á frambærilegum vörubílstjórum, strætisvagnabílstjórum, iðnaðarmönnum og verkafólki. Þrátt fyrir að Íslendingar séu aðeins 325 þúsund hræður - og þurfi á öllum vinnufúsum höndum að halda - hafa Íslendingar í þúsundatali fórnað sér í þágu Noregs. Frá 2008 hafa hátt í, um eða yfir, 10 þúsund Íslendingar flutt til Noregs. Það eru þessir fórnfúsu Íslendingar sem halda hjólum atvinnulífsins í Noregi gangandi. Án þeirra væri Noregur ekki mesta velferðarríki heims. Það kæmist ekki einu sinni á lista yfir 10 mestu velferðarríkin. Væri á pari við Kasatan... Kasasan... Kastaman... eða hvað landið heitir þarna langt í burtu.

Hverjar eru þakkirnar? Jú, Beta sjávarútvegsráðherra Noregs kallar íslenskan starfsbróðir sinn ósvífinn lygara og rugludall. Kannski er þetta rétt hjá henni. Og á svo sem ekkert frekar við um Makríldeiluna en annað. Og á við um marga fleiri íslenska ráðherra og ekkert síður fyrrverandi ráðherra. Ég veit annars ekkert um það. En ósvífið er af norskum ráðherra lýsi þessu yfir opinberlega. Verulega ósvífið. Fólk sem kann sig hvíslast aðeins á um svona. Það er rembingur í Norðmönnum út af því að þeim hefur vegnað betur í Júrivisjón en Íslendingum.

	Segir ráðherra fara með rangt mál
Ábyrgðarmaður færslu Tilkynna um óviðeigandi tengingu við frétt

Meginflokkur: Utanríkismál/alþjóðamál | Aukaflokkar: Löggæsla, Spil og leikir, Stjórnmál og samfélag | Breytt 23.3.2014 kl. 21:42 | Facebook

Athugasemdir

Þó vissulega séu til ágætir Norðmenn, þá eru Norskir yfirmenn undantekninga lítið upppumpaðir hroka gikkir og ekkert skrítið þar sem þetta yfirgangs lið er afgangurinn sem forfeður okkar losuðu sig undan.

Gagnvart okkur Íslendingum hafa þessir alltum gleypar svo mikla minnimáttar kennd að þeir hreinlega þola okkur ekki.

Hrólfur Þ Hraundal, 23.3.2014 kl. 08:25

Og svo er það rosalegt að jafnvel norskir blaðamenn eru farnir að fatta íslenska plottið, og jafnvel skrifa um það. Það verður að fara að múlbinda svona blaðamenn, það vita allir að það á ekki að tala um íslenskan sjávarútveg, ekki satt?

http://www.kystmagasinet.no/uncategorized/2014/investeringer-i-fartoyer-blokkerer-makrellavtale/

Larus (IP-tala skráð) 23.3.2014 kl. 09:55