Fór með lungnabólgu inn á spítala, vaknaði án handa og án fóta

 

  56 ára kona var lögð inn á sjúkrahús vegna lungnabólgu.  Til að byrja með hafði hún það bara alveg gott.  Hún þambaði að venju - eins og ekkert hefði í skorist - sinn kóladrykk og maulaði sitt sælgæti,  nokkuð sátt við tilveruna.  Lífið gekk sinn vanagang.  Þetta var ekkert mál út af fyrir sig.  Engin ástæða til að kippa sér neitt sérstaklega upp við.  

  Skyndilega fann konan fyrir sérkennilegum fótakulda.  Svo leið yfir hana.  Þegar hún vaknaði upp uppgötvaði hún sér til skelfingar að búið var að fjarlægja af henni hendur og fætur.  

  Við eftirgrennslan komst konan, hin norska Anniken Kvaal,  að því að baktería úr lungunum hafði komist út í blóðið.  Bakterían olli blóðeitrun með þessum afleiðingum.  Til að bjarga lífi konunnar dugði ekki minna en höggva af henni alla útlimi.   

  Vitaskuld var henni töluvert brugðið.  Engu að síður er hún þakklát læknunum fyrir lífsbjörgina.  Þeir gerðu það sem þurfti að gera.   

 

 

 

 

 

 

 

---------------------------------------

  Eitt af þekktustu lögum hljómsveitarinnar Nirvana frá 16 þúsund manna þorpinu Aberdeen í Bandaríkjunum heitir  Come As You Are.   Nú hafa gömul (auglýsinga-) póstkort frá hóteli í Aberdeen skyndilega orðið eftirsótt.  Slagorð hótelsins var Come as you are.  Það þykir næsta víst að slagorð hótelsins hafi orðið höfundi sönglagsins,  Kurt Cobain,  beint eða óbeint innblástur.  Þegar smellt er á myndina stækkar póstkortið og slagorðið verður læsilegra.  

 

Athugasemdir

[Vilhjálmur Örn Vilhjálmsson, 28.3.2014 kl. 06:40]

Dr. Saxi á vaktinni? Hann flutti til Noregs nýverið.  "Kreppa in Iceland, you know".

Menn fá uppbót fyrir hvern lim sem þeir fjarlæga á norskum sjúkrahúsum. Ekkert svoleiðis á Íslandi.

[Bjarne Örn Hansen (IP-tala skráð) 28.3.2014 kl. 09:21]

Þessi lungnabólgu veira er algjær óþverri og stór hættuleg, því hún veldur aukinni bakteríu myndun ... hingað til hélt ég að stærsta hættan væri á að hjartað gæfi sig, eða að maður fengi heilablæðingu af hóstaköstunum við bakteríurnar.

En þetta veldur því að maður er ekki alveg í rónni ... því að hér á norðurlöndum, er mæðra-aldan svo rosaleg, að það er ekki lengur hægt að fá hóstasaft.  Norskir brjóstdropar, eða Danske Kongens Brystrdåber eins og þeir kölluðust í danmörku, eru bannaðir.  Því þeir innihalda alkohól, en það verður að vernda rónana frá þessu.  Betra að þeir drekki heimbrennt í staðinn og drepist úr alkohol eitrun. skömm ...

En það sem ég ætlaði að segja, er að ég hef séð þetta áður ...  maður sem ég þekki hér í Svíþjóð, varð fyrir nákvæmlega sama vandamáli og er ótrúlegt að sjá hversu sterkur hann er, og spásserar úti um allar þúfur þrátt fyrir þennan bagga.  Hér er ástæða til að leggja meiri áherslu á þróun tækni til aðstoðar fatlaðra ...

[Jens Guð, 28.3.2014 kl. 21:29]

Vilhjálmur Örn, takk fyrir fróðleiksmolana.

[Jens Guð, 28.3.2014 kl. 21:32]

Bjarne Örn, ég held að það sé líka búið að taka fyrir sölu á norskum brjóstdropum hérlendis. Sem er miður. Maður varð svo vær af þeim í stórum skömmtum.