Karlmenn hætta að hugsa um útlitið 46 ára

 

  Ungar konur hætta að hugsa um karlmenn sem kynverur þegar þeir ná 39 ára aldri.  Þetta er niðurstaða rannsóknar í útlöndum.   Niðurstaðan er trúverðug.  Þá eru karlarnir komnir á aldur við feður þeirra.  Vitaskuld með undantekningum.  Moldríkar poppstjörnur og frægir kvikmyndaleikarar halda áfram að telja.  Allt frá Paul McCartney og Mick Jagger til George Clooney og Sean Connery.  

  Önnur rannsókn,  framkvæmd af breska Beneden Health,  leiðir í ljós að karlmenn hætta að hirða sérstaklega um útlit sitt 46 ára.  Þaðan í frá ræður kæruleysi frá degi til dags.  Samkvæmt sömu könnun hirða konur um útlit sitt 13 árum lengur.  Það er ekki fyrr en á 59 ára afmælisdeginum sem þær leyfa kæruleysinu að ráða för.  

  Fólkið heldur samt alveg áfram að slá rykið úr hárkollunni og skola af gervigómnum.  En það hættir að eltast við tískustrauma í klæðnaði, hárgreiðslu, gleraugnaumgjörðum, heyrnartækjum, göngugrindum og svo framvegis.   

 

Kynþokkann þrýtur um 39 ára

Athugasemdir

[Erlingur Alfreð Jónsson, 10.7.2014 kl. 00:49]

Nú jæja....3 ár í þetta. Tekur því þá ekki að byrja! :-)

[Jósef Smári Ásmundsson, 10.7.2014 kl. 11:25]

Ég er nú ekkert fyrir veturgamlar gimbrar svo þetta er í lagi hvað mig varðar. "Eldri konur og yngra Wisky" það er mitt Mottó.