Verulega vandræðaleg staða hryðjuverkasamtaka

    Bandarísku hryðjuverkasamtökin Sea Shepherd ætluðu að slá sér upp í sumar með átaki sem kynnt var undir yfirskriftinni GrindStop 2014.  Átakið átti að vekja athygli og aðdáun á baráttu samtakanna gegn hvalveiðum Færeyinga.  Jafnframt í kjölfarið að afla þeim vænum styrktarframlögum í beinhörðum peningum frá ríkum poppstjörnum,  kvikmyndaleikurum og öðrum auðmönnum.  Það lið "kaupir sér" á þann hátt tilgang í lífinu:  Með því að bjarga lífi hvala.  Það stendur í þeirri trú að hvalir séu gáfaðir.  Sem er alrangt.  Hvalir eru nautheimskir.  Enda náskyldir beljum.  Þar fyrir utan éta hvalir meira af öðrum lifandi sjávardýrum en nokkuð annað dýr. 

  Með veiði á einum hval er lífi þúsunda annarra dýra þyrmt.  Ef út í það er farið.  Fiskurinn sem hvalurinn sporðrennir hefur líka tilfinningar.  Á foreldra, systkini og aðra ástvini.

  Upphaf átaksins GrindStop 2014 fór vel af stað.  Blaðamannafundur á bryggju í Færeyjum dró að um 15 stóra fjölmiðla frá heimspressunni.  Þetta var í júníbyrjun. 

  Nú er hálfur annar mánuður liðinn frá upphafi átaksins.  Hver dagur verður æ vandræðalegri fyrir SS.  Nákvæmlega ekkert hefur borið til tíðinda allan þennan tíma.  Liðsmenn SS sem standa vaktina í Færeyjum eru meira að segja farnir að væla á Fésbók undan aðgerðarleysi og tilbreytingaleysi.  Frá sólarupprás til sólarlags standa þeir 3 og 3 saman og stara út á haf.  Þeir reyna að koma auga á marsvínavöðu (grind) í sjávarmálinu.  Þeir bíða eftir því að firðir fyllist af mótorbátum sem smala marsvínum upp í fjöru.  Ekkert slíkt hefur gerst.  Það hefur ekkert gerst í hálfan annan mánuð.  Átakinu lýkur eftir hálfan mánuð.

  Færeyjarnar eru 18.  Færeyskir firðir eru miklu fleiri.  SS-liðar hafa ekki aðstöðu til né rænu á að vakta þá alla.  Það er ekki útilokað að hvalveiðar hafi átt sér stað í einhverjum þeirra án þess að SS-liðar yrðu þess varir.  Þegar útlendingar eru í grennd láta Færeyingar lítið bera á hvalveiðum.     

  Fjölmiðlar heimsins hafa fyrir löngu síðan misst allan áhuga á átakinu GrindStop 2014.   Átakið hefur ekki skilað SS neinum fjárframlögum frá auðmönnum.  Það eina sem átakið hefur skilað er að gera félaga SS að fíflum. 

  Hvað er bjánalegra en að standa í fjöru frá sólarupprás til sólarlags daglega í 2 mánuði,  góna út á haf og ekkert gerist? 

  Athygli Færeyinga vekur að SS-liðarnir sem stara á hafið með augun mött klæðast fóðruðum leðurjökkum og eru í leðurskóm.  Sumir eru með leðurbelti í buxnastreng.  Er hráefnið í þessum klæðnaði af sjálfdauðum dýrum?  Eða dýrum sem hafa verið drepin gagngert til að fólk,  þar á meðal SS-liðar, geti klæðst skinnvöru?   

  Um rænandi SS-liða og fleira má lesa með því að smella á þennan hlekk:  http://jensgud.blog.is/blog/jensgud/entry/1405591/

  Færeyingar hafa skemmt sér konunglega við að hlæja að vandræðagangi SS.  Enda gott grín. 

Athugasemdir

[Ásthildur Cesil Þórðardóttir, 15.7.2014 kl. 23:11]

Gott á þessi flón segi eins og maður hér ættu þeir ekki bara að fá sér almennilega vinnu?

[Guðjón (IP-tala skráð) 16.7.2014 kl. 02:19]

Palestínskri stúlku hótað lífláti í Palestínu, flýr til Bretlands og aftur hótað lífláti þar af stuðningsmönnum Hamas. Afhverju? Hér er svarið: http://www.israelvideonetwork.com/this-palestinian-christian-woman-is-being-threatened-and-harassed-for-this-speech

[Grrr (IP-tala skráð) 16.7.2014 kl. 08:47]

Hefði ekki verið nær að mótmæla í Alaska?

Þar talar fólkið sama tungumálið, í það minnsta.

[G (IP-tala skráð) 16.7.2014 kl. 10:36]

Höfundur "lausnarinnar"

http://www.youtube.com/watch?v=VjARZPAcATM

[G (IP-tala skráð) 16.7.2014 kl. 10:37]

http://www.youtube.com/watch?v=VjARZPAcATM

[Helgi Armannsson (IP-tala skráð) 16.7.2014 kl. 11:00]

a fyrstu myndinni segir stúlkan að hún er djöfladýrkandi lengst til vinstri

[Jens Guð, 16.7.2014 kl. 22:11]

Ásthildur Cesil, maður sem hefur kynnt sér SS nokkuð vel segir mér að þetta fólk sé börn auðmanna. Það þarf ekki að vinna til að framfleyta sér. Þess í stað finnur það tilgang í lífinu með því að telja sér trú um að það skipti jarðarbúa máli að marsvíni sé ekki slátrað.

[Jens Guð, 16.7.2014 kl. 22:15]

Guðjón, það má alveg vera að fréttin sé rétt. Hinsvegar er þumalputtaregla að taka öllu á israelvideonetwork.com með fyrirvara. Einkum þegar fjallað er um Palestínumenn þar á bæ.

[Jens Guð, 16.7.2014 kl. 22:17]

Grrr, Bandaríkin veiða mest allra þjóða af hval. Það virkar ekki upp á fjársöfnun frá bandarískum auðmönnum að beina sjónum að þeirri staðreynd.

[Jens Guð, 16.7.2014 kl. 22:23]

G, Ísrahel er nasistaríki.

[Jens Guð, 16.7.2014 kl. 22:23]

Helgi, þetta eru satanistar.

[Ásthildur Cesil Þórðardóttir, 17.7.2014 kl. 00:55]

Auðvitað eru þetta börn auðmanna, sem aldrei hafa þurft að dýfa hendi í kalt vatn, og vita í raun og veru ekkert um hvað málin snúast. Sorglegt en satt.

[Sveinki (IP-tala skráð) 17.7.2014 kl. 15:38]

Skemmtileg komment um Ásthildi hérna neðst.

http://valur-arnarson.blog.is/blog/valur-arnarson/entry/1411593/