Dópaðir Sea Shepherd-liðar í Færeyjum

 

 

 

 

 

 

  Hundrað manna hópur frá bandarísku hryðjuverkasamtökunum Sea Shepherd hefur haldið til í Færeyjum í sumar.  Frá júníbyrjun og til dagsins í dag.  Að vísu ætlaði hópurinn að vera í Færeyjum fram að miðjum ágúst.  En virðast hafa framlengt dvölinni vegna Sjómannadagsins.  Hann stendur yfir til sunnudags.  

  Erindi Sea Shepherd í Færeyjum er að hindra hvalveiðar heimamanna.  Svo spaugilega vill til að ekkert hefur sést til hvals í Færeyjum í sumar.  Það hefur áður gerst.  Síðast 2008.  Sea Shepherd-liðar hafa þess vegna farið sneypuför til Færeyja í sumar.  Þeir eru aðhlátursefni.  

  Hitt er verra að þetta lið hefur farið ránshendi um eyjarnar.  Og byrjaði strax að stela úr matsalnum á Norrænu á leið til eyjanna.  Í kjölfar stal það áfengi úr verslun í Nolsey og öllu steini léttara úr ferðamannaskýli í Sandey.  Þar á meðal heilsársbirgðum af klósettpappír.  

  Í fyrrakvöld kom lögreglan á Suðurey auga á grunsamlegan bíl.  Hann var stöðvaður.  Í honum voru þrír Sea Shepherd-liðar.  Þeir voru í annarlegu ástandi.  Þeir ranghvolfdu í sér blóðhlaupnum og skilningssljóum augum.  Lögreglan hóf leit í bílnum.  Þar fannst dálítið magn af eiturlyfjum.  Þrímenningarnir voru handteknir og færðir á lögreglustöðina.  Einn þeirra viðurkenndi dræmlega að eiga dópið.  Hann verður væntanlega rekinn frá Færeyjum.

  Í yfirlýsingu frá Sea Shepherd vegna atviksins er fullyrt að hryðjuverkasamtökin hvetji ekki sérstaklega til dópneyslu.     

 

 

 

 

 

 

 

   Nú er mig farið að gruna að eiturlyf hafi komið við sögu í þessu atviki:  http://jensgud.blog.is/blog/jensgud/entry/1420693/

Athugasemdir

[Kristján B Kristinsson (IP-tala skráð) 21.8.2014 kl. 11:53]

Já Jens, ætli málið sé ekki það að stór hluti af þessu Sea Shepard liði er steiktur af eyturlyfjaneyslu?

[Grrr (IP-tala skráð) 21.8.2014 kl. 11:56]

Ekki myndi ég nenna að vera í þessum samtökum edrú

[Axel Jóhann Hallgrímsson, 21.8.2014 kl. 18:18]

Láta þá dúsa í grjótinu í nokkrar vikur og gefa þeim ekkert að éta nema hvalkjöt.

[Grrr (IP-tala skráð) 21.8.2014 kl. 20:02]

http://arcticjournal.com/opinion/914/cultural-clashes-make-sea-shepherd-campaign-counterproductive

Skemmtileg grein sem var verið að birta.

[Harrr (IP-tala skráð) 21.8.2014 kl. 22:12]

Ekki myndi ég nenna að vera í Færeyjum edrú.

[Rafn Guðmundsson, 21.8.2014 kl. 23:03]

ekki er ég viss um að margir kalli Sea Shepherd hryðjuverkasamtök. allavega ekki ég en hver er þín skilgreining á hryðjuverkasamtökum.

[Jens Guð, 22.8.2014 kl. 00:59]

Kristján, það leynir sér ekki að margt af þessu SS-liði er steikt. Kannski vegna dópneyslu. Kannski vegna þess hvað það er úr tengslum við raunveruleikann. Börn auðmanna sem hafa aldrei þurft að hafa neitt fyrir lífinu. Borgarbörn sem þekkja ekkert til hringrásar lífsins; hvaðan maturinn kemur. Né heldur hvernig dýralífið úti í villtri náttúru gengur fyrir sig. Ranghugmyndir þessa fólks um að hvalurinn sé gáfað dýr sem leggi allt upp úr nánum fjölskyldutengslum. Þannig mætti lengi telja.

[Jens Guð, 22.8.2014 kl. 01:02]

Atvikið sem ég lýsti hér sýnir betur en margt annað hvað þetta lið er ringlað þegar það fer í fyrsta skipti út fyrir breiðstræti New York borgar:

http://jensgud.blog.is/blog/jensgud/entry/1420693/

[Jens Guð, 22.8.2014 kl. 01:09]

Grrr, það er útilokað annað.

[Jens Guð, 22.8.2014 kl. 01:10]

Axel Jóhann, góður!

[Jens Guð, 22.8.2014 kl. 01:11]

Grrr (#4), bestu þakkir fyrir ábendinguna. Góður og fróðlegur pistill.

[Jens Guð, 22.8.2014 kl. 01:12]

Harrr, ég votta að það er gaman að vera edrú í Færeyjum. MJÖG gaman. En það er ennþá skemmtilegra að vera þar sötrandi bjór. Ég votta það líka.

[Jens Guð, 22.8.2014 kl. 01:19]

Rafn, mörg ríki skilgreina SS sem hryðjuverkasamtök. Ísland þar á meðal. Þau hafa sökt fjölda hvalveiðibáta. Þau hafa eyðilagt veiðarfæri og stofnað lífi margra í hættu. Þau hafa brotið lög út og suður. Verið kærð fyrir það. Núna síðast fyrir að fæla marsvínavöðu í Færeyjum á haf út.

[Ásthildur Cesil Þórðardóttir, 22.8.2014 kl. 09:32]

Óþjóðalýður er orð sem kemur fyrst upp í hugann.

[Jens Guð, 22.8.2014 kl. 20:12]

Ásthildur Cesil, það er rétta orðið.

[Grrr (IP-tala skráð) 22.8.2014 kl. 20:40]

Það er nokkuð gaman að lesa athugasemdirnar við greinina sem að ég vísaði í.

SS liðar virðast rangtúlka allt og einfalda. Alveg skín heimskan úr þeirra skrifum.

[Jens Guð, 23.8.2014 kl. 17:31]

Grrr, þetta lið í SS er greinilega töluvert steikt og úr tengslum við raunveruleikann. Sem bendir til þess að eiturlyf séu óholl.