Er forsprakki Sleep Shepherd geðveikur?

 

  Færeyskir fjölmiðlar hafa verið að rifja upp gömul viðtöl við Paul Watson stofnanda og forsprakka Sea Shepherd - eða Sleep Shepherd eins og fyrirbærið er kallað eftir að liðsmenn samtakann sváfu af sér hvalveiðar í Færeyjum á dögunum. Sitthvað bendir til þess að maðurinn gangi ekki heill til skógar.

  Á sínum tíma var Paul Watson rekinn úr Greenpeace.  Hann fór ekki eftir reglum Greenpeace.  Hann fór ekki eftir neinum reglum.  Hann var skilgreindur af Greenpeace sem of geggjaður og skaðlegur málstað Grænfriðunga.

   SS-liðar staddir i Færeyjum hafa verið frekar kurteisir á spjallsíðum.  Þeir hafa eins og stillt sig inn á stemmninguna sem yfirvegaðir Færeyingar leiða í umræðunni.  En Paul Watson er kjaftfor og ögrandi.  1986 sökkti Paul eða menn á hans vegum tveimur íslenskum hvalveiðiskipum.

  Paul Watson segist hafa verið sem barn ættleiddur af amerískum indíánum.  Hann náði sambandi við "Andann mikla".  Hann fór að sjá sýnir,  tákn,  um að honum væri ætlað það hlutverk í lífinu að bjarga villtum dýrum frá því að vera veidd og drepin.  Fyrsta sýnin sem honum birtist ítrekað var af sléttuúlfum.  Það voru auðskilin fyrirmæli um beita sér gegn hvalveiðum.

  1985 skýrði Paul Watson frá því að hann hefði náð andlegu sambandi við hval.  Sá sagði honum ævisögu sína og frumsamda smásögu í leiðinni.  Þetta skráði Paul Watson samviskusamlega niður og sagðist ætla að gefa út í bók.  Vandamálið var að hvalur hugsar ekki né tjáir sig alveg á sama hátt og manneskja.  Þess vegna hefur Paul ekki tekist að reka smiðshöggið á bókina.

     

Athugasemdir

[Tobbi (IP-tala skráð) 5.9.2014 kl. 22:56]

Annað eins hefur nú gerst í Hjaltadal og nærsveitum á liðnum öldum. Má þar til dæmis taka Búkollu heitina og þá Gísla, Eirík og Helga. Að ógleymdum Lofti ráðsmannssyni.

[Axel Jóhann Hallgrímsson, 5.9.2014 kl. 23:58]

Einhverja hæfileika þarf nú til að lokka fólk til fjárausturs og fylgis við svona rugl samtök. Svo honum er ekki alls varnað karl tuskunni.

[Bjarni Gunnlaugur (IP-tala skráð) 6.9.2014 kl. 12:52]

Hér er smá pæling um hvort Paul Watson sé haldinn siðblindu. Karlinn virðist full staðfastur í sínum kúrs til að vera snarsiðblindur en hver veit?        

http://news.co.cr/paul-watson-shining-activist-hero-or-psychopathic-terrorist-2/6967/ 

Merkilegt er langlundargeð Færeyinga gagnvart þessu liði og Paul Watson sbr. þetta úr tengdri grein hér að ofan.

"In 1986, the Sea Shepherd’s violence escalated in another bloody skirmish in the whale harvest underway in the Faroe Islands, with Watson using rifles against the police, pouring diesel fuel in the ocean near the police rubber dinghies and then throwing flares to ignite the fuel, and jabbing them with rotating iron spikes to puncture and sink them." 

[Guðmundur Júlíusson, 6.9.2014 kl. 16:04]

Sælir, Axel, það þarf ekki mikið til að fá fólk til að fylgja einhverjum rugluðum einstaklingum og brjáluðum skoðunum þeirra, það´er til svo mikið af brjáluðu fólki þarna úti og auðvelt fyrir mann með góða mælskukunnáttu og sannfærandi talanda að fá fólk til að ganga til liðs við sig!!!

[Sigurgeir Jónsson, 7.9.2014 kl. 01:22]

Sem betur fer er til þjóð sem lætur ekki bugast af rugluðu fólki.Færeyingar eru með heibrigða skynsemi og láta ekki kúga sig.Danir virðast líka hafa áttað sig á því að með lögum skal land byggja.Eystri landsréttur.

[Sigurgeir Jónsson, 7.9.2014 kl. 01:28]

Fjöldi fólks á Íslandi dýrkar þennan glæpamann sem ekki virðist nokkur leið að ná til.Hann felur sig í Hollývood innan um fólk sem jafnvel trúir því að jörðin hafi byggst af hvölum sem komið hafi utan úr geimnum.

[Sigurgeir Jónsson, 7.9.2014 kl. 01:31]

Ef til er einstaklingur sem heldur að maðurinn sé normal, þá er sá einstaklingur á svipuðu róli.

[Sigurgeir Jónsson, 7.9.2014 kl. 01:36]

Sem betur fer virðast danir vera að átta sig á því að þau lög sem eru í gildi innan danska ríkisisins gilda líka í Færeyjum

[Sigurgeir Jónsson, 7.9.2014 kl. 01:41]

Og væntanlega fylgjast Grænlendingar með.Í dag er danska ríkjasambandið stærsta ríki Evrópu.

[Einar (IP-tala skráð) 7.9.2014 kl. 09:59]

Eins og ég man þetta helti hann Bensíni í sjóinn og sendi út Mayday sagðist vera undir heavy machine gun fire

[Jens Guð, 7.9.2014 kl. 21:38]

Tobbi, já, heldur betur.

[Jens Guð, 7.9.2014 kl. 21:43]

Axel Jóhann, SS eru með í fullu og vel launuðu starfi harðsnúinn hóp sprenglærða markaðsfræðinga, spunameistara og aðra slíka. Það er margt fagmannlega unnið hjá þessu liði, til að mynda einkennismerki (lógó) SS, auglýsingar o.s.frv.

[Jens Guð, 7.9.2014 kl. 21:57]

Bjarni, ég efast um að hann sé siðblindur. Geðmynd af honum passar ekki nógu vel við staðla siðblindra. En á einhvern hátt er hann geggjaður áhættufíkill með lágt siðferði; sjálfhverfur og árásagjarn með messíasar-komplexa.

Ég gæti trúað að markaðsdeild SS hafi fengið hann til að leggja bókina eftir hvalinn á hilluna. Metið það sem svo að bókin myndi draga úr trúverðugleika SS og verða aðhlátursefni.

[Jens Guð, 7.9.2014 kl. 22:00]

Guðmundur, fólk er hjarðdýr. Eðli þess er að finna sér leiðtoga til að elta. Kindur eru líka svona. Elta forystusauðinn í blindni.

[Jens Guð, 7.9.2014 kl. 22:01]

Sigurgeir, ég kvitta undir þín orð.

[Jens Guð, 7.9.2014 kl. 22:03]

Einar, það má vera að þetta sé rétt hjá þér. Ég hef þó ekki heyrt af þessu Mayday dæmi.