Ekki er allt sem sýnist

  Bandarísk kona,  nánar tiltekið í Kaliforníu,  vann til margra ára sem bakari í bakaríi er sérhæfði sig í klámfengnum og erótískum kökum.  Hún varð vör við að kúnnar sóttu í sætabrauð en vildu telja sjálfum sér í trú um að þeir væru meira fyrir heilsusamlegra fæði.  Menn toguðust á um sætabrauð ef sykurskraut á því líktist gulrótasneiðum eða öðru grænmeti eða ávöxtum.     

  Kella fékk þá góða hugmynd:  Að opna bakarí með sætabrauði sem lítur út eins og holl máltíð. Viti menn.  Þetta sló í gegn svo um munaði.  Allar ljósmyndir hér fyrir neðan sýna sætabrauð hennar sem virðist vera eitthvað annað og hollara.  Þetta er allt saman sætabrauð.

  Einn kúnni sem hefur borðað svona sætabrauð í öll mál í 5 ár heldur sér nokkurn veginn í þyngd.  Hann hefur ekki bætt á sig nema 26 kg.  Sem er ekki mikið hlutfallslega vegna þess að hann var 158 kg á meðan hann borðaði bara "venjulegan" mat.  Hann er sprækur sem lækur.  Fer allra sinna ferða lipurlega á rafmagnshjólastól.   

 

 

Athugasemdir

[Bjarni Gunnlaugur (IP-tala skráð) 26.11.2014 kl. 12:01]

Þetta styður þá kenningu mína að allir þessir "sérfræðingar" í eldamennsku séu bara matarperrar!

Þetta gerist þegar menn eru farnir að offöndra við grunnþarfirnar.  Kanski má bara skilgreina pervertisma sem það "að leika sér að matnum"?   Galli að skilgreiningin á að vísu líka við um hestamennsku en hún er jú viss pervertismi líka. 

(Birt án mjög mikillar ábyrgðar)

[Ásthildur Cesil Þórðardóttir, 26.11.2014 kl. 16:11]

Ótrúlegt alveg, hún er snillingur þessi kona svei mér þá. 

[Jens Guð, 26.11.2014 kl. 23:10]

  Bjarni,  það er margt til í þessu hjá þér.

[Jens Guð, 26.11.2014 kl. 23:16]

  Ásthildur Cesil,  þetta eru vissulega listaverk hjá henni.  Hún er listræn og rekin áfram af sköpunargleði.  Enda segist hún elska þessa vinnu.  Þó að hún nái að fullkomna útfærslu á hverju sætabrauðinu á fætur öðru þá elskar hún að hanna stöðugt nýjar útfærslur á sætabrauðinu.   

[Ásthildur Cesil Þórðardóttir, 27.11.2014 kl. 09:39]

Já þetta er ótrúlega flott hjá henni.