Grænfriðungar eyðilögðu 2000 ára gamlan friðlýstan dýrgrip

 Tveir tugir grænfriðunga (Greenpeace) eiga yfir höfði sér átta ára fangelsi í Perú.  Þeir eru sakaðir um að hafa eyðilagt 2000 ára gamlan friðlýstan dýrgrip.  Það er svokölluð Nazca teikning á jörð.  Hún er afgirt.  Aðgangur er bannaður.  Enda nýtur teikningin sín aðeins úr lofti séð. 

  Grænfriðungarnir brutu sér leið inn á svæðið í skjóli nætur.  Þar máluðu þeir á jörðina textann  "Time for Change!  The Future is Renewable.  Greenpeace".       

  Embættismenn í Perú segja að grænfriðungar hafi valdið ómetanlegum skaða.  Verksummerki eftir skemmdarvargana verði sýnileg næstu mörg hundruð árin.  Jafnvel 1000 ár.

  Ástæða skemmdarverksins var að koma skilaboðum til alþjóðlegrar loftlagsráðstefnu í Perú.   

Athugasemdir

[Theódór Gunnarsson, 11.12.2014 kl. 22:57]

Ekki svo að skilja að ég sé neitt sérstaklega hrifinn af Greenpeace. Ef myndirnar af framkvæmdinni eru skoðaðar sést að þau tilltu bara niður bókstöfum úr þunnum, gulum dúk með steinum. Þau hafa ábyggilega tekið allt með sér þegar verkinu var lokið. Þetta er bara æsifrétt.

[Gunnlaugur Hólm Sigurðsson, 11.12.2014 kl. 23:33]

Hérna er mynd af því sem þeir gerðu. En þeir hafa enga samúð frá mér :( Fyrir mér eru þeir Náttúru-hriðjuverkamenn.

http://news.bbcimg.co.uk/media/images/79637000/jpg/_79637601_3ece6194-9070-41ae-93d0-648572e3e46b.jpg

[FORNLEIFUR, 11.12.2014 kl. 23:48]

Þetta er einhver partýfréttamennska hjá Gvöði, eða endursuða úr SocíalUrin í Færeyjum.

[Jens Guð, 11.12.2014 kl. 23:50]

  Theódór,  mér þykir gott að til séu samtök eins og Greenpeace.  Gagnrýnið fólk sem lætur sig skipta máli eitt og annað sem snýr að allskonar. Hinsvegar er vont að brjóta á friðhelgi fornminja sem eru á heimsminjaskrá.  Hvað segir Villi fornmiðjavörður um þetta?

[Jens Guð, 11.12.2014 kl. 23:50]

  Gunnlaugur,  takk fyrir þetta.

[Már Elíson, 11.12.2014 kl. 23:51]

Samkvæmt öllu þá voru þetta gulir stafir, sennilega tau eða plast, tylltir niður með steinum, og eins og Gunnlaugur segir, þá hafa þeir sennilega tekið þetta með sér aftir myndatöku úr háloftunum. - Ekki það að ég sé að mæla þessum "grænfriðungum" bót. - Margt umdeilanlegt í þeirra hegðun þrátt fyrir bóhemskar meiningar og vonlausrar báráttu til að bæta heiminn.

Bara æsifrétt og engar skemmdir....Hvaðan kemur sú hugmynd að þetta hafi verið óafturkræfur umhverfisskaði ? - Þvílíkt rugl. "Verksummerki sýnileg í 1000 ár..."...?

[Jens Guð, 11.12.2014 kl. 23:54]

  Fornleifur,  rétt hjá þér.  Ég las um þetta einmitt þetta á aktual.fo  http://aktuelt.fo/greenpeace+oydilggur+fornfrodiligar+dyrgripir.html

[Jens Guð, 11.12.2014 kl. 23:55]

  Már,  ég vísa í færeysku fréttina:  http://aktuelt.fo/greenpeace+oydilggur+fornfrodiligar+dyrgripir.html

[Már Elíson, 12.12.2014 kl. 00:05]

Ekkert mál Jens, - Bara að hafa þetta á hreinu. Allir geta flýtt sér um of en rétt er bara rétt. Ég stórefast um að þetta sé þetta stórmál. - Þetta reddast !

[Birnir (IP-tala skráð) 12.12.2014 kl. 03:15]

http://www.theguardian.com/environment/2014/dec/10/peru-press-charges-greenpeace-nazca-lines-stunt

[Brynjólfur Þorvarðsson, 12.12.2014 kl. 07:20]

Kannski full mikið sagt að þeir hafi "eyðilagt" dýrgripinn, en þeir hafa vissulega valdið verulegum skemmdum. Línurnar eru verulega viðkvæmar fyrir átroðslu, og þessi hópur manna virðist hafa gengið yfir línurnar og valdið sýnilegum skemmdum.

[Jens Guð, 12.12.2014 kl. 21:46]

  Már,  þetta virðist vera heilmikið mál í Perú.  

[Jens Guð, 12.12.2014 kl. 21:47]

 Birnir,  takk fyrir þetta.  

[Jens Guð, 12.12.2014 kl. 21:47]

  Brynjólfur, svo virðist vera.