Stórmarkaðir til fyrirmyndar

 

 

 

 

 

 

 

 

 

  Íslenskir stórmarkaðir mættu taka sér írska stórmarkaði til fyrirmyndar.  Þeir eru til fyrirmyndar um margt.  Kannski ekki allir.  En margir af þeim sem tilheyra stærstu stórmarkaðskeðjunum.  Ég man ekki nöfnin á nema Tesco og Lidl.  Þessar verslanir hafa ekkert óhollt sælgæti nálægt afgreiðslukössunum.  Þess í stað er þar að finna þurrkaða ávexti,  hnetur og eitthvað í þá veru.

  Út af fyrir sig er ekkert að því að fólk narti í nammi.  Um að gera fyrir þá sem hafa smekk fyrir nammi.  Hinsvegar er vond siðfræði að glenna nammi framan í veikgeðja í biðröð við afgreiðslukassa.  Oft fólk með barn í fanginu.  Og það byrjar að suða og suða um nammið.  Það er nú meiri ósköpin hvað blessuð börnin suða og fatta ekki sölutrixið, gildruna sem þau hafa verið veidd í.

     

Athugasemdir

[Stefán (IP-tala skráð) 7.1.2015 kl. 15:27]

Nammi og önnur sætindi eru nú orðin helsta markaðsvara fyrir láglaunafólk hér á landi - í boði skagfirska-framsóknarefnahagssvæðisins.

[Jens Guð, 7.1.2015 kl. 22:19]

  Stefán,  ég heyrði í dag í útvarpinu nefnt að ástæða fyrir því að fátækir Bandaríkjamenn lifi á ruslfæði sé sú að hráefni ruslfæðis þar á bæ sé niðurgreitt af yfirvöldum.  Nú um áramót var hérlendis lækkaður skattur á sykri. En að öðru leyti hækkaði verð á hollum mat.  Ég matreiði ekki sjálfur heldur kaupi mat á veitingastöðum.  Þar hefur verð á mat hækkað gróflega eftir áramót.