Endurreisum minnisvarðann um Helga Hóseasson

  Skömm sé þeim er eyðilögðu minnisvarðann sem settur var upp til heiðurs Helga Hóseassyni.  Helgi setti litríkan svip á gráa tilveruna á sínum tíma.  Árum saman stóð hann daglega við Langholtsveg.  Þar hélt hann á mótmælaspjaldi.  Það var ekki auðvelt að skilja allt sem á spjaldinu stóð.  Helgi notaði eigið tungutak og stafsetti orð á sinn máta.  Þegar RÍÓ stóð á spjaldinu var hann hvorki að vísa til Ríó tríós né Ríó-borgar í Brasilíu.  RÍÓ var skammstöfun Helga á Ríkisstjórn íslenskra óþokka.

  Það væri reisn yfir því að Reykjavíkurborg myndi þegar í stað koma minnisvarðanum í upprunalegt horf.  Á sínum tíma var hann reistur af nokkrum einstaklingum.  Ég veit ekki hverjir þeir eru.  Það er leiðinlegt ef kostnaður við lagfæringar lendir á þeim.  Sjái Reykjavíkurborg ekki sóma sinn í að hafa frumkvæði að viðgerðinni er þörf á að hefja söfnun.

  Best væri að skemmdarvargarnir fyndust.  Þá væri hægt að skikka þá til að borga fyrir viðgerð.  Og borga væna sekt að auki.  Það er líklegt að einhverjir hafi séð til þeirra.  Bílaumferð um Langholtsveginn er töluverð en fáir á rölti.  

  

Skemmdu minnisvarða um Helga

Athugasemdir

[Grrr (IP-tala skráð) 15.1.2015 kl. 00:49]

Það ætti að vera stytta af Helga við húsið hans.

Helst ætti styttan að vera líkt og að hún sé að sletta skyri.

[Stefán (IP-tala skráð) 15.1.2015 kl. 08:16]

Stór skyrdós og fata full af tjöru. Mæli þó með því að skyrið sé ekki frá MS.

[Hwa Jurong (IP-tala skráð) 15.1.2015 kl. 10:59]

Good Day !!

     I am Hwa Jurong, a Reputable, Legitimate & an accredited money

Lender. I want to use this medium to inform you that i render reliable beneficiary

assistance as I'll be glad to offer you a loan at 2% interest rate to

reliable individuals.

       Services Rendered include:

*Home Improvement

*Inventor Loans

*Car Loans

*Debt Consolidation Loan

*Line of Credit

*Second  Loan

*Business Loans

*Personal Loans

*International Loans.

     Please write back if interested.

Upon Response, you'll be mailed a Loan application form to fill. (No social

security and no credit check, 100% Guaranteed!) I Look forward permitting me to

be of service to you. You can contact me via e-mail: [e-mail] or [e-mail]

Yours Sincerely,

Hwa Jurong(MD).

[Ásthildur Cesil Þórðardóttir, 15.1.2015 kl. 11:52]

Tek algjorlega undir tetta Jens.

[Dude (IP-tala skráð) 15.1.2015 kl. 16:42]

Mér skilst að fjölskylda Helga hafi verið mjög andvíg þessum minnisvarða og ég skil það að vissu leyti. Við þekkjum bara performerinn Helga, reiðan kall með skilti að mótmæla ýmsu, sumum fannst hann klikkaður, sumum aðdáunarverður, sumum skrýtinn, flestum allt þetta. En hann var auðvitað eitthvað mikið meira, hann var einstaklingur, manneskja, persóna sem rúmast ekki í svona skopmynd og minning hans tilheyrir fyrst og fremst þeim sem þekktu og elskuðu þennan mann, en ekki ímynd hans. Eigi að reisa þennan minnisvarða aftur finnst mér það ætti að vera gert í samráði við og með samþykki ástvina hans í þetta sinn.Það eru þau sem eiga minningu hans, persóna er alltaf verðmætari og mikilvægari en opinber persóna.

[Dude (IP-tala skráð) 15.1.2015 kl. 16:44]

Tek undir að skemmdarverk á ekki að líða. En mér skilst að einhverjir nákomnir Helga hafi alltaf litið á þennan minnisvarða sem skemmdarverk á minningu manns sem var þeim heilög og kær. Réttlætanlegt eða ekki þá eiga ættingjar og nánustu vinir að hafa forráð yfir minningu manns, en ekki almenningur sem tengist persónunni bara yfirborðslega. 

[Jens Guð, 17.1.2015 kl. 22:07]

  Grrr,  góð hugmynd!

[Jens Guð, 17.1.2015 kl. 22:08]

  Stefán,  nei einmitt ekki MS.

[Jens Guð, 17.1.2015 kl. 22:09]

  Hwu,  thanks but no thanks.  

[Jens Guð, 17.1.2015 kl. 22:10]

  Ásthildur Cesil,  takk fyrir það.  

[Jens Guð, 17.1.2015 kl. 22:11]

  Dude,  takk fyrir þetta.  Ég ætla að bera þetta undir hans nánustu næst þegar ég hitti einhvern af þeim.