Girnilegasti áfangastaðurinn 2015

 

 

 

 

 

 

  Ég var að kanna með hótelgistingu í Þórshöfn í Færeyjum.  Ætlaði að kíkja þangað seinni partinn í apríl.  Í ljós kom að allt gistirými í Þórshöfn er uppbókað.  Við nánari athugun reyndist allt gistirými í Færeyjum vera uppbókað.  6000 gistirými!  

  Hugsanlega má rekja þetta til þess að fjöldi stærstu fjölmiðla heims valdi um áramótin Færeyjar girnilegasta eða einn girnilegasta áfangastaðinn 2015.  Þ.á.m. New York Times,  The Gardian,  CNN,  CBS og National Geographic.  

  Einnig má ætla að inn í þetta spili glæsilegur sólmyrkvi í Færeyjum 20. mars.  Það skiptir samt ekki öllu máli.  Ég athugaði einnig með hótelgistingu í Þórshöfn í lok júlí.  Allt gistirými er uppbókað líka þá.  Þvílíkur ferðamannastraumur til Færeyja í ár!

   

   

  

Völdu Ísland áfangastað ársins

Athugasemdir

[Sigurður I B Guðmundsson, 18.1.2015 kl. 20:28]

Þá er bara að taka íslensku aðferðina á þetta og breyta öllu húsnæði sem fyrirfinnst í hótel og byggja og byggja hótel út um allt en muna að hafa allt þetta á kennitölum sem bera enga ábyrgð ef illa fer eða þannig sko!!!!

[Sigurdur Hermannsson (IP-tala skráð) 19.1.2015 kl. 11:11]

Tjaldadu

Siggi Lebanon

[Ásthildur Cesil Þórðardóttir, 19.1.2015 kl. 11:27]

Gaman að heyra þetta, það er gott að koma til Færeyja.  Ég eg ánægð fyrir þeirra hönd. 

[Grrr (IP-tala skráð) 19.1.2015 kl. 18:55]

Sammála Lebanon.

Maður notar ekkert gistingu nema þegar að maður þarf að sofa.

[Stefán (IP-tala skráð) 20.1.2015 kl. 12:18]

Mér skilst að færeyingar séu lítið fyrir það að læsa húsum og séu gestrisnir með eindæmum, þannig að það á að vera auðvelt að skjótast inn í hlýjuna, halla sér um stund og fá svo góðan morgunmat í rúmið. 

[Jens Guð, 21.1.2015 kl. 23:17]

  Sigurður IB,  Færeyingar eru einmitt að feta sig inn á þá braut.  

[Jens Guð, 21.1.2015 kl. 23:18]

  Sigurður Hermannsson,  ég er of gamall fyrir að tjalda.  Það er fyrir unga fólkið.  

[Jens Guð, 21.1.2015 kl. 23:19]

  Ásthildur Cesil,  ég er líka ánægður fyrir hönd Færeyinga með þessa ferðamannasprengju.   

[Jens Guð, 21.1.2015 kl. 23:20]

  Grrr,  sextugur kallinn er ekki fyrir tjaldið.  

[Jens Guð, 21.1.2015 kl. 23:21]

  Stefán,  það er alveg rétt:  Að hægt er að fá gistingu í næsta húsi.  Ég vil þó frekar sjá um mína gistingu sjálfur.