Snati kann og veit

 Venjulegur hundur með þokkalega rænu skilur um 70 orð.  Sumir fleiri orð og aðrir færri.  Eitt sinn átti ég hund sem var meinilla við að vera settur í bað.  Ef heimilisfólkið nefndi orðið bað hvarf hundurinn með það sama.  Faldi sig með hraði undir eða á bakvið húsgögn.  Það kostaði mikið at að ná honum. Hann varðist eins og ljón - samt án þess að bíta. 

 Eitt sinn var brugðið á það ráð að stafa orðið bað.  Hvutti hvarf á sama augnabliki.  Við prófuðum oftar að stafa orðið til að sannreyna skilning hundsins.  Alltaf með sömu útgáfu.

 Ég er fæddur og uppalinn í sveit;  í útjaðri Hóla í Hjaltadal.  Ætíð þegar minnst var á heimaslátrun þá þaut heimilishundurinn eins og píla til fjalla og sást ekki í tvo daga. Það var fastur liður.

 Í N-Karólínu Í Bandaríkjum Norður-Ameríku er hundur sem skilur á annað þúsund orð.  Sumt fólk þar um slóðir kann ekki einu sinni svo mörg orð.

 Til að sannreyna skilning Snata í N-Karólínu hefur hann verið látinn sækja 900 leikföng.  Nafn leikfangsins er nefnt og hann sækir það án vandkvæða.

Kári vill komast í strætó

Athugasemdir

[Jón Valur Jensson, 28.2.2015 kl. 01:23]

Klár hundur. 

Fyndið blogg. 

Glöggur Jens. 

Þórbergur talaði um, að dagleg orðanotkun manna í einfaldri erfiðisvinnu í Bretlandi takmarkaðist við eitthvað á níunda hundrað orð. Þessi hundur er því hið mesta gáfnalj.., nei, spekingur að viti. Kannski Dagur B. ætti að ráða hann sem aðstoðarseppa, þá færu hlutirnir að ganga betur á borgarstjóraskrifstofunni. 

[Ásthildur Cesil Þórðardóttir, 28.2.2015 kl. 11:59]

Já þeir skilja og ekki bara orðin heldur líka hljómfallið í röddinni, til dæmis þegar þeir eru skammaðir eða þeim hrósað.  Einn svartur vinur minn í Austurríki hann heitir Trölli, skilur margt og mikið enda en hann orðin gamall, þegar verið er að tala um hann sjálfan, er talað um LU. Og það hafa verið fundinn upp önnur orð um hluti sem hann á ekki að skilja.  

[Tobbi (IP-tala skráð) 1.3.2015 kl. 07:20]

Er Hrafnhóllekki sunnan við ána?

[Jens Guð, 1.3.2015 kl. 22:25]

  Jón Valur,  takk fyrir góð orð.  Hugmyndin um aðstoðarseppa er skemmtileg.  

[Jens Guð, 1.3.2015 kl. 22:31]

  Ásthildur Cesil,  það er rétt hjá þér að hundar lesa í hljómfall og blæbrigði mannsraddar.  

[Jens Guð, 1.3.2015 kl. 22:35]

  Tobbi,  jú,  Hrafnhóll er sunnan við ána.  Eða eiginlega vestan við hana (þegar um inndalinn er að ræða).