Ringo segir Paul hafa látist í bílslysi 1966

 

  Í viðtali við Hollywood Inquirer segir trommuleikari Bítlanna,  Ringo Starr,  að bítillinn Paul McCartney hafi látist í bílslysi 1966.  Allir hafi fengið áfall og fyrstu viðbrögð verið að halda þessu leyndu.  

 

  Ringo nafngreinir mann sem hafði skömmu áður borið sigur úr bítum í keppni um tvífara Pauls.  Hann hafi reynst vera góður tónlistarmaður.  Upphaflega átti þetta að vera til bráðabirgða.  En gekk svo vel að það varð til frambúðar.  Eina vandamálið var að staðgenlinum samdi illa við John Lennon.

 

  Ringo er 74 ára og segist vilja ekki taka þetta leyndarmál með sér í gröfina.  Aðrir Bítlar,  John Lennon og George Harrison,  eru fallnir frá.  

 

  1967 urðu margir fjölmiðlar til að lýsa yfir grunsemdum um að Paul væri dáinn og staðgengill tekinn við hlutverki hans í Bítlunum.  Fyrir þessu voru færð mörg rök.   

 

  Paul hefur ekki viljað tjá sig um uppljóstrun Ringos.  Aðrir hafa tjáð sig og lýst yfir grunsemdum um að Ringó sé lagstur í áfengisþamb og rugl.  Enn aðrir telja þetta vera dæmi um sérkennilega kímnigáfu Ringos.

 

 http://in-1966.beforeitsnews.com/eu/2015/02/ringo-says-paul-died-in-1966-2579186.html

 

 

 

Athugasemdir

[Stefán (IP-tala skráð) 3.3.2015 kl. 08:04]

Ringo karlinn kann svo sannarlega enn að sprella, þó að húmorinn hafi breyst eitthvað og orðið eitthvað kaldhæðnari með árunum.

[Jóhann Elíasson, 3.3.2015 kl. 13:45]

Það þarf ekki annað en að skoða það sem Paul McCartney hefur sent frá sér í gegnu árin til að vera sannfærður um að þetta er tómt bull.  Það hefði enginn meðalmaður geta afrekað allt sem hann hefur gert.  Er Ringo kallinn ekki bara kominn með Alsheimer?????

[Már Elíson, 3.3.2015 kl. 13:48]

Eru þið búnir að fletta upp fréttamiðlinum sem bar þetta á borð ? - Jafnáreiðanlegur og kosningaloforð ríkisstjórnarinnar...Sem sagt : Helber steypa.

[Þórður Már (IP-tala skráð) 3.3.2015 kl. 14:31]

Hahahaha, miðillinn sem var með þetta er GRÍNMIÐILL Í ÆTT VIÐ BAGGALÚT!!! Þetta "viðtal" við Ringo var aldrei tekið!!! Stórkostlegt að fólk skuli vera að apa þetta upp eins og sannleika :-)

[Jens Guð, 3.3.2015 kl. 22:35]

Stefán,  hann er alltaf hress.

[Jens Guð, 3.3.2015 kl. 22:37]

Jóhann,  vissulega er Paul það hæfileikaríkur og fjölhæfur að enginn tvífari hans gæti orðið staðgengill.   

[Jens Guð, 3.3.2015 kl. 22:39]

Már,  það þarf ekkert að fletta Hollywood Inquirer til að átta sig á dæminu.  Þetta er allt í léttum delludúr.

[Jens Guð, 3.3.2015 kl. 22:42]

Þórður,  að sjálfsögðu blasir strax við að þetta er ekki sannleikur heldur til gamans gert

[Jósef Smári Ásmundsson, 4.3.2015 kl. 15:54]

Bítlarnir hafa aldrei verið til.

[Jens Guð, 4.3.2015 kl. 20:28]

Jósef Smári,  þetta er hugsanlega rétt hjá þér.  Ef farið er inn á netsíður sem selja músík finnst ekkert þegar leitarorðið "Bítlarnir" er slegið inn.

[Bjarni (IP-tala skráð) 15.3.2015 kl. 10:50]

Þetta er ævagömul flökkusaga.

http://en.wikipedia.org/wiki/Paul_is_dead

[Jens Guð, 16.3.2015 kl. 20:07]

  Bjarni,  þetta er saga sem fór á kreik 1967 og náði hámarki 1969.