Ósvífinn áróður

 

  Frá unglingsárum hef ég heyrt því haldið fram að ýsan sé hrææta.  Fyrir bragðið fúlsa margir við henni.  Það fer hrollur um fólk við að heyra orðið hrææta. Samt eru nánast allir Íslendingar hræætur.  Við lifum á hræjum.  Kjöt og fiskur sem við borðum er af dýrum sem fyrir löngu síðan voru drepin og eru hræ.

  Ýsan er ekki hrææta. 

  Misskilningurinn liggur í því að ýsan étur sand til að hreinsa meltingarveginn.  Í innyflum hennar er þess vegna svört leðja.  En hún étur ekki hræ.  Hún lifir á sprelllifandi botndýrum (rækjum,  krabba, slöngustjörnum,  skrápdýrum...).  Það munar öllu.  Þess vegna er hold ýsunnar skjannahvítt, þétt og bragðmikið hér á Norðurhöfum.  Einhver besti matur sem til er.  Ýsa var það heillin.    

  

Athugasemdir

[Stefán (IP-tala skráð) 18.3.2015 kl. 08:19]

Á Vísindavefnum má einmitt finna eftirfarandi: Ýsa er ekki hrææta heldur lifir hún aðallega á botndýrum meginhluta lífs síns. Þannig að þetta tal um ýsu sem hræætu er bara þjóðasaga sem þó lifir.  

[Vésteinn Valgarðsson, 18.3.2015 kl. 12:33]

Margir mjög vissir í sinni sök. Halda að maður sé bjáni þegar maður segir að ýsa sé ekki hrææta. Bjáni alinn á snúðum og vínarbrauði í miðbæ Reykjavíkur. Annars finnst mér þorskur betri en ýsa, ef einhver var að velta því fyrir sér.

[Bjarni Gunnlaugur (IP-tala skráð) 18.3.2015 kl. 14:30]

Fyrstu 40 ár æfi minnar eða svo þá hataði ég fisk. Fannst ömurlegt að fá fisk í matinn og þurfti alltaf að fá mér eitthvern alvöru mat með.  Þá gerði ég allt í einu merkilega uppgötvun. Þetta var allt andskotans ýsan.

Ég þoldi ekki ýsu. Á reyndar föðurbróður sem fær alltaf kláða í nefið þegar hann étur ýsu og dreg ég af þessu þá ályktun að sumir hafi ofnæmi fyrir ýsunni.

Nú er með því besta sem ég fæ, soðinn þorskur með kartöflum hömsum og rúgbrauði.

Já, ýsa var það heillin!

[Helga Kristjánsdóttir, 18.3.2015 kl. 19:14]

 Kannski maður fari að láta sum börnin sín éta þennan áróður oní sig!  ýsan er afar góð t.d. steykt með glás af lauki.Það sem ég finn að þorskinum er bévítans hringormarnir,en framfarir í verkun fisks eru afar miklar. maður sér ekki hringorm nema,stöku sinnum í þorsklifur,sem auðvelt er að ná þeir eru alltaf í ystu himnunni.

[Jens Guð, 18.3.2015 kl. 20:57]

Stefán,  það er áreiðanlega rétt.

[Jens Guð, 18.3.2015 kl. 20:58]

Vésteinn,  mér skilst að utan Íslands sé þorskurinn vinsælli en ýsan. 

[Jens Guð, 18.3.2015 kl. 21:00]

Bjarni,  ég held að ungmenni séu yfirleitt minna fyrir fisk en fullorðnir.  

[Jens Guð, 18.3.2015 kl. 21:02]

Helga,  hringormurinn á það reyndar til að vera óboðinn gestur í ýsunni.  En í minna mæli en í þorskinum.  

[Helga Kristjánsdóttir, 18.3.2015 kl. 22:07]

 Já ég vildi ekki lengja mál mitt,en ég er alin upp í sjávarplássi.

[Vésteinn Valgarðsson, 19.3.2015 kl. 03:09]

Einhver ástæða hlýtur að vera fyrir að Íslendingar flytji þorskinn út en éti sjálfir ýsuna. Er það ekki bara af því það fæst meira fyrir þorskinn erlendis?

[Stefám (IP-tala skráð) 19.3.2015 kl. 14:03]

Píratar eru hræætur - Þeir éta upp gömlu úreltu flokkana

[Jens Guð, 19.3.2015 kl. 21:31]

Helga,  fátt er betra en vera alin upp í sjávarplássi.  Einkum á árum fyrir kvótaklúðrið.  

[Jens Guð, 19.3.2015 kl. 21:32]

Vésteinn,  jú,  það fæst hærra verð fyrir þorskinn.  Meðal annars vegna þjóðsögunnar um að ýsan sé hrææta.  

[Jens Guð, 19.3.2015 kl. 21:33]

Stefán, það er ekkert nema gott mál.

[Vésteinn Valgarðsson, 19.3.2015 kl. 22:13]

Það gæti verið vegna þjóðsögunnar - það gæti líka verið að fleirum þyki hann bara betri á bragðið.

[sverrir Halldorsson (IP-tala skráð) 20.3.2015 kl. 20:39]

Ýsan var borðuð af íslendingum af því að við seldum allaln þorsk úr landi , en meira verð fékkst fyrir hann.

Ýsan er bragðminni en þorskur ,þess vegna vilja þeir sem ólust upp við að borða ýsu finnst þorskurinn of bragðmikill

[Jens Guð, 20.3.2015 kl. 23:02]

Vésteinn,  sennilega er það hvorugtveggja.  

[Jens Guð, 20.3.2015 kl. 23:02]

Sverrir,  þetta er áreiðanlega rétt hjá þér.