Bestu lög Bítlanna

  Lög og plötur Bítlanna hafa í meira en hálfa öld trónað í efstu sætum á listum yfir bestu lög og bestu plötur poppsögunnar.  Þetta eru ekki alltaf nákvæmlega sömu lögin eða sömu plöturnar.  Það er svo merkilegt.  

  Breska poppblaðið NME snéri sér til margra helstu lagasmiði rokksins í leit að bestu lögum Bítlanna.  Til að mynda liðsmenn íslensk-ensku rokksveitarinnar Vaccines,  Arctik Monkeys,  Oasis,  Beach Boys,  The Who,  Muse,  Foo Fighters,  Smiths og allskonar.    Niðurstaðan varð þessi:

1.  Strawberry Fields Forever

  Höfundur:  John Lennon

2.  A Day In The Life

  Höfundar:  John Lennon (að mestu) og Paul McCartney (millikaflinn á mín 2:08 á eftir sólókaflanum)

3.  I Want To Hold Your Hand

  Höfundar:  John Lennon og Paul McCartney.  Eitt af mörgum lögum á fyrri hluta ferils Bítlanna þar sem John og Paul sömdu lögin saman nótu fyrir nótu.  

4.  Here Comes The Sun

  Höfundur:  George Harrison.  

5.  Blackbird

  Höfundur:  Paul McCartney

6.  Tomorrow Never Knows

  Höfundur:  John Lennon

7.  Across The Universe

  Höfundur:  John Lennon

8.  While My Guitar Gentle Weeps

  Höfundur:  George Harrison.  Það er góð og réttmæt niðurstaða að Harrison eigi tvö lög á listanum yfir 10 bestu lög Bítlanna - þrátt fyrir að hann hafi eigi afar fá lög á plöturm Bítlanna.  

9.  I Am The Walrus

  Höfundur:  John Lennon

10. Hey Jude

  Höfundur:  Paul McCartney

Athugasemdir

[Sigurður I B Guðmundsson, 20.3.2015 kl. 20:26]

Flott lög. En lög eins og t.d. I should have known better, Nowhere Man, Oh, darling, og Yes it is komast ekki á þennan lista ásamt ..... öllum hinum lögunum!!! Þvílíkir snillingar.

[Ómar Bjarki Kristjánsson, 20.3.2015 kl. 23:02]

Nokkuð rökréttur listi eða sterkur.  Þarna sér maður strax, að Lennon er mest áberandi og Paul og Harrison jafnir í öðru sæti með tvö hvor.

Sterk lög sem koma uppí hugan si sona, eru td. I feel fine,  Dear Prudence, Help.  Og þau eru líka að mestu eftir Lennon.

Lennon var talsvert sterkari laga- og textasmiður heldur en Paul.  

Hann hafði þessa einstöku tilfinningu fyrir laglínum og jafnhliða gat hann smíðað furðulega tvíræðna texta þar ofan á.

Paul gat alveg gert laglínu og búið til texta, - en það er dýptin í Lennon sem gerir gæfumunin, að mínu mati.  

[Jens Guð, 20.3.2015 kl. 23:17]

  Sigurður I B,  það segir sína sögu að söluhæsta poppmúsíkblað Bretlands (tímarit sem selt er í blaðastöndum um þver og endilöng Bandaríkin,  á Íslandi og út um allt,  sé í dag að gera út á lagasafn hljómsveitar frá sjöunda áratugnum.  Hljómsveitar sem átti í raun stuttan feril til samanburðar við The Rolling Stones,  The Who og ara allskonar hljómsveita.  

[Jens Guð, 20.3.2015 kl. 23:19]

  Það er eiginlega sama alltaf þegar maður sér svona lista að þá saknar maður einhverra laga.

[Jens Guð, 20.3.2015 kl. 23:21]

  Ómar,  ég á alltaf erfitt með að gera upp á milli Bítla.  Ég hugsa alltaf um hljómsveitina sem heild.  Kostir hvers og eins lögðu svo mikið af mörkum fyrir heildina.  

[Guðmundur Júlíusson, 20.3.2015 kl. 23:33]

Þetta er vel til fundið af þér Jens og gaman að, ég á mitt uppáhalds bítlalag og það er "Here comes the sun" 

[Ómar Bjarki Kristjánsson, 21.3.2015 kl. 00:56]

Jú, vissulega.  Bítlarnir eru heildin.

En það er samt eftirtektarvert, þegar skoðað er smáatriðum, hve Lennon var allstaðar stór í þessari heild.  Bítlarnir voru samt ekki Lennon heldur þeir allir.  Heildin.

Veit það ekki, - en mér finnst eftir því sem tíminn líður, þá verði Lennon alltaf merkilegri og merkilegri.  Hann var svona fyrirbæri sem kemur fram með löngu millibili.

Merkilegt að horfa á viðtöl við hann sem finna má á youtube.  Hann hefur svo sterkar og oft óvæntar skoðanir á öllum hlutum og heldur þeim skoðunum fram alveg stíft.  Það var svo mikil passion í honum.  Frumlegheitin áberandi og frumkvöðull.   

[Richard Ulfarsson (IP-tala skráð) 21.3.2015 kl. 08:49]

Sniðugt að þú skulir velja 10 bítlalög þar sem megnið kemst ekki inná minn topp 50 bítlalög.

Það sýnir kannski best að bítlarnir gerðu ekkert annað en frábær lög á færibandi.

[Jens Guð, 21.3.2015 kl. 17:23]

Guðmundur,  þegar ég rekst á svoana frétt tengda Bítlunum þá verð ég að deila henni yfir á bloggið.  Mér þykir svo gaman að pæla í Bítklunum.  

[Jens Guð, 21.3.2015 kl. 17:51]

Ómar Bjarki,  vissulega var John Lennon merkileg persóna ekki síður en merkilegur tónlistarmaður.  Flestallir helstu fjölmiðlar heims völdu hann tónlistarmann 20. aldar í aldamótauppgjöri sínu.  

  Hann var öfgamaður hvað það varðar að hann fékk geggjaðri hugdettur en flestir og framkvæmdi þær.  Hann var bráðgáfaður,  fyndinn,  hugmyndaríkur og stórhuga.  Líka frekur,  kjaftfor og fylginn sér.  Lagið "Revolution #9" á Hvíta albúminu er gott dæmi um þetta.  Uppskriftin var nógu geggjuð:  Að gera tónverk sem ekki væri hægt að halda takt við né raula með.  Hinir Bítlarnir og aðrir lögðust gegn því að hafa verkið með á plötunni.  En Lennon var ákveðinn.  Hann sætti sig ekki einu sinni við að skera verkið niður í stutt sýnishorn heldur er þetta lengsta Bítlalagið,  hálf níunda mínúta!

  Eins var dáldið geggjað tímabilið þegar hann kom fram á blaðamannfundum í lokuðum poka.  Fjölmiðlafólkið sá hann ekki heldur bara pokann.  Þannig taldi hann boðskap sinn,  það sem hann hafði til friðarmála að leggja,  komast betur til skila.  

  Því má ekki gleyma að hann var frumlegur og fyndinn rithöfundur.  Sendi frá sér virkilega skemmtilegar smásögubækur.  Þá var hann ágætur teiknari.  Margir söngtexta hans geta staðið sjálfstætt sem fegurstu ljóð.       

[Jens Guð, 21.3.2015 kl. 17:59]

  Richard,  ég valdi ekki þessi lög.  Það gerðu helstu lagahöfundar rokksins.  

  Minn listi væri ekki alveg eins.  Samt er ég alveg sáttur við þennan lista.  Það er líka spurning um val á milli skemmtilegustu laga (út frá útsetningu) og best sömdu laga.  Mitt uppáhalds Bítlalag er "Helter Skelter".  Laglínan er ekkert merkileg heldur nokkuð venjulegt blúsrokk.  Flutningurinn er aftur á móti æðísgenginn.

[Ómar Bjarki Kristjánsson, 21.3.2015 kl. 18:47]

Jens, námvæmlega.  Eilíf ráðgáta þessi maður hann Lennon.  Hann var það sem kallað er snillingur.

Lennon og hans afrek verða svo sérlega áberandi ef haft er í huga að þetta er fyrir mörgum mörgum árum.40-50 árum.  Hann var langt á undan tímanum, að vissu leiti.  

[Richard Ulfarsson (IP-tala skráð) 21.3.2015 kl. 19:27]

 

Kæri Jens

Sniðugt að þú skulir nefna "Helter Skelter", það lag Pauls kemst inná minn lista yfir topp 100 bítlalög.

Skýringin á því hvers vegna mér finnst listinn lélegur er kannski vegna þess að mér finnst þeir sem velja á listann alls ekki  og langt frá því að vera helstu lagahöfundar rokksins.

 

[Jens Guð, 21.3.2015 kl. 20:29]

  Ómar Bjarki,  Bítlarnir voru bylting sem ég var svo heppinn að upplifa í rauntíma.  Það var ótrúlegt ævintýri að fylgjast með því hvernig þessir guttar úr litlu hafnarborginni Liverpool í Englandi breyttu svo mörgu í heiminum svo hratt að við getum kallað það byltingu.  Það var ekki aðeins bylting í tónlist heldur hugsunarhætti,  hárgreiðslu,  klæðnaði...  "All You Need Is Love" var útkall sem breytti milljónum manna í friðarsinnaða hippa á viðbjóðslegum stríðstímum í Indókína.  "Give Peace A Chance" var annað öflugt innlegg í umræðuna um Víetnam-stríðið sem stríðsæsingamenn kunnu engar varnir gegn.  

  Það var líka afar merkilegt þegar Lennon hóf sólóplötuferil að þá gerði hann í upphafi út á ofur einfalda músík. Síðasta alvöruplata Bítlanna,  Abbey Road,  var vel unnin með flottri röddun og fagmennsku.  Fyrsta sólóplata Lennons var svo hrá að flest lög voru hljóðrituð nánast "live" og óæfð í hljóðveri.  Bara gítar,  bassi og píanó.  Eða bara kassagítar.  Engin röddun.  Aðeins nakinn söngur.  

  Þessari plötu,  Plastic Ono Band,  var slátrað af gagnrýnendum.  Skilgreind sem óklárað demo.  Svo komu pönkið og nýbylgjan.  Síðan er þessi plata jafnan ofarlega á lista yfir bestu plötur rokksögunnar.   

[Jens Guð, 21.3.2015 kl. 20:32]

  Richard,  það má alveg vera að þeir sem settu saman listann séu ekki helstu lagahöfundar rokksins.  Þetta eru samt þeir sem hafa náð bestum árangri sem lagahöfundar.  Eða að minnsta kosti margir þeirra.   

[Jens Guð, 21.3.2015 kl. 21:30]

  Richard,  það er umdeilanlegt hverjir eru helstu lagahöfundar rokksins.  Þetta eru þeir sem hafa náð bestum árangri sem lagahöfundar á vinsældalistum (sem segir samt ekki alla söguna).  

[Ómar Bjarki Kristjánsson, 21.3.2015 kl. 21:59]

Já.  Eg upplifði þetta náttúrulega ekki í rauntíma.  Eg man svona bláresina á hippatímanum hér sem krakki.

Manni finnst bara sko Lennon, hafa verið svo frumlegur og líka það hvernig hann var alveg óhræddur við að tala í fjölmiðlum.  Þ.e. vera þessi ,,spámaður", ef svo má segja, fyrirmynd eða sá sem var að segja eitthvað merkilegt o.s.frv.  Þegar eg er að horfa á gömul youtubebönd á netinu núna, - þá finnst mér hann jafnvel enn sterkari en maður ætlaði. 

Margt jákvætt sem fylgir internetinu.  Nú getur maður séð hvernig þetta var, - eða brotabrot úr því.

[Ómar Bjarki Kristjánsson, 21.3.2015 kl. 23:04]

Ps. sem dæmi sem eg er að reyna að segja þá vel eg þetta viðtal af handahófi:

https://www.youtube.com/watch?v=1Kw52mG1EzU

Krafturinn og ástríðan í manninum er alveg mögnuð.  Og svo í framhaldinu hvernig hann virðist vera búinn að hugsa útí ótal atriði sem fólk er ekki almennt að hugsa útí.  Og við erum að tala um poppstjörnu.  Hann var svo miklu meira en poppstjarna.  

Svo er Lennon hérna á tónleikum í Toronto:

https://www.youtube.com/watch?v=yU0tahJ4f7k

Alveg gríðarlega magnað,að mínu mati.

[Bjarni (IP-tala skráð) 22.3.2015 kl. 00:44]

Það eru bara ca. 20 ár þangað til síðasti bítlaaðdáandinn geyspar golunni og þá vonandi linnir þessari bítlaþvælu.  Bítlarnir voru glorified strákaband, ekki vitund merkilegri en take that eða kids next door.  Það mætti halda að þetta lið hafi aldrei hlustað á alvöru tónlist, t.d Tom Waits eða þó ekki væri nema the Clash eða Sex pistol.  Og fólk sem heldur að Lennon hafi verið gáfaður á alla mína samúð.

[Anna Sigríður Guðmundsdóttir, 22.3.2015 kl. 00:52]

Jens. Takk fyrir. Bítlarnir eru ódauðlegir og það segir allt um hvernig sannur og fallega fluttur boðskapur lifir af alla spillta pólitík.

Mitt uppáhalds Bítlalag er það sama og hjá Guðmundi, í athugasemd númer 6.

M.b.kv.

[Jens Guð, 22.3.2015 kl. 15:32]

  Ómar Bjarki,  takk fyrir innleggið og myndböndin.

[Jens Guð, 22.3.2015 kl. 15:58]

  Bjarni,  það hefur verið kominn kvöldgalsi í þig þarn um klukkan laust fyrir eitt í nótt. The Clash og Sex Pistols voru undir miklum áhrifum frá Bítlunum,  eins og flestar helstu pönk- og nýbykgjusveitirnar.  Og flestir rokkarar af öllu tagi.

  Lagasmiður Sex Pistols og bassaleikari,  Glen Matlock,  var og er Bítlaaðdáandi.  Þegar honum var skipt út fyrir Sid Vicious gaf umboðsmaður SP út þá skýringu að ástæðan væri aðdáun Glens á Bítlunum.  Eftir það gekk allt á afturfótunum hjá SP og ekkert gert af nokkru viti.  Söngvarinn,  Johnny Rotten,  stofnaði nýja hljómsveit,  PIL,  með gítarleikaranum Keith Levine.  Sá hafði áður stofnað The Clash.  Hann er svo mikill Bítlaaðdáandi að hann kemur vart fram á hljómleikum öðruvísi en klæddur bol merktum Bítlunum.

  Fyrsta platan sem gefin var út undir formerkjum pönks innihélt lagið "Help" eftir Bítlana.  Þetta var smáskífa með The Damned.  Fyrsta platan með Siouxie & The Banshees innihélt eingöngu frumsamið efni plús "Helter Skelter" eftir Bítlana.  Þau voru svo miklir Bítlaaðdáendur að við fyrsta tækifæri fóru þau í hljóðverið Abbey Road til að nota sömu upptökugræjur og Bítlarnir.  Þau halda því fram að John Lennon afturgenginn hafi lagt þeim lið í einu lagi.  Þar bregður fyrir í örstutta stund skrítnu Lennon-legu sólógítarsándi. Generation X gaf út Lennon-lagið "Gimme Some Truth".  Þannig mætti lengi telja.

  Bítlarnir hafa átt drjúgan hlut í öllum helstu rokkbylgjum síðustu hálfu öld. Þannig verður það áfram næstu aldir.  

[Jens Guð, 22.3.2015 kl. 16:00]

  Anna Sigríður,  þið Guðmundur deilið smekk með helstu lagahöfundum rokksins.  Þetta lag er í einu af toppsætunum hjá þeim,  eins og sést á listanum.  

[Jónas (IP-tala skráð) 29.3.2015 kl. 11:04]

Svona listar eru til gamans gerðir og á ekki að taka hátíðlega. Til að fullkomna lista eins og þennan bætir minn hugur við In my life (Lennon) en þá er þetta orðinn 11 laga listi. Það sem kemur hins vegar mest á óvart er að Yesterday er ekki að finna þarna.