Stórhættulegir blautklútar. Geta valdið blindu!

  Ég veit ekki hversu vinsælir eða almennt brúkaðir hérlendis eru svokallaðir blautklútar.  Þetta eru rakar einnota bréfaþurrkur.  Í vökva þeirra eru hreinsiefni ætluð til að fjarlægja andlitsfarða fyrir svefn.  Líka til að fá eins og kælandi strok yfir andlitið hafi fólk hitnað eða svitnað í andliti.

  Nú hefur komið í ljós að blautklútar eru hættulegir.  Ein frægasta kántrý-söngkona Færeyja,  Eva Tausen,  stórskaðaði sjón sína með notkun blautklúta.  Hún hefur unnið sem sjúkraflutningamaður.  Blautklútar hafa skaðað augu hennar svo mikið að hún hefur ekki lengur sjón til að stýra ökutæki.

  Blautklútarnir sem hafa leikið Evu Tausen svona illa heita First Price.  Þeir eru seldir á Íslandi.   

  Evi hefur átt lög í 1. sæti hollenska,  írska og sænska kántrýlista.  Hún hefur að auki náð hátt á kántrýlista fleiri þjóða og unnið til alþjóðlegra kántrýverðlauna. 

Athugasemdir

[Ingibjörg Magnúsdóttir, 25.3.2015 kl. 22:33]

Held að þessir blautklútar séu ætlaðir fyrir að þurrka sér um hendur, og svo eru til tegundir til að þurrka bleyjurassa. En ég hef stundum notað þetta, til að þurrka mér um hendur, þar sem ekki er rennandi vatn. En mér hefur aldrei dottið í hug að fara með þetta í andlit eða augu. - En þetta er þarft innlegg hjá þér að vara við þessu.

[Jens Guð, 26.3.2015 kl. 11:25]

  Ingibjörg,  ég veit lítið um blautklúta.  Kannast þó við að á einhverjum sólbaðsstofum er konum (og sennilega körlum líka) boðið upp á blautklúta til að þrífa af sér andlitsfarða.  Einnig man ég eftir auglýsingu/m þar sem sótthreinsandi klútar fyrir hendur annarsvegar og hinsvegar blautklútar eru kynnt sem sitthvor hluturinn,  sjá:

 http://www.icepharma.is/vefverslun/heilsa-og-hreyfing/vara/?ProductId=3cb27ed1-5f07-11e2-a6a5-d4ae52bed95f

  Í flugi fær maður stundum blautklút með matarbakkanum.  Sennilega er hann ætlaður fyrir hendurnar - þó að ekki sé um fingramat að ræða.  Hinsvegar þykir mér frískandi og allt að því kælandi að strjúka rökum klútnum yfir ennið.  Ég hef séð fleiri brúka hann á sama hátt.

[Erla Magna Alexandersdóttir, 26.3.2015 kl. 12:21]

þAÐ FÁST BLAUTKLÚTAR FYRIR ANDLIT.

 þEIR ERU TIL AÐ FJARLÆGJA FARÐA.

 MARGAR KONUR NOTA HANN LIKA TIL AÐ FJARLÆGJA MÁLNINGU KRINGUM AUGU.

[Jens Guð, 26.3.2015 kl. 14:23]

Erla,  ég skoðaði þetta áðan úti í búð.  Á sumum pakkningum eru engar notkunarleiðbeiningar.  Á öðrum er talið upp "fjarlægir make up".  

[Ásthildur Cesil Þórðardóttir, 26.3.2015 kl. 16:48]

eins gott að gæta sín, reyndar nota ég ekki blautklúta en strýk yfir andlitið með rökum klút, áður en ég fer að sofa.