Veitingaumsögn

 

 

 

 

 

 

 

 

  -  Réttur:  Íslensk kjötsúpa

  -  Veitingastaður:  Perlan

  -  Verð: 1200 kr.

  -  Einkunn: *

  Kjötsúpan sem seld er á 4ðu hæð Perlunnar er hefðbundin íslensk kjötsúpa.  Hún inniheldur örlítið af rótargrænmeti á borð við gulrætur, gulrófubita og lauk og eitthvað svoleiðis.  En að uppistöðu var hún bara þunnur vökvi með grænmetis- og kjötbragði.  En ekkert kjöt. Ég gerði athugasemd við þetta við kassadömuna.  Hún svaraði því til að svona væri súpan í dag. Það var enginn ágreiningur á milli okkar um það.  

  Til að sanngirnis sé gætt þá get ég upplýst og vottað að ótal sinnum oft hef ég fengið þokkalega matarmikla kjötsúpu þarna.  Með ásættanlegu magni af smátt skornum kjötbitum.  En hér og nú er ég aðeins að gefa lýsingu á súpunni sem ég fékk í gær.  Með súpunni fylgir brauðbolla og smjör.  

  Þessi mynd er ekki af súpuskálinni í Perlunni en svipar til hennar.

 

 

 

 

 

 

 

 

Alvöru íslensk kjötsúpa lítur aftur á móti svona út (fleiri veitingaumsagnir má finna hér )

Athugasemdir

[Jónas Ómar Snorrason, 30.3.2015 kl. 15:53]

 Auðvitað er þetta skömm og ekkert annað Jens. Kjötsúpa án kjöts, er eins sveppasúpa án sveppa, eða þannig!!! 

[Guðmundur Bjarnason (IP-tala skráð) 30.3.2015 kl. 17:17]

Var þetta ekki bara kjöt af huldufólksfénaði?

Það er víst ósýnilegt og lúalegt af þeim þarna, í Perlunni, að geta ekki um uppruna ketsins.

 

[Jens Guð, 30.3.2015 kl. 20:48]

Jónas,  vel mælt!

[Jens Guð, 30.3.2015 kl. 20:49]

Guðmundur,  þarna hittir þú kannski naglann á höfuðið.  Mér fannst eins og örla á bragði af álfakjöti.  

[Ingibjörg Magnúsdóttir, 30.3.2015 kl. 22:13]

Það hlýtur að vera kominn nýr kokkur þarna, sem kann ekki að elda íslenska kjötsúpu.

En neðri myndin af kjötsúpu lítur girnilega út, og ég sé ekki betur en að þarna glitti í brokkóli.

Ég nota sjálf brokkólí í íslenska kjötsúpu. Er hætt að nota hvítkál í súpuna. F. mörgum árum varð kjötsúpan hjá mér ónýt á 3ja degi. Einhver kona sagði mér að það væri vegna vegna hvítkálsins. Minnir að súpan hefði súrnað, en hún var alla vega óæt.

Mæli með að kjötsúpan innihaldi hefðbundið grænmeti + súpujurtir að ógleymdum kartöflum og lambakjöti og brokkólí (alls ekki hvítkál). Það má líka setja smá af hrísgrjónum eða haframjöli til að þykkja hana, þá verður hún matarmeiri.

Lifi íslenska kjötsúpan!

[Jens Guð, 4.4.2015 kl. 17:44]

Ingibjörg,  bestu þakkir fyrir upplýsingarnar og góð ráð.