Villandi skekkjumörk - ómarktæk niðurstaða

3.4.2015 | 00:55

Villandi skekkjumörk - ómarktæk niðurstaða

"27-klúbburinn" er þekkt fyrirbæri í rokksögunni. Eða öllu heldur stórt dæmi í henni. Það vísar til þess að fjöldi skærustu stjarna rokksins hefur fallið frá 27 ára að aldri. Til eru listar og gröf yfir fráfall poppstjarna. Þar vegur 27 ára aldurinn ekki neitt. Skekkjumörkin liggja í því að 27-klúbburinn hýsir ofurstjörnur. Aðrar samantektir og gröf spanna minna þekkta tónlistarmenn.

Ástæðan fyrir því að kastljósi var beint að 27-klúbbnum á sínum tíma er tímaramminn. Jimi Hendirx dó 8. sept. 1970, 27 ára. Merkasta gítarhetja rokksins. Ofurstjarna á hátindi ferils síns.

Innan við mánuði síðar, 4. okt. 1970, dó Janis Joplin, 27 ára. Merkasta söngkona rokksins. Líka á hátindi frægðar sinnar.

Nokkrum mánuðum síðar, 3. júlí 1971, dó Jim Morrison, söngvari Doors. Einn merkasti textahöfundur rokksins og söngvari einnar merkust hljómsveitar rokksins.

Við fráfall allra þessara skærustu ofurstjarna rokksins á innan við ári, allt jafnaldrar, var rokkunnendum brugðið. Eðlilega. Þetta var sláandi. Allar þessar stjörnur voru fórnarlömb gríðarmikillar vímuefnaneyslu. Eiturlyf og eiturlyfjaneysla voru nýtt fyrirbæri. Þótti spennandi nýjung og fór eins og stormsveipur um rokkheiminn. Ofurstjörnurnar sem féllu frá 27 ára áttu það sameiginlegt að ganga hratt um gleðinnar dyr.

Í vangaveltum um dauða Hendrix, Morrisons og Joplin blandaðist að gítarleikari The Rolling Stones, Brian Jones, dó 27 ára 3. júlí 1970 innan við ári fyrir fráfall Hendrix. Samskonar lífstíll þeirra allra réði úrslitum um hvernig fór. Líka í tilfelli Amy Winehouse sem lést 27 ára. Líka Kurts Cobains sem féll frá 27 ára.

Ef litið er yfir lengra tímabil þá lést merkasta goðsögn blúsins - fyrirmynd margra helstu gítarleikara rokksins - Robert Johnson 27ára, 1938. Þannig mætti áfram telju upp heilu tugina af innvígðum í 27-klúbbinn.

Svo er fjöldinn allur sem hefur dáið rétt utan 27-ára klúbbsins. Til að mynda Gram Parsons (The Byrds). Þar munaði næstum 2 mánuðum. Hann var aðeins 26 ára.

Þessa bloggfærslu má ekki túlka sem jákvæða gagnvart dópi. Dóp er áreiðanlega óhollt og lífshættulegt. Í sögu rokksins skiptir máli hvort að þar fellur frá aðsópsmikil ofurstjarna á heimsmarkaði eða afleysingatrommari í danshljómsveit á þýskri sveitakrá.

	„27-klúbburinn“ goðsögn
Ábyrgðarmaður færslu Tilkynna um óviðeigandi tengingu við frétt

Meginflokkur: Tónlist | Aukaflokkar: Heilbrigðismál, Lífstíll, Útvarp | Breytt 14.4.2016 kl. 20:35 | Facebook

Tónlistarspilari

- Gyllinæð - Djöflakallinn

Spurt er

Hver er uppáhalds Bítlaplatan þín?

Niðurstöður

Athugasemdir

Kvedja frá Bohemia! Mjög mikilvaegar upplýsingar - http://en-albafos.blog.cz

albafos (IP-tala skráð) 3.4.2015 kl. 08:05

Það er skemmtilegur húmor í mönnum í dag:

*löng upptalning á frægu fólki sem hefur drepist vegna fíkniefnaneyzlu,* og svo þessi lína strax á eftir: "Þessa bloggfærslu má ekki túlka sem jákvæða gagnvart dópi."

Já...

Ásgrímur Hartmannsson, 3.4.2015 kl. 21:14

Albafoss, takk fyrir það.

Jens Guð, 4.4.2015 kl. 17:46

Ásgrímur, það er mótsögn í þessu hjá mér. Hehehe! Engu að síður hefur verið dálítill ævintýraljómi yfir 27-klúbbnum. Þetta voru snillingar og spennandi fyrirmyndir.

Jens Guð, 4.4.2015 kl. 17:52

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Jens Guð