Besta lagið?

  Skoska dagblaðið Daily Records birti í morgun lista yfir bestu lög djasssögunnar.  Það var útvarpsstöðin The Jazz sem stóð fyrir kosningu meðal hlustenda sinna.  The Jazz er systurstöð bresku útvarpsstöðvarinnar Classic FM.  Mér er kunnugt um að hlustendur Classic FM telja 6,3 milljónir.  Ég veit hinsvegar ekki hver hlustendafjöldi The Jazz er.

  Lagið sem var kosið besta lag djasssögunnar bar höfuð og herðar yfir lögin í næstu sætum.  Það er "So What" með Miles Davis.  Frábært lag sem kom út á plötunni "Kind of Blue" 1959.  Sú plata er ætíð ofarlega á listum yfir bestu plötur allra tíma og allra músíkstíla. 

  Í öðru sæti var "Take Five" með Dave Brubeck.  Sennilega eitt mest "coveraða" djasslagið.

  Í 3ja sæti hafnaði "West End Blues" með Loui Armstrong.  Sem djassgeggjari er ég afskaplega sáttur við val hlustenda The Jazz.    

Athugasemdir

[Stefán (IP-tala skráð) 10.4.2007 kl. 15:45]

Sem næstu jazz lög á eftir þessum myndi ég t.d. velja: Take the A Train og Mood Indigo frá Duke Ellington - Round Midnight og Beshma Swing frá Thelinois Monk - Goodbay Pork Pie Hat frá Charles Mingus - Body and Soul frá Coleman Hawkins -  A Love Suprime og Gaint Steps frá John Coltrane - For My Father frá Horice Silver svo nokkur frábær jazz lög til viðbótar séu nefnd.

Stefán

[Jens Guð, 10.4.2007 kl. 16:30]

Næstu sæti eru þannig:

4.  "Love Supreme" með John Coltrane (hlustendur sammála þér)

5.  "All Blues" með Miles Davis

6.  "My Favorite Things" með John Coltrane

7.  "Birdland" með Weather Report

8.  "Twentysomething" með Jamie Cullum

9.  "Take the A Train" með Duke Ellington (hlustendur aftur sammála þér)

l0. "Blue in Green" með Miles Davies

"Song for my Father" með Horice Silver,  "Body and Soul" með Coleman Hawkins og "Giant Step" með John Coltrane eru inn á Topp 17.

[Jón Þór Bjarnason, 10.4.2007 kl. 16:34]

Væri ekki upplagt að gefa svo út safndisk með þessum perlum?

[Jens Guð, 10.4.2007 kl. 16:55]

  Það gæti orðið snúið mál vegna þess að höfundarréttur liggur víða ásamt útgáfurétti.  Þetta eru það stór nöfn og þessi lög seljast jafnt og þétt að samningar gætu orðið flóknir og erfiðir.  Ég hef tekið þátt í að setja saman safnplötur með minni og óþekktari spámönnum.  Það er ekkert smá mál. 

  Hugmyndin er hinsvegar góð. 

[Kristján Kristjánsson, 10.4.2007 kl. 20:51]

Þetta er öflugur listi. Ég er ekki mikill jazzgeggjari en öll þessi lög eru í uppáhaldi hjá mér nema "Twentysomething" sem ég þekki ekki.