Brött verðhækkun á mat

  Matur er dýr.  Ekki aðeins á Íslandi heldur einnig í útlöndum.  Þetta er útbreitt vandamál.  Þetta veldur vandræðum með skólamáltíðir.  Á vesturlöndum koma iðulega upp vandamál í skólamötuneytum vegna þess að foreldrar nemanda hafa ekki staðið í skilum.  Vandamálið er leyst einhvern veginn eða óleyst.

  Ég elda ekki.  Snæði þess í stað á veitingastöðum sem bjóða upp á svokallaðan gamaldags heimilismat.  Það er hið besta mál  Nema að frá áramótum hefur verð hækkað jafn og þétt.  Síðast á mánudaginn hækkaði verð á máltíð í Bykó í Breidd úr 1500 kalli í 1650 kall.  Þetta er ekki peningur sem skiptir miklu máli.  En samt næstum 11% hækkun  Kótelettur í Múlakaffi eru komnar í 2480 kall.  Það er ekkert langt síðan enginn réttur á Múlakaffi var yfir 2000 kalli.  Kótelettur inni á BSÍ kosta í dag 2890 kr.  Um daginn hækkaði verð á súpuskál á kaffiteríu Perlunnar úr 1100 kalli í 1200 kall.  Þannig mætti áfram telja.

  Á Fésbók upplýsti kokkur mig um að orsökin væri brött verðhækkun á hráefnum.  Og svo hækkun matarskatts úr 7% í 12%. Það er reisn yfir því.  

   

Rekin fyrir að gefa börnum mat

Athugasemdir

[Sigurður I B Guðmundsson, 3.6.2015 kl. 21:53]

 Er ekki málið að skella sér á matreiðslunámskeið eða kaupa kokkabók???

[Stefán (IP-tala skráð) 4.6.2015 kl. 09:53]

Ef þú værir framsóknarmaður Jens, þá gætir þú væntanlega fengið fyrirgreiðslu hjá MP-banka til að fjármagna óeðlilegar hækkanir á matsölustöðum.

Annars held ég að íslenskar vegasjoppur séu margar hverjar eingöngu ætlaðar útlendingum vegna mjög svo óeðlilegrar verðlagningar.

[Jens Guð, 4.6.2015 kl. 21:06]

  Sigurður I B,  ég er alveg ljómandi góður kokkur.  Ég er kominn af góðum kokkum.  Þrjár systur mínar,  bróðir minn og tveir mágar hafa til langs tíma starfað sem atvinnukokkar.  Þar af reka systir mín og mágur vinsælan matsölustað í Svíþjóð.  

  Á meðan ég rak heimili þá eldaði ég góðan og hollan "heimilismat".  Eftir að börn flugu úr hreiðri og ég bý einn þá nenni ég ekki að eyða tíma í eldamennsku.  Þar að auk þykir mér gaman að borða "út um allt".  Þar spilar inn í áhugi á matseld.  Mér þykir gaman að bera saman kótelettur á BSÍ,  Matstofunni Höfðabakka,  Pítunni,  Kænunni,  Múlakaffi o.s.frv.  

  Einnig er gaman að bera saman blandaða rétti og hlaðborð allra asísku veitingastaðanna.  Og svo framvegis  Svo ekki sé talað um sjávarréttahlaðborð Sjávarbarsins eða skötu og siginn fisk á Sægreifanum.  Þannig mætti áfram telja.

[Jens Guð, 4.6.2015 kl. 21:07]

Stefán,  ef ég væri ramsóknarmaður þá væri ég í fríu fæði hjá MP banka.  Þá myndi ég líka skrópa á alla fundi ef djöflaterta er einhversstaðar í boði.