Tvífari Yoko Ono splundrar Bítla-eftirhermuhljómsveit

 

 

 

 

 

 

 

 

 

 

  Flestir jarðarbúar eiga tvífara.  Sumir eiga marga tvífara.  Þetta á ekki aðeins við um fólk.  Þetta er einnig þekkt í dýraríkinu,  jurtaríkinu,  steinaríkinu og Austurríki.  Víkur þá sögu að tvífara japönsku fjöllistakonunnar Yoko Ono.  Tvífarinn heitir Mirika og vinnur fyrir sér með því að herma eftir Yoko.  Hún kemur fram á skemmtunum,  spilar þekkt lög með Yoko og þykist syngja þau (mæmar).  

 Svo gerðist það að hljómsveit sem er skipuð tvíförum Bítlanna rakst á tvífara Yoko.  Hljómsveitin vinnur við það að spila og syngja Bítlalög.  Það gerðist eitthvað einkennilegt.  Tvífari Johns Lennons og tvífari Yoko urðu ástfangin um leið og þau hittust.  Svo skemmtilega vildi til að þau urðu ástfangin hvort af öðru.  

 Tvífari Yoko stakk upp á því að tvífari Lennons myndi stinga af frá eftirhermuhljómsveitinni.  Þess í stað færu þau að koma fram saman sem tvífarar Johns og Yoko.  Þetta þótti tvífara Lennons gott ráð.  Hann var hvort sem er orðinn hálf þreyttur á að spila og syngja þekktust Bítlalögin.  Það var kominn tími til að gera eitthvað nýtt og spennandi.  Hvað gat það verið annað en að syngja lög frá sólóferli Lennons?

  Tvífari Pauls McCartneys tók tíðindunum illa.  Hann deyr þó ekki ráðlaus heldur ætlar að stofna Wings-eftirhermuhljómsveit.

   

Hefur fundið tvo tvífara

Athugasemdir

[Wilhelm Emilsson, 13.6.2015 kl. 21:24]

Ha ha! Wings: "the band the Beatles could have been." Alan Partridge.

[Jens Guð, 14.6.2015 kl. 01:00]

Wilhelm,  skondinn punktur hjá Patrige