Menn bjarga sér

 

 

 

 

 

 

 

 

  Ég fékk mér að borða á matsölustað.  Skömmu eftir að ég settist niður og tók til matar míns stóð aldraður maður upp frá borði fjarri mínu.  Hann hafði hugsanlega lokið við sína máltíð vegna þess að stefnan var tekin á útidyrnar.  Ferðin sóttist seint.  Maðurinn átti erfitt með gang. Hann riðaði allur,  sveiflaðist fram og til baka og til hliða, fór fetið og studdi sig við öll borð og stóla er á vegi urðu.  Hvað eftir annað lá við að hann félli í gólfið.  En hann tók þetta á seiglunni.  

  Mér varð hugsað til þess að kallinn þyrfti endilega að fá sér göngugrind.  Hann gæti hvorki boðið sér né öðrum upp á svona óstöðugt og erfitt göngulag.  Hann var allt að því ógangfær.

  Skyndilega spratt á fætur miðaldra maður sem hafði setið á næsta borði við þann aldraða.  Hann greip tvo stafi og tók á sprett á eftir hinum.  Kallaði:  "Fyrirgefðu,  eru þetta ekki stafirnir þínir?"  

  Sá aldraði rak upp stór augu,  hristi hausinn eins og hneykslaður á sjálfum sér,  tók við stöfunum og sagði afsakandi:  "Gat nú skeð!"

  Kominn með stafina í hendur gekk sá gamli styrkum fótum og hnarreistur út í sólina.

Athugasemdir

[Helga Kristjánsdóttir, 14.6.2015 kl. 01:44]

.....Stóð aldraður maður upp á borði? 

[Jens Guð, 14.6.2015 kl. 02:52]

Helga,  takk fyrir ábendinguna.  Þetta var klaufavilla hjá mér sem ég lagaði núna í snarheitum.

[Ásthildur Cesil Þórðardóttir, 14.6.2015 kl. 19:27]

Já þegar við erum kominn á þennan aldur gleymum við ansi mörku

[Erla Magna Alexandersdóttir, 14.6.2015 kl. 19:48]

EG SE Æ FÆRRI ELDRIBORGARA OG ALLSEKKI  öryrkja á veitingastöðum lengur- það er sennilega þess vegna sem sá gamli gleymdi stöfunum- allir hata ftlaða á Islandi- Í Bandaríkjunum hafa þeir forgang- allstaðar !

[Jens Guð, 14.6.2015 kl. 20:01]

Ásthildur Cesil,  ég er einmitt farinn að taka eftir þessu með sjálfan mig.

[Jens Guð, 14.6.2015 kl. 20:01]

Erla Magna,  það er margt til í þessu hjá þér.

[Ásthildur Cesil Þórðardóttir, 14.6.2015 kl. 21:27]

 B12 er svarið hehehe

[Helga Kristjánsdóttir, 15.6.2015 kl. 00:55]

Elsku kallinn minn! Ég er alltaf að slá of létt á ,nóturnar, eða að gleyma því,mér ferst ekki. En vitandi að þú ert humoriskur með afbrigðum og léttur í lundu,þá hafði ég létt gaman að þessu. PS Færeyingar unnu (sko gleymdi) eitthvert stór lið í fótbolta,eru að draga á okkur,sem erum jú rígmontin eins og er.

[Jens Guð, 15.6.2015 kl. 01:12]

Ásthildur Cesil,  takk fyrir upplýsingarnar.  Þá er bara að vera duglegur við að borða fisk, mjólkurvörur og egg.  

[Jens Guð, 15.6.2015 kl. 01:16]

Helga,  mér þótti þessi innsláttarvilla mín bráðfyndin þegar þú bentir á hana.

Færeyingar unnu Grikki í tvígang núna á EM í fótbolta.  Um leið unnu þeir Azerbajdan á EM í kvennahandbolta