Drullusokkurinn Mike Tyson

  Á Fésbók hafa ýmsir brugðist til varnar óþverranum Mike Tyson.  Þar segja menn eitthvað á þessa leið:  Jú, jú.  Honum varð á að nauðga konu.  Það var ekki til fyrirmyndar né eftirbreytni.  En hann tók út sína refsingu í fangelsi.  Hann er þess vegna í dag saklaus eins og kornabarn.  Það má ekki nudda honum endalaust upp úr þessum bernskubrekum.  Allir eiga sína fortíð.  Allir eiga skilið annað tækifæri.

  Þeir sem hvítþvo Tyson með þessum rökum eru í fyrsta lagi að gera lítið úr ofbeldi á borð við nauðganir.  Nauðgun er ekkert sem gerandi "lendir í".  Nauðgari nauðgar vegna þess að hann nýtur þess að brjóta aðra manneskju undir sig.  Hann fær "kikkið" út úr því að niðurlægja og beita valdi.

  Þetta hefur einkennt feril Tysons í samskiptum við konur og karla.  Hann hefur margoft orðið uppvís af því að lemja og misþyrma konum.  Hann er ofbeldismaður;  sadisti og vondur maður.  Hann á ekkert skilið annað en fyrirlitningu og fordæmingu.  Hann hefur aldrei sýnt iðrun vegna nauðgunar, heimilisofbeldis eða annars ofbeldis.  Þvert á móti.  Hann er forhertur drullusokkur.  Íslenskir áhangendur hans og varnarmenn skilgreina sig umsvifalaust í flokk með þeim sem umbera og afsaka nauðganir,  heimilisofbeldi og annað ofbeldi gegn konum og körlum.  

  Viðbrögð óþokkans er hann var að tapa ati við Holyfield voru lýsandi fyrir drullusokkinn. Hann beit bita af eyra Holyfields.  Jú, jú.  Tyson var góður boxari.  En sem persóna er hann dusilmenni.  Þennan mann á ekki að upphefja sem nauðgara er hefur tekið út sína refsingu í fangelsi. Þennan mann á að fordæma sem nauðgara, forhertan konulemjara og vondan mann.  Í leiðinni á að fordæma þá sem bera í bætifláka fyrir ódáminn.  Þeir eru litlu betri.  

  Kvennaathvarfið,  Stígamót,  Aflið,  Sólstafir og önnur álíka samtök hafa ekki undan að taka á móti fórnarlömbum heimilisofbeldis og nauðgana.  Ofbeldismennirnir hafa um þessar mundir ekki undan við að afsaka og verja Mike Tyson.  Aðal "trixið" er að reyna að láta umræðuna snúast um það eitt að ofbeldismaðurinn hafi afplánað fangelsisdóm.  Fyrir bragðið eigi að ríkja þöggun um allt ofbeldi hans og hrottaskap.  En þar er af nógu að taka.  Nauðgunin og fangelsisvistin eru aðeins dropi í hafið í ferilsskrá þessa óþokka.  Nánast aukaatriði - í stóru myndinni - þó að ekki sé gert lítið úr þeim glæp.  

  

http://www.petitions24.com/vid_motmaelum_syningu_mike_tyson

 

    

.

Athugasemdir

[Elín Sigurðardóttir (IP-tala skráð) 4.7.2015 kl. 21:49]

Good people don't go to heaven. Forgiven people do.

[Jens Guð, 4.7.2015 kl. 22:05]

Elín,  eitt er að fyrirgefa. Annað er að samþykkja illmennsku.  

[Ingibjörg Ingadóttir (IP-tala skráð) 5.7.2015 kl. 00:10]

Takk Jens, fyrir að auglýsa undirskriftasöfnunina á Moggavefnum. Það var umfjöllun um þetta í Fréttabl. en því miður láðist blaðakonunni að gefa upp slóðina.

[Gunnar Waage (IP-tala skráð) 5.7.2015 kl. 00:28]

Ég veit reyndar ekki hvort verið er að upphefja hann, mér sýnist svo ekki vera. Það er aftur á móti verið að amast við því að hann komi hingað og haldi þetta uppistand. Ég held að fólk verði að setja sér bremsu, manni þarf ekki að líka við alla hluti og Tyson þykir mér mjög óáhugaverður karakter. En hvort hann hefur gengist við þessari nauðgun eða ekki, því getur engin stjórnað, hann hefur setið af sér dóminn, ég veit ekki hvað er hægt að fara fram á meira.

[Leibbi Leibbs (IP-tala skráð) 5.7.2015 kl. 04:13]

"Eitt er að fyrirgefa, annað er að samþykkja illmennsku"

Tökum upp dauðadóm, því dauðadómur er meiri miskun fyrir þá sem hafa brotið af sér.

Spörum!

Látum ummælakerfi fésbókar dæma fólk til dauða!

[Helgi Armannsson (IP-tala skráð) 5.7.2015 kl. 10:11]

ég hef vanið mig a að trúa ekki einu orði sem kemur úr fjölmiðlum þannig að ég ætla ekki að dæma Mike.i örfráum tilvikum hef ég þekkt vel til um það sem fréttin er um og það hefur aldrei komið rétt út hjá fjölmiðlum ,en ekki hef ég samt áhuga a að fara og sjá Mike Tyson

[Bjarni (IP-tala skráð) 5.7.2015 kl. 10:30]

Ég hef lesið ansi mikið af kommentum um þetta mál og engin þeirra er í neinu samræmi við það sem þú heldur fram.

Augljós niðurstaða er sú að þú ert lygari, eða bjáni.  

[Jens Guð, 5.7.2015 kl. 11:22]

Ingibjörg,  takk sömuleiðis.

[Jens Guð, 5.7.2015 kl. 11:26]

Gunnar,  málið snýst ekki um þessa einu nauðgun.  Það er villandi að einblína á hana.  Málið snýst ekki síður um það að hann lemur sambýliskonur sínar og samferðamenn.  Hann sér ekkert athugavert við það.  Fremur en að bíta vinnufélaga.

[Jens Guð, 5.7.2015 kl. 11:27]

Leibbi,  hvað sparar Kaninn við dauðadóma?

[Jens Guð, 5.7.2015 kl. 11:28]

Helgi,  menn eiga hvorki að trúa fjölmiðlum né öðrum.

[Jens Guð, 5.7.2015 kl. 11:32]

Bjarni,  ef þú réttir einhverjum gjöf og hann tekur ekki við henni þá átt þú gjöfina.  Það sama geri ég við þitt "komment":  Ég veiti því ekki viðtöku.  

[Axel Jóhann Hallgrímsson, 5.7.2015 kl. 12:04]

Það er hverjum og einum frjálst að hafa hverja þá skoðun á drullusokknum Mike Tyson sem hann kýs. Drullusokkurinn hefur tekið út sína refsingu. Ég fæ ekki séð að það sé í mínu, þínu eða einhvers valdi að afnema mál-, tjáninga- og ferðafrelsi hans eða annað það frelsi sem lög og stjórnarskrá veita honum, sem öðrum. En við getum nýtt okkar frelsi til að hundsa hann, en okkar réttindi enda þar sem hans byrja, hvaða skoðun sem við höfum á delanum.

[Jens Guð, 5.7.2015 kl. 17:16]

  Axel Jóhann,  nauðgunin er aðeins dropi í hafið af ofbeldisverkum Tysons.  Hann er svo siðblindur að í viðtali 2012 segist hann hafa lamið sjö vændiskonur í klessu 2009.  Ástæðan var sú ein að honum leið illa.  Þessa sögu segir hann til að láta vorkenna sér fyrir hvað hann hefur alltaf átt bágt.  Hann gefur ekkert út á líðan vændiskvennanna.  Hann vorkennir þeim ekkert.  Hann vorkennir aðeins sjálfum sér.  Hann hefur aldrei gert neitt úr því hversu mjög hann hefur beitt sambýliskonur sínar líkamlegu og andlegu ofbeldi.  Þegar tal berst að því vælir hann undan jafnan því að hafa átt erfiða æsku.  Hann hafi á 17. ári misst mömmu sína og eitthvað svoleiðis.

  Æskuvinur hans sem hefur alla tíð fylgt honum eins og skugginn segist mest undrandi á því að Tyson hafi aðeins verið kærður fyrir eina nauðgun.  Umgengni hans við kvenfólk hafi verið þannig.

  Tyson lemur ekki bara konur.  Hann lemur líka samstarfsmenn sína þegar allt gengur ekki honum í hag.  Mjög lýsandi fyrir delann var þegar hann beit stykki úr eyra Holyfields.  Hlutirnir gengu ekki að skapi Tysons.  Þá greip hann til þeirra ráða sem honum eru eðlislæg:  Ofbeldis.  

[Elín Sigurðardóttir (IP-tala skráð) 5.7.2015 kl. 23:06]

Útilokun er líka ofbeldi.

[Elín Sigurðardóttir (IP-tala skráð) 6.7.2015 kl. 08:09]

Ég var í miklum eineltisbekk sem krakki.  Ég lærði nú fljótt að halda öllum hákörlunum frá mér en það lánaðist ekki öllum því miður.  Ég minnist þess ekki að höfuðpaurinn hafi nokkru sinni lamið neinn.  Hún bara stjórnaði öllu dæminu.  Hún er kennari í dag.  Ætti ég að hafa samband við Barnaverndarnefnd?  Verður maður ekki að vona að viðkomandi hafi tekið út einhvern þroska?

[Jens Guð, 6.7.2015 kl. 19:40]

Elín,  við skulum vona að daman hafi þroskast.  Að minnsta kosti eitthvað smá.