Skjaldborg um kynferðisbrotamenn

  Þegar hópur kvenna stígur fram og sakar þekktan mann um kynferðislegt áreiti, nauðgun og þess háttar fer ætíð af stað sama ferli:  Fjöldinn allur stormar af stað og kemur manninum til varnar.  Allt er reynt til að draga úr trúverðugleika kvennanna.  Hamrað er á klisjunni:  "Allir eru saklausir uns sekt er sönnuð."  Jafnfram er dustað ryk af dæmi um falska nauðgunarkæru eða upploginn áburð um barnaníð (í öllum brotaflokkum eru til dæmi um falskar kærur.  Allt frá kærðum innbrotum til bilaþjófnaðar. Þau dæmi eru aldrei dregin fram í umfjöllun um önnur afbrot en kynferðisbrot).   

  Við þekkjum allt um þetta af máli Ólafs Skúlasonar biskopps.  Einnig af máli predikarans Gvendar "smjörsýru" Byrgismanns og pastors.  Bara svo tvö þekkt dæmi séu nefnd. Þrátt fyrir vitneskju um barnaníð biskoppsins og kynferðisofbeldi gagnvart fullorðnum konum sátu embættismenn biskupsstofu glaðir og reifir undir málverki af níðingnum.  Þar á bæ þótti við hæfi að hampa delanum og heiðra svo lengi sem kostur var.  Karl Sigurbjörnsson,  þá biskup,  sparaði aldrei lofsöng um kynferðisglæpamanninn - hvar sem hann kom því við.  Fremur en þeir sem lofsungu barnaníðinga kaþólsku kirkjunnar hérlendis og erlendis,  barnaníðinginn Karl Vigni aðventísta,  kynferðisofbeldi á stúlknaheimili Auðar Eir,  Bjargi, og allskonar.  

  Nú hefur verið opinberað að bandaríska sjónvarpsstjarnan Bill Cosby viðurkenndi fyrir dómi 2005 að hafa byrlað konu ólyfjan og nauðgað henni. Hópur fleiri kvenna hefur sakað hann um hið sama. Þrátt fyrir það eru ennþá til manneskjur sem halda áfram að verja Cosby með kjafti og klóm.  Þeirra á meðal er leikkonan Whoopi Goldberg. Sumir aðrir í harðlínu stuðningsmannahópi Cosbys hafa dregið í land - eða látið af háværum opinberum stuðningi - eftir að játning hans var opinberuð.  

www.stigamot.is

www.aflidak.is

www.solstafir.is

www.blattafram.is

 

    

   

Felur ekki lengur sannleikann

Athugasemdir

[Ásgrímur Hartmannsson, 7.7.2015 kl. 20:45]

Réttarríkið er mikilvægara en einhver kynferðisafbrotamaður.  Það tók langan tíma að koma því inn að allir væru saklausir þar til sekt væri sönnuð.

Það var normið að menn væru sekir þar til annað kom í ljós.  Og mér virðist vera mikill þrýstingur á að koma því á aftur.

En þá ertu heldur ekki með réttarríki.

[Jens Guð, 7.7.2015 kl. 21:16]

  Ásgrímur,  fyrir dómsstólum gildir reglan að allir séu saklausir uns sekt er sönnuð.  Í raunveruleikanum er brotamaðurinn sekur um leið og hann fremur glæpinn.

[Marta Gunnarsdóttir, 7.7.2015 kl. 22:38]

Sakamaður er líka sekur ÞÓ hann hafi setið af sér, það virðist vera algeng skoðun að ekki megi nefna upphátt að viðkomandi hafi framið kynferðis-glæp EF hann hefur setið í fangelsi, eins og það geri hann eins saklausan og ungabarn.

[Jens Guð, 7.7.2015 kl. 22:44]

  Marta,  þetta er góður punktur hjá þér.

[Arnar H. (IP-tala skráð) 8.7.2015 kl. 09:31]

Jens,
Í tilefni myndar þinnar þarna, þá er það nú orðið flestum ljóst að ásakanir Guðrúnu Ebbu eru falskar minningar. Flest allt sem hún sagði og segir stangast á. Fór rangt með fjölmarga hluti. Síðast en ekki síst bar hún öll merki einstaklings sem ber á borð falskar ásakanir í formi falskra minninga. Jú, og átti föður sem var mikill flagari, en langur vegur þarna á milli.

Bill Cosby virðist vera einstakt dæmi um mann sem er nauðgari, en jafnvel hann á rétt á réttlátri meðferð.

Ekki missa þig í brjálæðinu, vegna þess að þú virðist einstaka sinnum nota skynsemi.

[Már Elíson, 8.7.2015 kl. 13:22]

Arnar....Hvað hefur þú á samviskunni ? - Og hvað er það í þínum takmarkaða haus sem kemur þér til að verja kynferðisglæpamenn...og það viðurkennda glæpamenn ?

Guðrún Ebba..(eins og að nafn hennar skipti engu máli) ÁTTI sannarlega föður sem kynferðisglæpamann, ekki flagara, heldur stórtækt níðmenni gagnvart minni máttar stúlkum sem fullvaxta konum.

Svo segirðu að Bill Cosby sé EINSTAKT dæmi...Ertu fáviti eða hvað ?

Hugsaðu áður en þú gerir þig að manni í sömu sporum. - Hver ertu eiginlega ?

Gerðu grein fyrir þér á þessu stigi. Það yrði hugsanlega fróðlegt.

Bættu svo ekki við fjóshauginn í hausnum á þér með að vera að níða Jens niður. Hann er umtalsvert betri pappír en þú, eins og þú reyndar gefur í skyn sjálfur með þessum jákvæða tóni þínum og stuðningi við kynferðisglæpamenn.

[Gunnar Waage (IP-tala skráð) 8.7.2015 kl. 16:01]

Sæll Jens minn, þetta eru nú nokkur ólík og óskyld mál. Cosby játaði sekt sína á sinum tíma. Ég held ekki að hægt sé að ætlast til að fólk samþykki sekt hans áður en þau gögn komu fram í dagsljósið.

Hvað varðar biskupinn, þá tel ég það mjög óheppilegt að svo harkalega hafi verið vaðið í það mál að manninum látnum. Ég hef enga ástæðu til að trúa ekki dóttur hans, en þetta er fyrir mér skuggi á afgreiðslu málsins.

Guðmundur í Byrginu átti sér nú ekki marga stuðningsmenn í almennri umræðu um málið, ef frá er talið Útvarp Saga og fyrrverandi Sýslumaður á Selfossi sem nú starfar á Suðurnesjum.

En kvensjúkdómalæknirinn sem þú talar um. Það mál er frábrugðið öllum hinum. Það sem ég hef séð af því máli þá bendir ekkert til annars í mínum huga, en að hér sé hreinn áburður á ferðinni.

[Borgþór Jónsson, 8.7.2015 kl. 18:08]

Jens,þessa dagan er verið að tína hvern manninn á fætur öðrum út úr fangelsum í Bandaríkjunum.

Þeir hafa flestir sitið inni ,saklausir, á bilinu 5-10 ár.

Þeir sitja þaran inni af því að mýta femínista um að konur ljúgi ekki ,var tekin gild í bandaríska dómskerfinu og nú er sama krafa uppi á Íslandi.

Gallinn er að konur ljúga einmitt til um svona hluti í töluverðum mæli ,enda er þetta hentugt vopn til að ná sér niður á einhverjum og einnig til að frýja sig ábyrgð eða losa sig úr einhverjum vandræðum.

Þetta geta verið mjög lítilfengleg atriði.

Nýlega las ég frétt um mann sem var verið að láta lausann eftir 4 ár í fangelsi af því einhver kona sem hann var ekki kunnugur hafði bent á hann sem nauðgara.

Þrátt fyrir að læknisrannsókn sem var framkvæmd strax gæfi ekki til kynna að henni hefði verið nauðgað ,var maðurinn dæmdur í 13 ára fangelsi vegna þess hvað hún grét beisklega í réttarsalnum og hafði að auki einhverskonar áfallastreyturöskun að mati sérfræðinga.

Engar sannanir voru fyrir hendi ,enda hafði maðurinn ekkert gert af sér.

Fjórum árum seinna gaf hún sig fram og játaði að henni hefði ekki verið nauðgað, en hún hefði viljað vekja meðaumkun vinkonu sinnar af því þeim hafði sinnast og hún óttaðist að missa vinfengið við hana.

Það merkilega var að dómskerfið þráaðist við að sleppa manninum þrátt fyrir að konan hafi játað,það þurfti að ganga hart fram til að það væri gert.

Ekki fylgdi fréttinnii hverja afleiðingarna urðu fyrir hana ,sennilega hefur henni verið sagt að hún mætti ekki gera þettað aftur. 

Áratuga gengdarlaus áróður Femínista gegn karlmönnum hefur skilað þeim árangri að það þykir ekkert tiltökumál að svifta karlmenn mannréttindum og fangelsa þá fyrir engar sakir,bara til vonar og vara ef þeir skyldu vera sekir.

Fólk er einfaldlega saklaust þar til annað kemur í ljós og það á einnig við um karlmenn.

Blessunarlega eru lang flestar konur þannig að það er auðvelt að bera virðinu fyrir og dást að þeim,en það er fullkomlega galið að dást að konum sem hóp.

Ótiltekinn hópur kvenna er einfaldlega alger skítseyði ,lygnar ,latar og ómerkilegar á allan hátt.

Þarna skilur ekkert á milli kynja.

[Arnar H. (IP-tala skráð) 8.7.2015 kl. 20:37]

Már,
 Málstaður þinn verður ekkert betri ef þú hegðar þér eins og snarbilaður geðsjúklingur...

Mál Cosby er einstakt og í raun ekki fordæmi fyrir því. Fattarðu það?

Mál Guðrúnar Ebbu er mjög líklega byggð á fölskum minningum, og fölskum ásökunum. Ekkert sem bendir til annars.

Vonandi nærðu nú að moka skítinn ofan af þér.

[Jens Guð, 8.7.2015 kl. 20:57]

Arnar,  það er rangt hjá þér að flestir telji ásakanir GEÓ vera falskar minningar.  Þvert á móti.  Bók Elínar Hirst um sögu GRÓ var unnin af vandvirkni,  yfirvegun og undir handjaðri sálfræðings sem hafði GEÓ sem skjólstæðing.  Aðeins einn sálfræðingur gagnrýnt frásögnina.  Sá hefur hvergi komið að málinu en byggir sinn málflutning á getgátum.

  GEÓ ber öll þekktustu einkenni fórnarlambs barnaníðs.  Þar á meðal bældar minningar um níðið.  Þar fyrir utan nauðgaði faðir hennar henni síðast er hún var 43ja ára.  Þar var ekki um bældar minningar að ræða.  Sú nauðgun ásamt vitnisburði fjölda kvenna og vitna að kynferðisofbeldi kallsins gera meira en taka af vafa um að biskoppurinn var nauðgari. Sem er allt annað en flagari.

  Fyrir hálfum fimmta áratug var algild regla í Réttarholtsskóla að stúlka mátt aldrei vera ein með Ólafi (hann kenndi þar kristinfræði).  Þetta var altalað í skólanum.  Það var á allra vitorði að hann væri nauðgari.    

[Arnar H. (IP-tala skráð) 9.7.2015 kl. 10:17]

Jens,
 Þú talar um getgátur eins sálfræðings. Auðvitað eru menn ekkert að koma fram í hópum og ásaka manneskjuna. Þú getur rétt ímyndað þér hvernig það færi með raunverulega fórnarlömb í svona málum. 
Allt sem þú segir er byggt á rógburði, fyrir utan eina manneskju, sem allt í einu man atburði sem "gerðust" fyrir 30-40 árum.
Það er raunar merkilegt að það hafi ekki komið fram fleiri aðilar og tekið undir "sögur" Guðrúnar miðað við umfang þeirra og hvað þetta var víðtækt hjá karlinum. Ef við bætum síðan við brjálæðinu í umræðunni, þá er það með ólíkindum í raun.

Guðrún ber alls ekki öll þekkt einkenni barnaníðs. Fyrir utan það að einkennin ein og sér segja ekkert, getur orsakast af mörgum hlutum. Oft góð eftira skýring á sálarflækjum.
Mjög vel þekkt undir ákveðnum kringumstæðum að fólk búi til falskar minningar(þá um hvað sem er), og eftir atvikum kynferðislega misnotkun.
Ég er ekki að segja að þessar "minningar" séu bull alltaf, en það verður að fara mjög varlega með þetta.

Þessi bók Elínar Hirst var langt í frá vel unnin. 99% af bókinni fjallaði um Guðrúnu, en ekki þessa meintu atburði. Elín hefur síðar viðurkennt að hafa verið mjög illa stödd andlega á þessu tímabili. Atlagan sem var síðar gerð að Karli biskupi(af ákv. fjölmiðlamönnum) var síðan mjög ógeðfelld.

Við græðum ekkert á umræðu sem er byggð á lygum, rógburði, getgátum, og paranoiu.
Síðan flettist þetta inn í ákv. pólitískt landslag, og fjölmiðla-orgíu.
Virkilega stórt drullusvað þarna á ferðinni, sem hjálpar engum, nema kannski ákv. "pólitískum" öflum, sem er uppfull af fordómum, ofstæki, og yfirgangi.

[Jón (IP-tala skráð) 9.7.2015 kl. 11:45]

Fyrir 10 dögum voru 67 ára gömlum manni í Svíþjóð dæmdar hæstu bætur til þessa eftir að hafa setið inni í 9 ár vegna upploginna ásakana dóttur hans. Lögreglan og öryggislögreglan gátu upplýst að dóttir laug.

http://www.svt.se/nyheter/inrikes/friad-far-jatteskadestand-12-6-miljoner-kr

(Ítarlegar í sænsku blöðunum.)

Norrænir dómstólar hafa endurupptekið tugi svona bældar-minningar-mála síðustu 10 árin eða svo og sýknað hina dæmdu. Flestir ef ekki allir voru dæmdir á 10da áratugnum þegar svona sálfræðirugl var móðins. Að venju barst ruglið til Íslands um 20 árum síðar. 

[Jens Guð, 9.7.2015 kl. 20:36]

Már,  takk fyrir þitt innlegg í umræðuna.

[Jens Guð, 9.7.2015 kl. 20:40]

Gunnar,  hvaða kvensjúkdómalækni ertu að tala um?  

[Arnar H. (IP-tala skráð) 9.7.2015 kl. 21:17]

Jens,

  Þú getur ekki bara slökkt á skítadreifaranum sí svona....eða hvað?

[Jens Guð, 11.7.2015 kl. 19:21]

Borgþór, í öllum brotaflokkum má finna dæmi um rangan vitnisburð,  sem og að saklausir hafi verið dæmdir sekir.  Þetta á við um innbrot,  bílaþjófnaði,  tryggingatjón,  kynferðisbrot,  morð og hvað sem er.  

  Af því að þú nefnir Bandaríkin þá hefur - eftir tilkomu DNA þekkingar - fjölda manna verið hleypt út úr fangelsi í kjölfar þess að í ljós hefur komið að þeir eru saklausir.  Sumum hefur á þessum forsendum verið á síðustu stundu forðað frá aftöku.  Það vekur athygli að þrátt fyrir að sakleysi þeirra hafi verið sannað þá líða iðulega margir mánuðir áður en þeim er hleypt út í frelsið.  

  Íslenskt réttarfar hefur ekki úr háum söðli að detta á þessu sviði.  Nægir að nefna Guðmundar- og Geirfinnsmálið.  

  Hin hliðin á öllum brotaflokkunum er að rangar sakagiftir og dómar yfir saklausum er aðeins örlítið brot af heildarfjölda mála.  Og fer ört fækkandi með framþróun í tækninýjungum á öllum sviðum.  

  Hvað kynferðisbrot varðar þá er hérlendis gerð ströng krafa um sannanir.  Mjög lágt hlutfall nauðgana eru kærðar.  Örfáar af kærðum nauðgunum leiða til málshöfðunar.  Af þeim sem fara fyrir dóm enda fáar með sakfellingu.     

[Jens Guð, 11.7.2015 kl. 19:47]

Arnar (#11),  þú undrast að ekki hafi fleiri komið fram til að styðja ásakanir GEÓ um ofbeldið sem hún var beitt af föður sínum.  Það er eins og þú haldir að kallinn hafi níðst á henni úti á götu fyrir allra augum.  Þannig bera barnaníðingar og nauðgarar sig ekki að.  

  Fyrir utan þær konur til viðbótar GEÓ sem saka Ólaf um kynferðisbrot þá er aðeins um eitt vitni að ræða.  Það er organisti í Bústaðakirkju sem kom að Ólafi með buxur á hælum ofan á grátandi konu.  Ólafur skammaði organistann síðan eins og hund fyrir að hafa ruðst inn á sig þarna í kompuherbergi í Bústaðakirkju.

  Falskar minningar eru til en mjög sjaldgæfar.  Bældar minningar um þungbæra reynslu barns eru algengara fyrirbæri.  Síðarnefnda tilfelli rímar við það að Ólafur nauðgaði dóttir sinni eftir að hún varð fullorðin.  Síðast þegar hún var 43ja ára.  Þegar við frásögn GEÓ bætist vitnisburður fjölda kvenna af kynferðisáreiti Ólafs þá styður þetta allt hvert annað.  

  Ég þekki konur sem voru í Réttarholtsskóla fyrir hálfum fimmta áratug,  13 og 14 ára.  Þar kenndi Ólafur Skúlason.  Það fyrsta sem stelpurnar lærðu af eldri nemendum var að þær mættu aldrei vera einar með Ólafi.  Á þessu heilræði hamraði hver eldri nemandinn á fætur öðrum.  Þetta var ekki útskýrt frekar.  Það lá í augum uppi    

[Jens Guð, 11.7.2015 kl. 19:56]

Varðandi ásakanir um pólitískar árásir þá var GEÓ borgarfulltrúi Sjálfstæðisflokksins.  Virt og farsæl sem slík. Og Ólafur var í vinfengi við forystumenn hans.  Ég kem ekki auga á pólitískar ofsóknir í þessu dæmi.  GEÓ var líka formaður Kennarasambandsins.  Einnig farsæl og virt í því hlutverki.   

[Jens Guð, 11.7.2015 kl. 19:57]

Jón,  ég vísa í komment #16.

[Jens Guð, 11.7.2015 kl. 22:25]

Arnar (#15),  þú gerir þér væntanlega grein fyrir því að skítadreifarinn sem þú ert að ausa úr er að hrauna yfir fórnarlamb nauðgana föður á dóttur.  Og líkast til fórnarlamb barnaníðs. EN kemur ekki á óvart.  Kynferðisbrotamenn eiga alltaf málsvara.  Og standa saman - þó að ég ætli þér ekki slíka afbrigðilega illmennsku.   

[Jens Guð, 11.7.2015 kl. 22:38]

Ekki fremur en það fólk sem slegið hefur skjaldborg um meintar nauðganir Bills Cosbys og Mikes Tysons.  Það fólk stendur í gíoðri trú um að ofbeldismennirnir séu fórnarlömb vondra kvenna eða illvilja sem fyrir misskilnings telja sig hafa verið beittar ofbeldi.