Svívirðileg framkoma

4.8.2015 | 22:01

Hjálparsveitir, björgunarsveitir og eiginlega allar sveitir - líka lúðrasveitir - vinna gott starf hérlendis (og víðar). En ekki alltaf óaðfinnanlegt starf, þrátt fyrir eflaust góðan hug. Mörgum er illilega brugðið við fréttaflutning af frönskum ferðamanni sem björgunarsveitir Landsbjargar fundu á Hornströndum. Að honum var veist og tilraun gerð til að troða upp í hann ógeðstuggu af útlendu ullabjakki sem kallast Snickers.

Vitaskuld varðist nýfundni Frakkinn fimlega. Það hefði næstum því verið meiri mannsbragur af því að bjóðast til að æla upp í hann máltíðum síðustu tveggja daga.

Það er forkastanlegt að íslensk björgunarsveit þrammi um óbyggðir og ógni rammvilltum útlendum strandaglópum með útlendum viðbjóði. Hvað segir Guðni Ágústsson við þessu? Hvar er harðfiskurinn með rammíslensku smjöri (nýhækkað í verði um tæp 12%)? Hvar er metnaðurinn? Hvar er Nóa konfektið með fallegum myndum af íslenskri náttúru? Besta konfekt í heimi?

	Afþakkaði Snickers
Ábyrgðarmaður færslu Tilkynna um óviðeigandi tengingu við frétt

Meginflokkur: Matur og drykkur | Aukaflokkar: Ferðalög, Lífstíll, Spaugilegt | Breytt s.d. kl. 22:09 | Facebook

Athugasemdir

Ha HA Ha Ha! þessi var góður. En ég er sammála þér með Snickers. Fátt ógeðslegar nema ef vera skildi Mars. Hvar eru svo þjóðlegheitin? Hefði verið nær að bjóða honum sviðasultu!

ólafur (IP-tala skráð) 4.8.2015 kl. 23:00

Í frásögn af björgunarleiðangri sem Hákon Aðalsteinsson var í ásamt öðrum segir frá því þegar fólkinu var bjargað, það vildi ekki matinn þeirra sem var hangikjetsneiðar með sméri á milli. Það fann sitt kók og prins póló og borðaði það. Þótti björgunarmönnum sá skrínukostur undarlegur og ekki til þess að geta verið á fjöllum enda þurfti einmitt að bjarga fólkinu þaðan.

Ólafur Sigurdsson (IP-tala skráð) 4.8.2015 kl. 23:01

Ha ha. Góður! Hvar er metnaðurinn? Og talandi um það, hvar er kjarkurinn! :)

https://www.youtube.com/watch?v=n-9rYss2htc

Wilhelm Emilsson, 4.8.2015 kl. 23:42

Viðkomandi gæti líka hafa verið með hnetuofnæmi og nóg er af hnetum í Snickers. Sjálfur veit ég hvað ofnæmi getur verið leiðinlegt við að eiga þar sem ég er með krónískt ofnæmi fyrir Framsóknarflokknum.

Stefán (IP-tala skráð) 5.8.2015 kl. 11:42

Sviðakjammi er málið!!!

Sigurður I B Guðmundsson, 5.8.2015 kl. 13:38

Ólafur, þegar þú nefnir sviðasultu handa týndum Frakka þá erum við að tala saman.

Jens Guð, 5.8.2015 kl. 20:55

Ólafur, takk fyrir góða sögu.

Jens Guð, 5.8.2015 kl. 20:56

Wilhelm, þetta er snilld! Gaman að sjá kappann - sem seldi mér pylsur með öllu á árum áður í Ábæ á Sauðárkróki - í rappgír. Með Geirmund Valtýs á kantinum í næsta húsi (Skagfirðingabúð).

Jens Guð, 5.8.2015 kl. 21:02

Stefán, ofnæmi fyrir Framsóknarflokknum er jafnan skilgreint sem bráðatilfelli.

Jens Guð, 5.8.2015 kl. 21:03

Sigurður I B, algjörlega!