5 ára trommusnillingur

  Hún var varla byrjuð að skríða,  brasilíska stelpan Eduarda Henklein,  þegar hún trommaði á allt sem hægt var að tromma á.  Foreldrarnir keyptu handa henni leikfangatrommusett þegar hún byrjaði að ganga.  það var eins og við manninn mælt;  hún trommaði daginn út og inn.  

  Fjögurra ára er hún komin með stórt alvöru trommusett og trommar af krafti.  Hún nennir ekki að hlusta á létt popp.  Hún vill bara hart og krefjandi rokk. Hér afgreiðir hún System of a Down.  Og ekki gleymir hún bassatrommunni með hægri fætinum.  Bleika barnarúmið hennar í bakgrunni stingur í stúf við harða rokkið:

  Skemmtilegast er þegar hún,  fimm ára,  trommar Led Zeppelin.  Því miður eru þau dæmi án hljóðs á þútúpunni vegna höfundarréttar.  Ég hef séð þau með hljóði en tekst ekki að deila þeim hér inn.  Trommumyndbönd án hljóðs eru ekki skemmtileg.  En það er líka gaman að sjá og heyra hana tromma Deep Purple.  

Athugasemdir

[Stefán (IP-tala skráð) 29.9.2015 kl. 10:28]

Ég held bara að þessi fimm ára hnáta geti verið betri trommari en Lars Ulrich, en þar sem Lars er líklega höfðinu stærri þá rétt nær hann niður á petala.

[Jens Guð, 29.9.2015 kl. 21:23]

  Stefán,  stelpunni þarf ekkert að fara fram til að vera frábær trommari.  Verra er að Lars Ulrich fer aftur í trommuleik.  Dáldið hratt.  

  Lars má eiga risastóran plús fyrir frábæra framkomu við færeyskan dreng,  vin minn,  sem varð ungur krabbameini að bráð.  

  http://jensgud.blog.is/blog/jensgud/entry/1178492/