Dómarar hlynntir spillingu

  Maður er nefndur Hreiðar Már Sigurðsson.  Hann er frægur í fjármálaheimi nágrannalanda okkar og víðar.  Hann var forstjóri umsvifamikils glæpafyrirtækis,  Kaupþings,  á árum áður.

  Hann var fyrstur snúinn niður í gólf og handjárnaður vegna glæpa Kaupþings. Fleiri fylgdu í kjölfarið.  Ekki sér fyrir enda á þessum ferli.

  Eitt sakamálið sem á eftir að dæma í er kennt við Marple.  Hreiðar Már hefur krafist þess að einn af dómurum víki sæki.  Rökin fyrir því eru þau að sá sé yfirlýstur andstæðingur spillingar.  Þar með sé hann óhæfur til að dæma hlutlaus í grófu spillingarglæpamáli. 

  Héraðsdómur hafnaði kröfu Hreiðars Más.  Eftir stendur:  Krafa hans um að einn tiltekinn dómari víki sæti vegna andúðar á spillingu setur aðra dómara í sérkennilega stöðu.  Hreiðar Már gerir ekki athugasemd við setu þeirra.  Ástæðan hlýtur að vera sú að þeir séu ekki andvígir spillingu.  Hvernig veit Hreiðar Már það?  

   

   

Athugasemdir

[Margrét (IP-tala skráð) 7.10.2015 kl. 23:45]

Góður Jens hahaha

[Stefán (IP-tala skráð) 8.10.2015 kl. 08:11]

Hvað var mamma hans Hreiðars Más ( núverandi hótelrekandi á Stykkishólmi ) dæmd fyrir stóran þjófnað á sínum tíma, voru það ekki u.þ.b. 10 millur á sínum tíma. Sannarlega úldin epli sem falla af þeirri eik.  

[Jens Guð, 8.10.2015 kl. 19:00]

Margrét,  takk fyrir það.

[Jens Guð, 8.10.2015 kl. 19:02]

Stefán,  þau eru í keppni á þessu sviði,  mæðginin.