Veitingaumsögn - Of gott til að vera satt!

   - Réttur:  Sjávarréttahlaðborðið Ömmufiskur

  - Veitingastaður:  Sjávarbarinn,  Grandagarði 9

  - Verð:  1990 kr.  

  - Einkunn:  ***** (af 5)

  Til margra ára hefur Sjávarbarinn boðið daglega upp á fjölbreytt og glæsilegt sjávarréttahlaðborð.  Ekkert veitingahús er samkeppnisfært við Sjávarbarinn á því sviði.  Hvorki í verði né veglegu úrvali sjávarrétta.  

  Nú hefur Sjávarbarinn trompað sjálfan sig svo um munar.  Á fimmtudögum - frá og með gærdegi - er boðið upp á hlaðborð sem kallast Ömmufiskur.  Þetta er of gott til að vera satt:  Kæst skata,  siginn fiskur,  nætursaltaðar gellur, saltfiskur,  hnoðmör,  hamsar,  rófustappa, plokkfiskur,  fiskibollur og fleira.

  Kalda forréttaborðið er alltaf jafn glæsilegt:  Síldarréttir,  grafin (að ég held) langa (frekar en ufsi),  hrásalat,  ferskt salat og allskonar.  

  Lykillinn að ótrúlega lágu verði fyrir hlaðborðið,  1990 kr.,  er að allir réttir og meðlæti er unnið frá og matreitt frá grunni á staðnum.  Líka rúgbrauðið. Í eftirrétt er hrísgrjónagrautur með rúsínum,  rjóma og kanil.  

  Ég hlakka til næsta fimmtudags.

 

  

  

 

 

 

 

 

 

 

 

Athugasemdir

[Stefán (IP-tala skráð) 9.10.2015 kl. 09:25]

Magnús er meistarakokkur og höfðingi heim að sækja.

[Jóhann Kristinsson, 9.10.2015 kl. 15:43]

Þakka fyrir ábendinguna, fer þangað næst þegar ég fer til Íslands, enda stutt að fara, bý á nesinu þegar ég er á Íslandi.

Kveðja frá Houston

[Sigurður K Hjaltested (IP-tala skráð) 9.10.2015 kl. 23:30]

Hef aldrei komið þangað. En ég fæ vatn í munninn að sjá þessi herlegheit.

Næst heima, ekki spurning hvert ég fer.

M.b.kv.

[Jens Guð, 10.10.2015 kl. 13:29]

Stefán,  þetta er alvöru veisla.

[Jens Guð, 10.10.2015 kl. 13:30]

Jóhann,  Grandagarður er vel staðsettur nánast í útjaðri nessins.

[Jens Guð, 10.10.2015 kl. 13:31]

Sigurður K.,  þú sérð ekki eftir því.