5.11.2015 | 18:16

Hvaða þjóðir hafa það best?

  Hvaða þjóðir búa við besta heilsu?  Eða njóta mest fjárhagslegs öryggis?  Eða eru hamingjusamastar?  Eða þurfa síst að óttast glæpi?  Breska tímaritið Business Insider hefur svarið.  Það ber fyrir sig rannsókn og niðurstöðu The Legatum Institute.  

  Niðurstaðan kemur ekki á óvart.  Sú þjóð sem toppar listann er Norðmenn.  Ekki í fyrsta skipti.  Niðurstaðan er samhljóða hliðstæðum rannsóknum margra annarra stofnana og fjölmiðla síðustu ár. Svo eru þeir sprækir í rokkinu.  

  Toppsæti Norðmanna er svo sjálfgefið að það er ekki fréttnæmt.  Eiginlega ekki heldur annað sætið.  Það fellur í skaut Svisslendinga.  Þjóðarinnar sem beitir þjóðaratkvæðagreiðslum oftar en allir aðrir. Með þessum árangri.  Það er ekki tilviljun að svissneskir karlar lifa lengst allra í heiminum.

  Í 3ja sæti eru Danir.  Þar munar nokkru um að þeir eru almennt betur menntaðir en aðrar þjóðir.  Svo eru þeir "ligeglad" og hafa það assgoti gott.  

  Í 4ða sæti eru Nýsjálendingar.  Toppa allar þjóðir utan Evrópu.  Þar býr tónlistarkonan flotta Hera.

  Í 5. sæti eru Svíar.  Þeir gefa Norðmönnum lítið sem ekkert eftir í rokkinu. Það telur.

  Í sjötta sæti eru Kanadabúar.  "Land of the free".  

  Í sjöunda sæti eru Ástralir.  Þökk sé háu menntunarstigi.

  Í áttunda sæti eru Hollendingar.  Þeir búa við gott heilbrigðiskerfi,  persónufrelsi og góða menntun.

  Í níunda sæti eru Finnar.  Þeir hafa náð sér bærilega á strik eftir vonda kreppu fyrir nokkrum árum.

  Í 10. sæti eru Írar.  Þeir hafa þó glímt við efnahagslegar þrengingar.  En eru að standa sig.

  Það er ekki ástæða til að fara yfir öll sæti sem spanna hátt í tvöhundruð.  Látum nægja að tiltaka Íslendinga í 12. sæti.  Við búum við persónufrelsi og friðsæld.    

  


Meginflokkur: Lífstíll | Aukaflokkar: Heilbrigðismál, Stjórnmál og samfélag, Viðskipti og fjármál | Breytt 6.11.2015 kl. 14:22 |

« Síðasta færsla | Næsta færsla »

Athugasemdir

1 identicon

Þarna spilar líka inn í lýðræðislegt stjórnarfar Evrópu og t.d. múslimar sækja í frelsi Evrópu úr sínu helvíti í milljóna vís.  

Stefán (IP-tala skráð) 6.11.2015 kl. 08:18

2 Smámynd: Sigurður I B Guðmundsson

Var að koma frá Róm og sýndist bara þeir í Vatikaninu hafa það nokkuð gott!!

Sigurður I B Guðmundsson, 6.11.2015 kl. 12:56

3 Smámynd: Jens Guð

Stefán,  lýðræði leikur stærsta þátt í velferð og velgengni vestrænna þjóða.  

Jens Guð, 7.11.2015 kl. 19:33

4 Smámynd: Jens Guð

Sigurður I B,  þetta eru einhverjar bestu fréttir í langan tíma!

Jens Guð, 7.11.2015 kl. 19:33

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband