Gríðarlega spennandi tækifæri

 

  Í Hafnarfirði ríkir mikil gleði og tilhlökkun vegna yfirvofandi endanlegrar lokunar Álversins í Straumsvík.  Þarna opnast ótal möguleikar fyrir spennandi verkefni.  Kiddi kanína - oft kenndur við Hljómalind - og félagar hans í Menningar- og listafjelagi Hafnarfjarðar eru komnir á flug.  

  Meðal hugmynda sem fleygt hefur verið fram er að breyta svæðinu í Ylverið í Straumsvík,  The Green Lagoon.  Þar yrði í Edengörðum ræktað grænmeti af öllu tagi.  Einnig fræ,  ávextir,  baunir,  hnetur og svo framvegis.  Þar á milli verður glæsihótel með heitum inni- og útisundlaugum, til viðbótar heimsins bestu aðstöðu til sjósunds. Nóg af ódýru niðurgreiddu rafmagni.

  Í Straumsvík er góð hafnaraðstaða.  Þarna verður heitasti áfangastaður skemmtiferðaskipa hvaðanæva úr heiminum.  Staðsetningin er frábær þarna í útjaðri höfuðborgarinnar;  Bláa lónið og flugstöðina í Sandgerði nánast í göngufæri.  Áhugaverð og sérstæð náttúra í hlaðvarpanum.  Álfar í hverjum hól og vel klætt huldufólk sem leikur við hvurn sinn fingur. 

„Ákaflega sérstakt“ ef álverið lokar

Athugasemdir

[Stefán (IP-tala skráð) 25.11.2015 kl. 11:46]

Ætli Kiddi kanína og félagar bjóði Rannveigu Rist vinnu við tiltektir, fag sem hún virðist vera sérfræðingur í, eða ekki ?

[Sæmundur Bjarnason, 25.11.2015 kl. 11:56]

Ál-far var það ekki, þó mér sýndist það fyrst. Álfar voru það heillin.

[Ásthildur Cesil Þórðardóttir, 25.11.2015 kl. 13:52]

Sammála þarna er um marga skemmtilega kosti að ræða.  Sæmundur þetta verður sannarlega Ál-far sem verður eytt :)

[Halldór Jónsson, 25.11.2015 kl. 21:07]

Bráðskemmtilegt hjá listamanninum

[Jens Guð, 26.11.2015 kl. 08:09]

Stefán,  ég þekki ekki til tiltektarhæfileika Rannveigar.  

[Jens Guð, 26.11.2015 kl. 08:10]

Sæmundur,  þetta er skemmtilegur orðaleikur í þessu samhengi.

[Jens Guð, 26.11.2015 kl. 08:10]

Ásthildur Cesil,  svo sannarlega.

[Jens Guð, 26.11.2015 kl. 08:13]

Halldór,  ég tek undir það.

[DoctorE (IP-tala skráð) 27.11.2015 kl. 10:36]

Breyta þessu í maríjuana-verksmiðju.. til útflutnings á meðan það er bannað að nota hér heima :)

[Jens Guð, 27.11.2015 kl. 18:16]

DoctorE,  frábær tillaga.  Verkefnið gæti meira að segja fengið nýsköpunarstyrk,  sbr. gróðurhúsið í Svarfaðardal.