Baráttan um líf og dauða

  Við kynmök karls og konu keppa sprelllifandi sæðisfrumur karlsins um að frjóvga egg konunnar.  Sumar hafa verið staðnar að því að beita óheiðarlegum aðferðum til að bregða fæti fyrir keppinautana.  

  Hvernig sem að því er staðið þá nær aðeins ein sæðisfruma í mark.  Hinar deyja drottnum sínum sorgmæddar á næstu dögum.  Full ástæða er til að samhryggjast þeim.  Eðlileg viðbrögð eru að kveðja þær á sama hátt og þegar aðrir ættingjar falla frá.

  Fruman sem nær að skora elur af sér fóstur.  Á næstu 9 mánuðum tekur það á sig mannsmynd og lítur loks dagsins ljós.

  Því miður eru ekki öll börn velkomin í heiminn.  Margar mæður láta eyða fóstri.  Afstaða til þess er á ýmsa vegu.  Sumum - einkum körlum fremur en konum - þykir það lítið meira mál en örlög sæðisfrumu sem nær aldrei í höfn.  Öðrum þykir það ekkert meira mál en þegar konur missa fóstur af náttúrulegum ástæðum.  Það er algengt.  

  Svo eru það þeir sem skilgreina kviknað líf öllu æðra.  Ýmist alveg frá sæðisfrumu til frjóvgaðs eggs.  Þeir sem lengst ganga hika ekki við að drepa lækna og hjúkrunarfólk sem framkvæma fóstureyðingu - í heilagri baráttu fyrir því að vernda líf.  Iðulega er það sama fólk fylgjandi dauðarefsingu á óheiðarlegum.  Svo ekki sé minnst á stuðning við hernað í útlöndum.  Þá er hverju drápi á meintum óvinum fagnað með góli og ástríðufullri þakkarbæn til guðanna.

„Það er komið nóg“

Athugasemdir

[Sigurður I B Guðmundsson, 28.11.2015 kl. 21:37]

Svo var það sæðisfruman sem var fyrst en sneri þá við og kallaði til hinna  sæðisfrumana: Snúið við, við höfum verið plötuð, hér er bara kúkur!!!

[Ásthildur Cesil Þórðardóttir, 29.11.2015 kl. 01:02]

Einhversstaðar las ég að sæði væri besta andlitskrem sem konur geta fengið.  Er ekki hægt að nýta þessa orkulind í fegrunarlyf.  Og svo annað, er sæði ekki næsta stig við stofnfrumur?  Þannig að það ætti að skoða hvort sæðisfrumur geti ekki komið í stað stofnfruma?  Bara segi svona

[Jónas Ómar Snorrason, 29.11.2015 kl. 09:53]

Var ekki svona sena í Woody Allen mynd Sigurður? Búin að æfa sig í langan tíma áður en ferðin myndi hefjast. 

[Jens Guð, 29.11.2015 kl. 19:43]

Sigurður I B,  shit happens.

[Jens Guð, 29.11.2015 kl. 19:43]

Ásthildur Cesil,  mig skortir þekkingu á þessu.

[Jens Guð, 29.11.2015 kl. 19:44]

Jónas Ómar,  mig rámar í þessa mynd með Woody.

[Ásthildur Cesil Þórðardóttir, 29.11.2015 kl. 20:12]

Ég sá þessa mynd :)