Hver platar hvern?

 

 

 

 

 

 

 

 

 

 

 

 

 

 

  Síðasti Freyjudagur var af verslunarmönnum kallaður Black Friday.  Á þannig degi eru vörur verslunarinnar seldar með auglýstum 25 - 70% afslætti.  Þó að uppátækið sé kennt við Freyjudag þá gildir afslátturinn í flestum verslunum yfir alla helgina.  Í dag tekur við Cyber Monday.  Þá er hægt að gera góð kaup í netheimum.

  Þegar um risaútsölu er að ræða bregður verslunin iðulega á leik.  Það er ekki góður bisness að borga með vörunni.  Algengt bragð er að hækka vöruverð í tæka tíð.  Síðan er gefinn afsláttur.  Þegar upp er staðið borgar kúnninn hefðbundið verð fyrir vöruna.

  Þeir sem ganga lengst í leiknum hækka verðið svo ríflega að á útsölunni er varan seld á hærra verði en venjulega.  

  Sumir standa verslunina að verki.  Þá brýst fram óánægja.  Fólki finnst eins og það hafi verið haft að fífli.  Sem er tilfellið.  

  Þegar betur er að gáð er það kaupandinn - umfram aðra - sem hefur haft sjálfan sig að fífli.  Hann var ánægður með kaupin til að byrja með.  Honum þótti verðið það gott að hann keypti vöruna.  Þar með borgaði hann í raun sanngjarnt verð.  

 

Athugasemdir

[Jósef Smári Ásmundsson, 30.11.2015 kl. 13:35]

Heyrði ávinning af því að einmitt þetta hafi verið gert í ELKÓ. 

[Már Elíson, 30.11.2015 kl. 14:34]

Þetta var gert meira og minna í öllum tilvikum um þessa helgi. En verði fíflunum að góðu.

[Jón (IP-tala skráð) 30.11.2015 kl. 16:25]

Frigg, ekki Freyja!

[Sigurður I B Guðmundsson, 30.11.2015 kl. 17:49]

Ertu ekki að plata mig!!

[Jens Guð, 30.11.2015 kl. 22:06]

Jósef Smár,  Byko (móðurskip Elko),  kann þetta.

[Jens Guð, 30.11.2015 kl. 22:07]

Már,  það er tilfellið.  

[Jens Guð, 30.11.2015 kl. 22:09]

Jón,  þetta er umdeilanlegt.  Eftir smá gúgl hallast ég að því að þetta sé rétt hjá þér. 

[Jens Guð, 30.11.2015 kl. 22:10]

Sigurður I B,  aðrir en ég eru að plata þig.  

[Anna Sigríður Guðmundsdóttir, 1.12.2015 kl. 01:12]

Las í dag, Morgunblaðið fimmtudaginn 26 nóvember 2015 bls. 13 í viðskiptahlutanum:

Spillingarforrit ógnar verslun á svörtum föstudegi.

M.b.kv. 

[GB (IP-tala skráð) 1.12.2015 kl. 14:36]

Þeldökkur Freysdagur.

[Halldór Egill Guðnason, 1.12.2015 kl. 16:51]

Mikið vildi ég að hægt væri að selja aulahroll. Það safnaðist nefnilega svo mikill aulahrollur í mig um þessa útsöludaga, við að sjá hverslags hjarðeðli og fíflagangur greip um sig á þessum blessaða svarta fötudegi. Hrollsmagnið er sennilega ómælanlegt og því líklega óseljanlegt, enda vandséð í hvaða einingum hægt er að selja slíkt, hefði maður haldið. Eftirá að hyggja er þó allt eins hægt að selja Íslendingum aulahroll eins og hverja aðra déskotans dellu, sem flæðir hér að ströndum úr vesturheimi.

Góðar stundir, með kveðju að sunnan.

[Jens Guð, 2.12.2015 kl. 06:39]

Anna Sigríður,  þetta grunaði mig.

[Jens Guð, 2.12.2015 kl. 06:40]

GB,  góð tillaga.

[Jens Guð, 2.12.2015 kl. 06:40]

Halldór,  mannskepnan er hjarðdýr.