Gátan leyst

Fréttir hafa borist af eldri borgurum í Reykjavík,  höfuðborg landsins.  Þeir eru svangir.  Einkum og sér í lagi um helgar.  Fréttirnar af þessu eru um margt óljósar.  Jafnvel villandi.  Sumir fullyrða að matur eldri borgara sé eldaður af alúð.  Hann sé skammtaður samviskusamlega ofan í þar til gerð hitabox.  Vandamálið er að maturinn hefur ekki skilað sér til eldri borgara.  Einhver annar borðaði hann.  Nú er komin skýring á.  Sá sem borðaði mat eldri borgara hefur játað:  "Dagur borðaði mat eldri borgara".

  

Dagur borðaði mat eldri borgara

Athugasemdir

[Bjarni Gunnlaugur (IP-tala skráð) 23.1.2016 kl. 16:54]

 Síðasti jólasveinninn!

Skamtaskefill?

[Halldór Egill Guðnason, 23.1.2016 kl. 20:32]

Ekki nóg með að Dagur Bergþóruson og Hjálmar borgarskipulagsskelfir séu að gera bíleigendur óða, heldur er annar þeirra farinn að aféta gamalmenni borgarinnar. Þetta getur eiginlega ekki endað öðruvísi en illa. Aðallega fyrir bíleigendur og eldri borgara.

 Góðar stundir, með kveðju að sunnan.

[Jóhann Kristinsson, 24.1.2016 kl. 23:23]

Hvað ættli að Dagur B hafi borgað mikið fyrir að fá mat sem ætlaður var eldri borgurum?

Ættli Dagur B hafi fengið mat á laugardegi og sunnudegi?

Kveðja frá Houston

[Jens Guð, 25.1.2016 kl. 19:46]

Bjarni,  nýjasti jólasveinninn en ekki sá síðasti.

[Jens Guð, 25.1.2016 kl. 19:48]

Halldór Egill,  það er ekki til fyrirmyndar að borða mat eldri borgara.  

[Jens Guð, 25.1.2016 kl. 19:49]

Jóhann,  ég kannaði málið.  Hann borðaði helgarmat eldri borgara.  

[Jóhann Kristinsson, 25.1.2016 kl. 21:03]

Bölvaður þrjóturinn, hann átti auðvitað að nota tækifærið að prufa að vera án matar a helgum, eins og hann ætlast til af gamla fólkinu.

Kveðja frá Houston