Heimskir glæpamenn

 Margir glæpamenn eru heimskir.  Þess vegna eru þeir glæpamenn.  Af sömu ástæðu tekst oft að koma upp um þá og koma þeim á bak við lás og slá.  Þar eiga þeir heima.  Þeim er refsað fyrir heimsku umfram annað.  

  Þútúpan er full af myndböndum af heimskum glæpamönnum.  Þó er ekkert myndband til af áströlskum glæpamanni sem hugðist stela bensíni úr stórri rútu.  Hann setti slöngu ofan í tank rútunnar og saug upp úr honum "munn við munn" til að dæla bensíni þaðan ofan í sinn bensínbrúsa.

  Svo illa tókst til að þjófurinn ruglaðist á bensíntanki og klósetttanki rútunnar.  Hann saug upp úr klósetttanknum.  Sennilega varð hann fljótlega var við að bragðið sem hann fékk upp í sig var ekki af bensíni.  Ælur úr honum á vettvangi benda til þess.

 

  

Óljóst hver skaut fyrst

Athugasemdir

[Ómar Ragnarsson, 27.1.2016 kl. 23:30]

Karl Schutz, þýskur lögregluforingi, sem fenginn var til landsins til að rannsaka Guðmundar- og Geirfinnsmálið, var beðinn um að skoða annað morðmál, þar sem sýknað hafði verið þótt bæði væri lík og morðvopn og möguleg ástæða fyrir hendi.

Hann skoðaði gögn um málið og yfirheyrslurnar og sagði, að hann treysti sér ekki til að ná neinum árangri í því máli.

Það væri nefnilega illmögulegt að flækja vitgranna menn í framburði en hins vegar miklu auðveldara gagnvart gáfuðum afbrotamönnum.

Ástæðan væri sú að þeir gáfuðu legðu svo mikla ofuráherslu á að framburður þeirra væri algerlega pottþéttur, að ef hægt væri að draga fram veilur, flæktu þeir sig sjálfir í því að reyna að losa sig við þær.

Heimskir menn áttuðu sig hins vegar ekki á mótsögnum og hefðu ekki rænu á að spinna upp flóknar skýringar.

[Þorsteinn Sch Thorsteinsson (IP-tala skráð) 28.1.2016 kl. 18:30]

Þetta er athyglisvert hjá þér

[Jens Guð, 30.1.2016 kl. 13:38]

Ómar,  takk fyrir áhugavert innlegg.

[Jens Guð, 30.1.2016 kl. 13:38]

Þorsteinn,  takk fyrir það.