Ekkert rugl hér!

  Í gær kom ég við á bókasafni.  Þar hitti ég Skagfirðing.  Við hófum umsvifalaust að skrafa saman.  Á borðinu fyrir framan okkur lágu dagblöð og tímarit.  Bar þá að roskna konu sem haltraði til okkar.  Hún spurði hvort að við værum með laugardags-Moggann.  Skagfirðingurinn greip upp blað,  rétti að konunni og sagði:  "Nei,  en hérna er Sunnudags-Mogginn."

  Konan tók - eins og ósjálfrátt - við blaðinu.  Í sömu andrá var líkt og hún brenndi sig.  Hún þeytti blaðinu eldsnöggt á borðið,  hnussaði og hreytti með hneykslunartóni út úr sér um leið og hún strunsaði burt:  "Ég ætti nú ekki annað eftir en fara að lesa blöðin í vitlausri röð!"

   

Athugasemdir

[Sigurdur Hermannsson (IP-tala skráð) 2.3.2016 kl. 13:37]

Jens, telur thu markad fyrir 0 procent vodka?

[Jens Guð, 2.3.2016 kl. 16:10]

Sigurður,  það hefur verið fullreynt að spurn eftir alkólfríum vodka er engin.  

[Sigurður I B Guðmundsson, 2.3.2016 kl. 19:39]

Var þetta Þórólfur Gíslason sem þú hittir á bókasafninu???

[Jens Guð, 2.3.2016 kl. 20:23]

Sigurður I B, nei,  þetta var ekki Þórólfur sem öllu ræður um skagfirska efnahagssvæðið.  Hann hefur öðrum og dýrari hnöppum að hneppa en blanda geði við lágmenningarskrílinn sem slæðist inn á bókasöfn.  

[Stefán (IP-tala skráð) 4.3.2016 kl. 10:27]

Satt er það Jens, að við búum nú um stundir við skagfirskt efnahagssvæði og einræði framsóknarflokksins sem kaupir sér atkvæði út og suður með bitlingum sem aldrei fyrr.

[Jens Guð, 7.3.2016 kl. 22:16]

Stefán,  svo rétt.