Íslenska lopapeysan

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

  Fátt er íslenskara en íslenska lopapeysan.  Ullarpeysa prjónuð af alúð og ástríðu með rammíslenskum höndum.  Prjónuð úr rammíslenskri ull af rammíslenskum kindum.  Prjónuð með rammíslensku tvílitu mynstri.  Þröngt hálsmál er einkenni og lykill að því að hún haldi góðum hita á kroppnum í norðangarranum.  Hún er stolt Íslands,  skjöldur og sverð.  

  Vegna góðs orðspors,  vinsælda og virðingar íslensku ullarpeysunnar er góður hrekkur að smána ómerkilega útlendinga með því að gefa þeim ljóta og kjánalega fjöldaframleidda kínverska ullarpeysu.  Ljúga í þá að þetta sé íslensk ullarpeysa.  Niðurlæging þiggjandans er trompuð með alltof stóru hálsmáli.  Honum er sagt að klæða sig í peysuna eins og pilsi:  Fara fyrst með fætur ofan í hálsmálið og hífa hana síðan upp um sig.  Aðalbrandarinn er sá að þiggjandinn fatti ekki að verið sé að hafa hann að fífli.  Það er endalaust hlegið að vesalingnum. 

Athugasemdir

[Jóhannes Laxdal Baldvinsson, 20.3.2016 kl. 22:44]

Reynslulausir ráðherrar
rykti okkur ræna
Það sem áður aðal var
er nú made in China

[Stefán (IP-tala skráð) 21.3.2016 kl. 08:08]

Peysur í sauðalitum minna mig of mikið á sauðina sem sitja á þingi fyrir Framsóknarflokkinn.

[Ásthildur Cesil Þórðardóttir, 21.3.2016 kl. 09:38]

Ég held satt að segja að það sé frekar hlegið að iðnaðarráðherranum, sem gefur þennan hrylling með aðdáunarsvip.  Og ekki síður að 66° norður sem hafa svo sannarlega sett niður, og að lokum Icelandair.  Heimskan ríður ekki við einteymning í þessu máli.  

[Sindri Karl Sigurðsson, 21.3.2016 kl. 13:03]

Þetta lítur þannig út fyrir mér að einhver hafi þurft að "redda" hlutunum í flugstöðinni, það er í það minnsta mín von og trú. Að öðrum kosti er engan bætifláka að bera í og eingöngu um að kenna grandvara- og skipulagsleysi ráðherrahirðarinnar.

Spurning um fleiri skósveina?

[Anna Sigríður Guðmundsdóttir, 21.3.2016 kl. 17:35]

Þarna tókst Bláa lóns karlrembu-foringjanum Grími Sæmundsen og hans margra miljóna vertakamafíu-coco-svikurunum skattsvíkjandi, að toppa sjálfa sig í fíflaganginum og siðleysinu. Skattsvik eiga sér skjól víðar en á bankaráðlögðum og heiðarlega skattgreiðandi "fjölmiðlaveldis-eyjum".

Og fjölmiðlahundarnir elta svikatíkina Grím Sæmundsen og samherjana blekktu og sviknu, eins og sannleikans eina og sanna heilagleika?

Líklega misskilur flestir hvað er í gangi á fjölmiðlablekkjandi Íslandi?

Ég hef ekki enn áttað mig á hvernig Íslands-stjórnsýsluspillingarembættis-dómskerfið virkar í raun og veru á siðmenntaðan réttvörslu-ríkisgreiddan hátt, hér á Íslandi?

Jón Steinar Gunnlaugsson er nú búinn að gera margar tilraunir til að kenna okkur eitthvað dómslöglega sannan-lega verjandi hátt, en það er eins og við séum flest öll gerilssneydd raunverulegri sönnunarþörf á glæpunum?

Fjölmiðlar heimsveldisins svikakanna "sannanir", með aðstoð dómsstóla?

Ísland réttarríkis-tjáningarfrelsis?

Ja, þvílíkur heimsútbreiddur og svika-fjölmiðlaður blekkingarleikur!

M.b.kv.

[Jens Guð, 21.3.2016 kl. 18:06]

Jóhannes,  takk fyrir skemmtilega vísu.

[Jens Guð, 21.3.2016 kl. 18:06]

Stefán, þetta er allt í stíl.  

[Jens Guð, 21.3.2016 kl. 18:07]

Ásthildur Cesil,  þetta er rétt hjá þér.

[Jens Guð, 21.3.2016 kl. 18:13]

Sindri Karl,  það  er engan bætifláka að bera í.  

[Jens Guð, 21.3.2016 kl. 18:17]

Anna Sigríður,  alltaf kemur þú með áhugaverðar vangaveltur. Takk fyrir það.  

[Stefán (IP-tala skráð) 22.3.2016 kl. 12:05]

Fimm ára offitusjúklingur óskar eftir stóru / stórum páskaeggi / eggjum í boði þjóðarinnar sem hann treystir á, en vantreystir honum. Alls ekki er vitað hvar hann er niðurkominn, en væntanlega gæti Kári Stefáns þefað hann uppi og komið góðgætinu / góssinu til skila.