Klúður sem verður að rannsaka

20.4.2016 | 08:08

Klúður sem verður að rannsaka

Það er auðvelt að vera vitur eftirá. Það hef ég sjálfur sannreynt. Í mörgum tilfellum er einnig auðvelt að vera vitur í tæka tíð. Vera forsjáll og hafa vaðið fyrir neðan sig. Einkennilegt verður að teljast að gatnagerðamenn Reykjavíkur helluleggi við Hverfisgötu viðkvæmar og brothættar gangstéttarhellur sem molna þegar í stað eins og hrökkbrauð við notkun.

Spurningar vakna: Hefur enginn rænu á að kanna aðstæður áður en gengið er til verka? Leyndi seljandi í útboði kaupanda hvert burðarþol gangstéttarhellunnar er? Eða laug hann? Það er ekki sjálfgefið að hellur sem eiga að þola þunga barnavagna beri rútur jafn léttilega. Eða fór ekki fram útboð? Var um klíkuskap að ræða?

Hugsanleg afsökun er að rútur eigi ekki erindi upp á gangstéttir. Málið er að fyrir lá að rútur fara stöðugt upp á stéttina við Hótel Skugga. Auðvelt er að sporna gegn því með auðskildu skilti sem bannar rútum að laumast upp á stétt. Ef það er ekki virt er rútufyrirtækið sektað umsvifalaust og látið borga allan kostnað við skemmdir.

Eðlilegast er samt að leggja gangstéttir með þokkalegu burðarþoli. Annað er vítavert og kallar á rannsókn þegar í stað. Svona vinnubrögð mega ekki endurtaka sig. Borgarsjóður hefur ekki efni á því.

	Hellur brotna undan flugrútum
Ábyrgðarmaður færslu Tilkynna um óviðeigandi tengingu við frétt

Meginflokkur: Stjórnmál og samfélag | Aukaflokkar: Fjármál, Samgöngur, Viðskipti og fjármál | Breytt s.d. kl. 10:02 | Facebook

Athugasemdir

Ég keyri Hverfisgötuna á morgnana á leið til vinnu og viti menn, þar eru litlar og stórar rútur út og suður að mjölbrjóta gangstéttir og leggja ólöglega við að pikka upp túrista af hótelunum. Bílstjórar verða að skáskjóta sér framhjá rútunum og keyra röngu megin á móti umferð og svo eru þarna oft flokkar af pólskum rónum að flækjast fyrir líka. Þannig að þetta er fast and furious.

Stefán (IP-tala skráð) 20.4.2016 kl. 08:38

Að ráðast á rútur vegna þess að þær keyra upp á gangstéttir er vægast sagt kjánalegt í þessu tilfelli þar sem rúturnar gera þetta til þess að stöðva ekki alla umferð á meðan verið er að sækja eða skila gestum á hótelið.

Vandamálið liggur hjá roðhænsnunum í Borgarstjórn sem leyfa hótel en gera ekki ráð fyrir rútustæði fyrir utan hótelið. Er það ekki Hjálmar svarti sem ber ábirgð á þessu?

Jón Garðar (IP-tala skráð) 20.4.2016 kl. 20:37