Af hverju eru rauðhærðir unglegri en aðrir? Gátan leyst

 

  Allir hafa tekið eftir því að rauðhært fólk eldist hægar en aðrir.  Fram eftir öllum aldri lítur það út eins og unglingar.  Nú hefur þetta verið rannsakað.  Niðurstaðan staðfestir að þetta sé tilfellið svo um munar.  Rauðhærðir eru mælanlega unglegri en jafnaldrar þeirra.  Ástæðan er/u gen.  Gen rauðhærðra eru forrituð þannig.  Þar spilar margt inn í.  Svo sem að húð rauðhærðra framleiðir D-vítamín í sól miklu hraðar en annarra.  D-vítamínið kemur af stað öflugri upptöku líkamans á kalki.  Hún skilar sterkari tönnum, hári, nöglum og betri húð sem meðal annars eldist hægar,  svo fátt eitt sé nefnt.  D-vítamín sem sólin framleiðir á húðinni er mun kröftugra en D-vítamín sem fæst með inntöku (til að mynda lýsis).    

  Vísindaleg rannsókn framkvæmd af háskóla í Frakklandi sýnir að aðdráttarafl rauðhærðra á skemmtistöðum er afgerandi meira en annarra.  Aðrar rannsóknir - líka á dýrum - staðfesta að góð D-vítamín staða er segull á hitt kynið.    

  Rauðhærðir Bretar eru 1%.  4% forstjóra í Bretlandi eru rauðhærðir.  Þetta þýðir að rauðhærðir eru fjórum sinnum líklegri til að ná toppstöðu á vinnumarkaði en aðrir.  Eldri rannsókn leiddi í ljós að rauðhærðir eru meiri töffarar en aðrir.  Eða þannig.  Uppátækasamari,  kjaftforari og áræðnari.  Hærra hlutfall þeirra er "rebels" (uppreisnargjarnir).  Þar fyrir utan er rautt hár flott.

  Færeyska sjálfstæðishetjan Þrándur í Götu var fagurrauðhærður og dæmigerður sem slíkur.  Sá lét ekki Noregskonung vaða yfir Færeyinga á skítugum skóm með skattheimtu eða annan yfirgang.  Það er ekki tilviljun að konungur pönksins,  Bretinn Johnny Rotten (Sex Pistols), er sömuleiðis fagurrauðhærður.  Hans kjaftfora uppreisnarframkoma er dæmigerð fyrir rauðhærða.  Sem hann svo kryddar með góðri kímni.      

  Það væri fróðlegt að skoða árangur rauðhærðra í músík eða leiklist. Þekkt er  hljómsveitin Simply Red,  kennd við rauðhærða söngvarann.  Hvað með Eirík Hauksson og Pál Rósinkrans?  Eða Dortheu Dam og Axl Rose? Eða Ágústu Evu og Sögu Garðarsdóttur? Ómar Ragnarsson og Jón Gnarr?  

    

Athugasemdir

[Sigurður I B Guðmundsson, 2.5.2016 kl. 21:44]

Gildir þetta líka fyrir "redneck" fólkið og þá sem lita á sér hárið rautt???

[Stefán (IP-tala skráð) 3.5.2016 kl. 08:20]

... eða hinn kraftmikli írski söngvari Van Morrison, sem er einn sá allra flottasti og svalasti í rokkbransanum.  

[Jens Guð, 3.5.2016 kl. 23:15]

Sigurður I B,  nei,  þetta á ekki við um rauðhálsana.  Fjarri því.

[Jens Guð, 3.5.2016 kl. 23:19]

Stefán,  þú sást sjónvarpsþættina um Cillu Black en ekki ég. Mig minnir að hún sé rauðhærð.  

[Stefán (IP-tala skráð) 4.5.2016 kl. 07:59]

Cilla svarta sem hét Cilla hvíta var rauðhærð

[Ingibjörg (IP-tala skráð) 4.5.2016 kl. 12:39]

Jens, það er til kenning um að "rauðhærða genið" sé frá Neanderdalsmönnum, þeir blönduðust Homo Sapiens í Evrópu og víðar. Ég er ekki dómbær um þetta, en Arnar Pálsson erfðafr. og Moggabloggari veit það kannski.

[Jens Guð, 4.5.2016 kl. 19:17]

Stefán,  þetta minnti mig.

[Jens Guð, 4.5.2016 kl. 19:26]

Ingibjörg,  takk fyrir fróðleiksmolann.  Ég veit að rauða hárið varð upphaflega til í Evrópu fyrir nokkrum tugum þúsunda árum.  Langhæsta hlutfall rauðhærðra er í Írlandi og Skotlandi.