Íslendingarnir komu, sáu og sigruðu

  Til margra áratuga hefur geisað kántrý-æði í Færeyjum.  Kántrý-senan þar er miklu stærri og öflugri en á Íslandi og eflist með hverju árinu sem líður.

 Nú í vikulokin er haldin í Sörvogi í Færeyjum stór, mikil og glæsileg tónlistarhátíð,  Sörvágs Country & Blues Festivalurin.  Þar komu fram margar af helstu kántrý-stjörnum Færeyja auk kántrý-bolta frá Bandaríkjum Norður-Ameríku,  Svíþjóð og Íslandi.  

  Tónlistardagskráin var að uppistöðu til á fjórum sviðum á föstudag og laugardag.  Í morgun,  sunnudag, var guðsþjónusta.  Þar söng færeyska kántrý-drottningin Kristína Bærendsen.  Hún hefur tvívegis komið í hljómleikaferð til Íslands.

  Af öðrum Færeyingum á hátíðinni sem eru Íslendingum að góðu kunnir má nefna kántrý-kónginn Hall Jóensen og Holgar Jacobsen.  Af bandarískum kántrý-boltum skal telja Georgettu Jones og Danna Leigh.  Fulltrúar Svía voru spaðarnir í Western Satillites.

  Meðal dagskrárliða voru Hank Williams heiðurstónleikar og Tanya Tucker heiðurstónleikar.

  Samkvæmt fréttum færeyskra fjölmiðla sló íslenska hljómsveitin Axel O & Co í gegn á hátíðinni.  Þeim er hælt í hástert.  Sagðir hafa verið hápunktur föstudagsins.  Söngvarinn hafi verið sérlega góður og hljómsveitin framúrskarandi í alla staði.    

   

Athugasemdir

[Theódór Norðkvist, 12.6.2016 kl. 21:18]

Komst að því nýlega að Roger Hodgson úr Supertramp hefur komið til Færeyja, þannig að það kemur mér ekki á óvart að tónlistarlíf þar sé öflugt. Hann hefur aldrei komið til Íslands, er það, eða Supertramp?

Þetta lag sem hann flutti á Summar Festivalurinn, er að vísu ekki kántrí, en samt smá kántrífílingur í því, eða hvað?

https://www.youtube.com/watch?v=CdTrqV6dt3o

[Jens Guð, 12.6.2016 kl. 21:59]

Theódór,  Sumarhátíðin var fyrir viku.  Roger kom var ekki í ár.  Hann var - að mig minnir - fyrir þremur árum.  Sumarhátíðin býður alltaf upp á blandaða dagskrá: Frá léttasta poppi (að mestu) til pönkrokks.    

[L. (IP-tala skráð) 12.6.2016 kl. 23:34]

Hallur og Kristina brilljant!

[L. (IP-tala skráð) 12.6.2016 kl. 23:49]

Fáránleikin.

Norræn samvinna, skyldleiki.

Fjolmenning ...

Við ættum að bæta fjolmenninguna og hvetja til að allir sjónvarpaðir sameiginlegir menningarlegir norrænir viðburðir verði aðgengilegir ollum.

Það er ekki eins og islendingar hafi reynt að tengjast norðurlondum á undanfornum áratugum ...

[Jens Guð, 13.6.2016 kl. 09:07]

L,  ég tek undir hvert orð hjá þér.