Stórefla kafbátaleit

  Utanríkisráðherra Íslands,  Lilja Alfreðsdóttir,  og varavaravarnarmálaráðherra Bandaríkja Norður-Ameríku,  Róbert Óh Work a lot, undirrituðu í gær sameiginlega á mikilvægt plagg um áframhaldandi samstarf Íslands og Bandaríkja Norður-Ameríku.  Einkum á sviði varnarmála.  Ekki seinna vænna nú þegar sótt er að Íslandi úr öllum áttum.

  Bandaríkjaher var búinn að greina ítarlega frá inntaki samningsins í málgagni sínu löngu áður en íslenski utanríkisráðherrann var settur inn í málið.

  Plaggið er áþekkt eldri plöggum frá 1951 og 2006.  Pappírinn er þó vandaðri og áferðarfallegri og blásvart pennablekið skarpara.  

  Í plagginu heita ríkin tvö því að eiga samstarf.  Ísland skuldbindur sig til að leyna Bandaríkin engu um sín varnarmál.  Síst af öllu því sem snýr að loftrýmisgæslu.  Hvorugt landið mun upp á sitt einsdæmi og í leyni í skjóli nætur stunda viðhald á mannvirkjum.

  Víkur þá sögu að megin inntaki skjalsins.  Það kveður á um stóraukna kafbátaleit um allt Ísland.  Til að byrja með verður meginþunga leitarinnar beint að Hveragerði og nágrenni.

 

Athugasemdir

[Sigurður I B Guðmundsson, 1.7.2016 kl. 10:21]

Búinn að vera mjög óöruggur síðan Kaninn fór en er nú allur að hressast og er að fá mikla öryggistilfinningu vitandi um þessa endukomu Kanans!!!

[Axel Jóhann Hallgrímsson, 1.7.2016 kl. 16:52]

Það er alveg ótækt að einhverjir kafbátar séu að kafa ofan í fjármál framsóknarforkólfa og annarra fyrirmenna, að þeim forspurðum. Manna sem ekkert hafa til saka unnið annað en að finnast eðlilegt og sjálfsagt að það standi öðrum nær að greiða til samfélagsins.

Burt með alla kafbáta sem vilja raska heilbrigðu og auðugu mannlífi auðmanna.

[Jens Guð, 2.7.2016 kl. 11:44]

Sigurður I B,  ég upplifi þetta sama. Sérstaklega finn ég fyrir öryggi vegna hertrar kafbátaleitar um land allt.  

[Jens Guð, 2.7.2016 kl. 11:45]

Axel Jóhann,  mæl þú manna heilastur!