Heimska fólkið fer á kostum

  Það er ekki öllum gefið að hafa verksvit.  Sumir synda í gegnum lífið eins og hálf sofandi.  Lengst af er líkt og þeir gangi ekki á öllum "cylindrum". Eða eins og máltækið segir:  "Margur er sljór þó hann sé mjór."  Þetta á ekki síst við í flatbökubransanum þar sem almúganum er selt ítalskt fátækrafæði á uppsprengdu verði.  Kátínu vakti um verslunarmannahelgi auglýsing um opnunartíma einnar flatbökusjoppunnar.

 

 

 

 

 

 

 

 

 

 

 

 

 

 

 

 

  Önnur flatbökugerð komst í kastljósinu.  Skjáskot af netsamtali gengur manna á meðal.  Flatbökusalinn ruglar saman nöfnunum Sighvatur og Frank.  Það er eðlilegt.  Bæði nöfnin innihalda sjaldgæfu stafina a og r. Til að sjá textann betur þarf að smella á skjáskotið.

 

 

 

 

 

 

 

 

 

 

  Margir hafa ofnæmi fyrir jarðhnetum.  Þess vegna er á umbúðum sumra matvæla merkt að þau innihaldi jarðhnetur.  Til að ekkert fari á milli mála hefur þótt ástæða til að merkja við jarðhneturekka í matvöruverslun að jarðhnetur innihaldi jarðhnetur.  Í Bandaríkjum Norður-Ameríku er ástæða til að passa upp á svona lagað.  Kæruglaðar lögfræðistofur gera út á að hanka verslanir sem gulltryggja sig ekki með bæði belti og heilgalla. 

  Vínberalaus vínber.  Heimskinginn hefur líkast til ætlað að koma því á framfæri að vínberin séu steinlaus. 

 

Athugasemdir

[Ásthildur Cesil Þórðardóttir, 24.7.2016 kl. 11:04]

Hahahaha góður 

[Jens Guð, 24.7.2016 kl. 17:45]

Ásthildur Cesil,  takk fyrir innlitið.  

[Stefán (IP-tala skráð) 25.7.2016 kl. 08:15]

Já, hvað skyldi nú vera mörg hundruð prósent álagning á pizzum á Íslandi ?  Og samkvæmt mínum upplýsingum frá stéttarfélögum leikur sterkur grunur á því að margir þessara skydibitastaða hér borgi laun langt undir því sem þeim ber og að fólk fái ekki einu sinni launaseðla á sumum þessara staða.

[Ásthildur Cesil Þórðardóttir, 25.7.2016 kl. 11:09]

Við búum til okkar pizzur sjálf, eða Elli minn, hann bakar bæjarins bestu pizzur.  

[Jens Guð, 25.7.2016 kl. 11:11]

Stefán,  einhverra hluta vegna eru tíð eigendaskipti á mörgum pizzastaðnum.  Ekki eru mörg ár síðan Dominos fékk afskrifaðar tvö þúsund milljónir.  Brögð er að því að starfsfólk skyndibitastaða fái ekki laun.  Leikurinn er þannig að unglingar eru ráðnir kauplausir á svokölluðum reynslutíma.  Síðan eru þeir ekki fastráðnir.

[Jens Guð, 26.7.2016 kl. 17:40]

Ásthildur Cesil,  ég helkd að oftast séu heimagerðar pizzur bestar.

[Ásthildur Cesil Þórðardóttir, 28.7.2016 kl. 09:51]

Einmitt í þeim er það hráefni sem manni finnst best sjálfum.