Hillary Clinton með geðröskun

  Samkvæmt frétt á mbl.is er fullyrt að Hillary Clinton,  forsetaframbjóðandi demókrata í Bandaríkjum Norður-Ameríku, sé með geðröskun.  Henni er lýst innhverfri.  Í málgagni bandarískra geðlækna 2010 er innhverfa skilgreind.  Meðal einkenna eru eftirfarandi:  

- Er stöðugt að tala við sjálfan sig

- Með lágan blóðþrýsting

- Sækir stíft í að sitja við borðenda.  Forðast eins og heitan eld að sitja fyrir miðju borði.

- Snillingur á einu sviði en vanmáttug á öllum öðrum sviðum 

- Gerir ekki neitt tímunum saman.  Situr bara og horfir út í loftið.

- Þolir ekki að spjalla um eitthvað sem skiptir engu máli

- Hefur ekki áhuga á að kynnast nýju fólki

- Er í sínum heimi þrátt fyrir að vera í mannfagnaði með vinum og ættingjum

- Þolir illa áreiti en tekur eftir allskonar smáatriðum sem fara framhjá öðrum

- Umhverfið skiptir engu máli.  Það bara er þarna.

 

Innhverf og með löngun til að þjóna

Athugasemdir

[Aðalsteinn Geirsson (IP-tala skráð) 28.7.2016 kl. 11:21]

Ætli þessi ágriningur ykkar geti átt rætur í þýðingu kannski á þýðingu? Í sálfræði er talað um að heilbrigt fólk sé (á útlenzku) meira „extrovert" eða „introvert" opið/opinskátt eða dult/hlédrægt. Báðar „típur" geta verið gáfað og hugsandi fólk en hinn opni talar meira. Sami maður getur breyzt úr anarri í hina á avinni.

[Jósef Smári Ásmundsson, 28.7.2016 kl. 11:36]

Sjúkdómurinn heitir " Einhverfa". Að vera innhverfur er ekki sjúkdómseinkenni. Það gefur einungis til kynna að fólk er upptekið af sjálfu sér  og/ eða hefur ekki áhuga á samskiptum við annað fólk.

[Anna (IP-tala skráð) 29.7.2016 kl. 02:02]

Einhverfa er ekki geðröskun heldur þroskahömlun. "Taugafræðileg röskun á eðlilegum þroska"(segir íslenska Wikipedia), alvarlega skert geta til félagslegra samskipta og tjáningar.

En Mbl lýsti Hillary Clinton ekki sem einhverfri heldur INNHVERFRI. Sem er allt önnur ella og snýst um persónuleika. Innhverft fólk unir sér mjög vel eitt og sér og bara í kompaníi með eigin hugsunum. Vill frekar lesa góða bók en fara í eitthvað partí þar sem það þekkir varla nokkurn mann. Félagslega njóta innhverfir sín best í mjög fámennum hópum en eru alltaf hálf utanveltu í stórum hópum.

Hillary Clinton hefur sjálf sagt að sér finnist að það hafi alltaf háð henni nokkuð (sem stjórnmálamanni) að vera fremur innhverf manneskja. Að vera aldrei upp á sitt besta í stórum hópi manna. Ólíkt eiginmanninum sem eru miklu félagslyndari persónuleiki og á auðvelt með að gera sjálfan sig að miðpunkti í stórum hópum.

[Jens Guð, 29.7.2016 kl. 07:53]

Aðalsteinn,  það er alveg til í þessu hjá þér.

[Jens Guð, 29.7.2016 kl. 07:54]

Jósef Smári,  er þetta ekki frekar eiginleiki en sjúkdómur?

[Jens Guð, 29.7.2016 kl. 07:55]

Anna,  þetta er rétt hjá þér.

[Jósef Smári Ásmundsson, 29.7.2016 kl. 08:32]

Jú, sennilega er þetta rétt hjá Önnu. Yngri strákurinn minn er með Asberger, reyndar á vægu stigi, sem er skylt Einhverfu. Ég hef aldrei litið á þetta sem sjúkdóm. En einkennin eru svipuð. Snillingur á sumum sviðum en á erfitt með að meðtaka annað nema í litlum skömmtum. Sjálfur held ég að ég sé ekkert ósvipaður Hillary. Það er ágætis eiginleiki.

[Stefán (IP-tala skráð) 29.7.2016 kl. 10:47]

Noh, hef einmitt heyrt fólk lýsa Sigmundi Davíð svona - framsóknargeðröskun er þetta víst kallað líka. 

[Jakob Bragi Hannesson (IP-tala skráð) 30.7.2016 kl. 18:40]

Það var Carl Jung sem fyrstur greinir fólk eftir persónuleikagerðum með hugtökunum ,,introvert" og ,,extrovert".Sérhver einstaklingur er samansettur á eftirfarandi fjóra vegu skv.greiningarkerfis Carl Jung: Innhverfur/innhverfur= Þá er viðkomandi innhverfur út á við og innhverfur inn á við. Úthverfur/úthverfur= Þá er viðkomandi úthverfur út á við og úthverfur inn á við. Innhverfur/úthverfur= Þá er viðkomandi innhverfur út á við en úthverfur inn á við. Úthverfur/innhverfur= Þá er viðkomandi úthverfur út á við en innhverfur inn á við. Það hvort viðkomandi sé með geðröskun eða ekki fylgir mjög ströngum greiningarlyklum og er læknum skylt að nota staðal Alþjóðaheilbrigðisstofnunar Sameinuðu þjóðanna, ICD-10, til að greina og flokka geðsjúkdóma. Margir styðja sig þó við ameríska greiningarlykilinn DSM sem er skammstöfun fyrir ritið Diagnostic and Statistical Manual of Mental Disorders sem Amerísku geðlæknasamtökin gefa út. Þetta er, eins og nafnið gefur til kynna, handbók handa geðlæknum til að þeir geti greint geðsjúkdóma.

[Jens Guð, 30.7.2016 kl. 19:10]

Jósef Smári,  það er ekki kostur að líkjast Hillary.  Nema,jú, þetta með innhverfuna.

[Jens Guð, 30.7.2016 kl. 19:11]

Jakob Bragi,  bestu þakkir fyrir þennan fróðleik.

[Jens Guð, 30.7.2016 kl. 19:12]

Stefán,  það er margt einkennilegt við þann fuglinn.

[Jakob Bragi Hannesson (IP-tala skráð) 30.7.2016 kl. 22:05]

Það er ekki allt sem sýnist í persónuleikagreiningu Carl Jungs. Þú getur virst úthverfur en ert í raun mjög innhverfur (on the inside).Þetta er mjög ,,lógiskt" enda geta margir leikið það að vera úthverfir í margmenni en eru í raun mjög innhverfir einstaklingar. Hillary Clinton er mjög líklega innhverf/innhverf og það eru hugsuðir oft. Það er síðan mjög eðlilegt að menn gerist innhverfir út á við þegar menn eldast. Þegar við eldums fer okkur að leiðast mannamótin og kjósum einveruna og rólegheitin meir.