Missti af Herjólfi

  Þeir kalla ekki allt og alla ömmu sína í Vestmannaeyjum.  Enda yrði það fljótlega ruglingslegt.  Vestamannaeyingar eru harðgerðir afkomendur víkinga og þræla.  Í gærkvöldi bar svo við að lögreglumaður Eyjanna missti - fyrir hlálegan misskilning - af fari með bátnum Herjólfi.  Hann gerði sér þá lítið fyrir og synti frá Eyjum til lands.  Lagði af stað laust fyrir miðnætti og náði landi við Landeyjahöfn um hálf sjö í morgun.   

  Þegar þangað var komið uppgötvaðist að hann hafði sparað sér 1320 króna fargjald.  

 

Synti 11 km leið frá Eyjum

Athugasemdir

[Sigurður I B Guðmundsson, 5.8.2016 kl. 17:55]

Hvað hefði gerst ef hann hefði misst af flugi!!

[Már Elíson, 5.8.2016 kl. 20:32]

Hann hefði verið jafnlengi að synda...og sparað jafnmikið, eða því sem nemur flugfarseðlinum. (?)

[Karl konunnar sem fór ekki til Eyja! (IP-tala skráð) 6.8.2016 kl. 07:36]

Mér fannst það helvíti hart,

en hún djúpt mig snart,

ég engu um það kenni,

en sá gállinn var á'enni,

að hún fór Rod...Stewart!

[Jens Guð, 6.8.2016 kl. 12:09]

  Sigurður I B,  góður!   

[Jens Guð, 6.8.2016 kl. 12:09]

Már,  þá hefði sparast 15 þúsund kall.

[Jens Guð, 6.8.2016 kl. 12:12]

Sveitti bóndin,  það er út af svona sem kennarar krefjast hærri launa.  

[Jens Guð, 6.8.2016 kl. 12:12]

Karl konunnar...,  takk fyrir skemmtilega limru.  

[Sindri Karl Sigurðsson, 6.8.2016 kl. 23:26]

Heill og sæll Jens.

Jón Kristinn Þórsson, júdómaður með meiru er ekki lögga í Eyjum, í það minnsta ekki að staðaldri. Það að flimtra með afrek sem enginn hefur, mér vitanlega framkvæmt, finnst mér ekki fyndið fyrir 5.

Góða helgi

[Jens Guð, 7.8.2016 kl. 03:49]

  Sindri Karl,  það á ekki að flimtra með nokkurn hlut.  

[Tobbi (IP-tala skráð) 11.8.2016 kl. 10:10]

Og hafi nú enginn framkvæmt [svo!] Landeyjasund, að sögn Sindra, þá hefur meint lögga ekki gert það heldur. Þar með er allt tal um meint afrek meintrar löggu bull og því hið besta mái að „flimtra“ um það.